បាត់ដំបង=ប្រឡាយមួយខ្សែរស្ថិតនៅក្នុងភូមិមោង ឃុំមោង ស្រុកមោងឬស្សី គឺជាប្រឡាយសំរាប់បង្ហូរបញ្ជៀសទឹកស្អុយចេញពីទីប្រជុំជនក្នុងទីរួមស្រុក កុំឲ្យទឹកជោជន់នារដូវស្សារមកលើ លំនៅដ្ឋានពលរដ្ឋ ពេលនេះត្រូវបានបុគ្គលម្នាក់ដែលគេស្គាល់ឈ្មោះ រីនលោក ប្រពន្ធឈ្មោះរិទ្ធិ រស់ នៅក្នុងភូមិ ឃុំខាងលើបានយកគ្រឿងចក្របុកគ្រិះសាងសង់សំណង់រឹងមាំមកលើប្រឡាយ ដែលអមជាប់គ្នានឹងផ្លូវលំ ជាដីកម្មសិទ្ធិរបស់រដ្ឋ ហើយគឺជាប្រឡាយដ៍សំខាន់សំរាប់ បង្ហូរទឹកស្អុយចេញពីផ្សារទីរួមស្រុកមោងឬស្សីឆ្ពោះទៅកាន់ទីវាល។
បើតាបប្រភពពត៏មានពីរប្រជាពលរដ្ឋដែលរស់នៅក្នុងភូមិ ឃុំខាងលើបានឲ្យដឹងថាប្រឡាយ មួយខ្សែរនេះវាសំខាន់ណាស់បើគ្មានប្រឡាយនេះទេទឹកស្អុយប្រាកដជាកកស្ទះប៉ះពាល់ដល់ សុខភាពពលរដ្ឋ អាចបណ្តាលឲ្យខូចបរិស្ថាន និងអនាម័យ ហើយនៅរដូវស្សារប្រឡាយមួយ នេះអាចនាំទឹកបញ្ជៀសមិនឲ្យជោជន់លិចលំនៅដ្ឋានពលរដ្ឋ និងផ្សារទៀតផង។ ប្រភពដដែលបន្តថារយះពេលពីរឆ្នាំចុងក្រោយនេះមានការចាក់ដីលប់ប្រឡាយ សាងសង់ផ្ទះ រំលោភលើដីសាធារណះធ្វើឲ្យសណ្ឋានប្រឡាយរួមតូចជាហេតុធ្វើឲ្យទឹកជោជន់លិចលំនៅដ្ឋានពលរដ្ឋម្តងម្កាលនារដូវស្សា ព្រោះតែអាជ្ញាធរមិនយកចិត្តទុកដាក់ ហើយរហូតមកដល់ពេលនេះមានការបុកគ្រិះសាងសង់សំណង់រឹងមាំលើដីសាធារណះនៅក្នុងប្រឡាយខាងលើដែលគេកំពុងបែងចែកគ្នាជាឡូបុកគ្រិះជម្រៅចាប់ពីរ៦ម៉ែត្រទៅ៧ម៉ែត្រ ដូច្នេះទើបពលរដ្ឋសណ្ឋាន ថាគឺជាកាឃុបឃិតគ្នាយ៉ាងច្បាស់។
ពាក់ព័នបញ្ហារនេះលោកស្រី សាមុន មេឃុំមោងបានប្រាប់តាមទូរស័ព្ទ នារសៀលថ្ងៃទី២៨ ខែមិនា ឆ្នាំ២០១៥នេះថាខាងអាជ្ញាធរឃុំបដិសេដ្ឋមិនឲ្យមានការសាងសង់លំនៅដ្ឋានមកលើ ប្រឡាយខាងលើនេះទេព្រោះប្រឡាយនេះនិងត្រូវស្តារនាពេលឆាប់ៗខាងមុខដើម្បីបញ្ជៀស ទឹកមិនឲ្យជន់លិចលំនៅដ្ឋានពលរដ្ឋរបស់លោក។
លោកទេព ហន អភិបាលរងស្រុកមោងឬស្សីដែលទទួលបន្ទុកបញ្ហារខាងលើបានប្រាប់តាមទូរស័ព្ទថាលោកមិនបានឲ្យគេបុកគ្រិះសាងសង់សំណង់រឹងមាំទេ ហើយលោកបានប្រាប់ថាសុំ ឲ្យអ្នកពត៏មានសួរទៅលោកឌី ឡា ខាងភូមិបាលស្រុកទៅ ដើម្បីដោះស្រាយ។
ចំណែកលោកឌី ឡា ប្រធានការិយាល័យភូមិបាលដី ស្រុកមោងមិនអាចសុំការបំភ្លឺបានព្រោះ លេខទូរស័ព្ទរបស់លោកខលមិនចូល។
លោកឡុង ប៊ុនសោម (ហៅឡុងសោម)អភិបាលស្រុកមោងឬស្សីបានប្រាប់តាមទូរស័ព្ទថា ខាងអាជ្ញាធរគេចេះធ្វើការហើយ យើងមិនបាច់ឈឺក្បាលធ្វើអីអ្មកណាបុកគ្រិះបុកអីក៍បុកទៅ យើងបុកស្រីវិញប្រសើរជាង។សម្តីលោកអភិបាលស្រុកនិយាយដូច្នេះខណះដែលទូរស័ព្ទបើកហ្វូន(ឬលាំភូង)បានធ្វើឲ្យក្រុមអ្នកពត៏មាន និងពលរដ្ឋជាច្រើនអ្នកស្តាប់ឭហើយហួសចិត្តយ៉ាង ខ្លាំង៕រក្សារសិទ្ធិដោយសុខ ផានិត