អតីតមេបញ្ជាការកងនាវាចរជប៉ុន នៅថ្ងៃសុក្រនេះបានបញ្ជាក់ថា ប្រទេសរបស់លោក មានសមត្ថភាព ក្នុងការសាងសង់ នាវាមុជទឹកចំនួន ១២ គ្រឿងសម្រាប់ប្រទេស អូស្ត្រាលី នៅក្នុងតំបន់ អាឌីឡេដ ហើយជប៉ុនគួរតែទទួល បានប្រាក់ ពីរដ្ឋាភិបាលអូស្ត្រាលី ចំនួន ៤០ពាន់លាន
ដុល្លារអាមេរិក សម្រាប់ការដេញថ្លៃ។
ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី២៧ ខែមីនា ឆ្នាំ២០១៥ នេះដោយយោង តាមសេចក្ដីរាយការណ៍ឲ្យដឹងថា អតីតមេបញ្ជាការកងទ័ពជើងទឹក ជប៉ុនលោក យូជិ កូដា បាននិយាយថា វាគឺ “អាចធ្វើទៅបានក្នុងការសាងសង់ នាវាមុជទឹក នៅក្នុងប្រទេសអូស្ត្រាលី។
បណ្ដាក្រុមហ៊ុនសំណង់មកពីប្រទេសបារាំង និងអាល្លឺម៉ង់ កំពុងប្រកួតប្រជែងជាមួយនឹង រដ្ឋាភិបាល ជប៉ុនដើម្បីទទួលបានសិទ្ធិ ក្នុងការសាងសង់ នាវាមុជទឹកនៅអូស្ត្រាលី ជាមួយនឹងយុទ្ធនាការក្នុងស្រុក សម្រាប់នាវាមុជទឹក ដែលត្រូវបានសាងសង់ឡើង នៅក្នុងប្រទេស អូស្ត្រាលី ដោយមិនគិតពីទីតាំង ដែលពួកគេត្រូវដាក់ ឲ្យធ្វើនោះឡើយ។
របាយការណ៍នេះធ្វើឡើង បន្ទាប់ពីអតីតប្រធានវិទ្យាស្ថាននាវាមុជទឹក របស់អូស្ត្រាលី បានចូលនិវត្តន៍ ហើយវានឹងក្លាយ ជាគ្រោះមហន្តរាយ ថ្នាក់ជាតិដ៏សំខាន់មួយ ប្រសិនបើនាវាមុជទឹកនេះ ត្រូវបានសាងសង់ឡើង នៅក្រៅប្រទេស។ ផលប៉ះពាល់អវិជ្ជមាន នោះគឺទឹកប្រាក់ ២២ពាន់លានដុល្លារអាមេរិក លើសេដ្ឋកិច្ច របស់ប្រទេសអូស្ត្រាលី ត្រូវបានគេព្យាករណ៍ទុកថានឹង រលាយ ប្រសិនបើកិច្ចសន្យានោះ ត្រូវបានបំពេញទាំងស្រុង នៅក្រៅប្រទេស ពិតប្រកដមែន៕
