ខេត្តបន្ទាមានជ័យ៖ នៅស្រុកមង្គលបុរីមានអាជីវកម្មបូមខ្សាច់អាណាធិបតេយ្យចំនួន៣កន្លែងត្រូវបានគេដឹងថានៅតែបន្តសកម្មភាពបូមខ្សាច់ធ្វើអាជីវកម្មយ៉ាងគគ្រឹកគ្រេងតែដដែល។លោកឡុងពុនអភិបាលស្រុកមង្គលបុរីបានឲ្យដឹងថាអាជីវកម្មខុសច្បាប់នេះលោកបានដឹកនាំ
កម្លាំងចុះទៅទប់ស្កាត់និងឲ្យផ្អាកសកម្មភាពកន្លងមករួចមកហើយតែសកម្មភាពធ្វើអាជីវកម្មបូមខ្សាច់ខុសច្បាប់ទាំង៣កន្លែនេះនៅតែធ្វើដដែលមិនខ្លាចនិងច្បាប់ឡើយអាជីវកម្មបូមខ្សាច់នេះនៅចំណុចភូមិគោកទម្លាប់ ភូមិពោធិ៍រៀង ឃុំបន្ទាយនាង និង ភូមិអូរ អណ្តូង ឃុំអូរប្រាសាទ ។ប្រជាពលរដ្ឋបានប្រាប់ឱ្យដឹងថាឈ្មួញធ្វើអាជីវមក្មនេះមានរយៈពេលជាយូរឆ្នាំមកហើយគេមិនដែលឃើញមានអាជ្ញាធរនិងសមត្ថកិច្ចជំនាញចុះទៅបង្ក្រាបនិងទប់ស្កាត់នោះឡើយ។ ក្នុងមួយថ្ងៃៗគេបូមខ្សាច់ចេញពីក្រោមដីលុងជ្រៅក្លាយទៅជារណ្តៅធំៗរាប់សិបកន្លែង ដែលធ្វើឲ្យប្រជាពលរដ្ឋនៅទីនោះមានការព្រួយបារម្ភយ៉ាងខ្លាំងអំពីបញ្ហាដល់កូនតូចៗរបស់ពួកគាត់ដើរធ្លាក់ក្នុងរណ្តៅ បូមខ្សាច់លង់ទឹកស្លាប់និងភ័យខ្លាចដោយការប្រឈមសត្វគោក្របីធ្លាក់ក្នុងរណ្តៅនោះផងដែរ។ប្រជាពលរដ្ឋបានបន្តថាទីតាំងបូមខ្សាច់ទាំង៣កន្លែងនោះទីតាំងខ្លះនៅចំកណ្តាលវាលស្រែនិងទីតាំងមួយចំនួនទៀតនៅក្បែរភូមិជិតផ្ទះប្រជាពលរដ្ឋរស់នៅក្បែរផងនោះទៀត។ប្រជាពលរដ្ឋនៅចំណុចអាជីវកម្មបូមខ្សាច់ក្នុងភូមិគោកទម្លាប់ប្រាប់ឲ្យដឹងថាមានប្រជាពលរដ្ឋមួយគ្រួសាររស់នៅក្បែរនោះបានលក់ដីនិងផ្ទះទៅឲ្យឈ្មួញធ្វើអាជីវកម្មបូមខ្សាច់នៅចំណុចនោះតែម្តង ។
ពីពោះប្រជាពលរដ្ឋមួយគ្រួសារនោះគាត់ភ័យខ្លាចកូនគាត់ធ្លាក់រណ្តៅបូមខ្សាច់លង់ស្លាប់ដែលអាជីវកម្មនៅក្បែរផ្ទះរបស់គាត់ ។ប្រជាពលរដ្ឋបាននិយាយបន្តថាអាជ្ញាធរចេះតែបណ្តែតបណ្តោយឲ្យមានការបូមខ្សាច់ធ្វើអាជីវកម្មអនាធិបតេយ្យជាយូរឆ្នាំមិនមានការទប់ស្កាត់និងបង្ក្រាបនេះធ្វើឲ្យមានការរិះគន់ពីសំណាក់ប្រជាពលរដ្ឋរស់នៅក្នុងតំបន់នោះយ៉ាងខ្លាំងទៅលើអាជ្ញាធរដែនដីនិងមន្ត្រីជំនាញផងដែរ។ ក្នុងនោះប្រជាពលរដ្ឋក៏មានការសង្ស័យថាការមិនទប់ស្កាត់និងបង្ក្រាបសកម្មភាពបូមខ្សាច់ខុសច្បាប់ដោយពួកគាត់ដាក់ការសង្ស័យទំនងជាអាជ្ញាធរនិងមន្ត្រីជំនាញទទួលផលប្រយោជន៍ពីអាជីកម្មបូមខ្សាច់របស់ក្រុមឈ្មួញទើបពុំបង្ក្រាបយ៉ាងដូច្នេះ។ឈ្មួញដែលធ្វើអាជីវកម្មបូមខ្សាច់នៅចំណុច៣ទីតាំងខាងលើត្រូវបានប្រជាពលរដ្ឋប្រាប់ឱ្យដឹងថា មានឈ្មោះ អ៊ឹង វ៉ាន់ម៉ៅ និងឈ្មោះ សៀវ ភឿង។ជុំវិញនៃការធ្វើអាជីវកម្មបូមខ្សាច់នេះលោកឡុងពុនអភិបាលស្រុកមង្គលបុរីបានប្រាប់ឲ្យដឹងថាអាជីវកម្មទាំងនោះលោកបានឲ្យមន្ត្រីក្រោមឱវាទចុះត្រួតពិនិត្យគឺគ្មានច្បាប់ធ្វើអាជីវកម្មនោះទេកន្លងមកលោកបានចុះទៅណែនាំឲ្យបញ្ឈប់អាជីវកម្មនេះដែរតែពួកឈ្មួញនៅតែជជេសធ្វើលោកនិងទៅចុះណែនាំបន្ថែមទៀត ។
ពាក់ព័ន្ធនឹងការធ្វើអាជីវកម្មបូមខ្សាច់ នៅចំណុចខាងលើនោះដែរ មន្ត្រីនៃមន្ទីរបរិស្ថានខេត្តប្រាប់ឲ្យដឹងថាការធ្វើអាជីវកម្មបូមខ្សាច់នោះឈ្មួញមិនបានឆ្លងខាងបរិស្ថាននោះទេការប៉ះពាល់បរិស្ថាននៅពេលដឹកធ្លាក់ខ្សាច់រាយប៉ាយពេញថ្នល់ ប្រែក្លាយដីស្មើទៅជាដីរណ្តៅជ្រៅធំៗដែលអាចងាយនឹងបាក់ស្រុតដីជាដើម៕ គង្គា
