រាជធានីភ្នំពេញ៖ ហេតុការណ៍គ្រោះថ្នាក់ចរាចរណ៍មួយបានកើតឡើងកាលពីវេលាម៉ោង៦និង០០នាទីល្ងាចថ្ងៃទី៧ខែមេសាឆ្នាំ២០១៤នៅចំណុចតាមបណ្ដោយផ្លូវជាតិលេខ៦នៅទល់មុខសាលាកសិកម្មព្រែកលៀបស្ថិតក្នុងភូមិព្រែកលៀបសង្កាត់ព្រែកលៀបខណ្ឌឬស្សីកែវរាជធានីភ្នំពេញ។ហេតុការណ៍គ្រោះថ្នាក់ចរាចរណ៍ខាងលើនេះបណ្ដាលមកពីរថយន្ដបានបើវ៉ាគេវ៉ាឯងគេចមិនផុតក៏ជ្រុលចង្កូតទៅបុកជាមួយនឹងម៉ូតូបណ្ដាលអោយដួលរងរបួស។រថយន្ដបង្កដែលបានបើកប៉ះជាមួយម៉ូតូ
បណ្ដាលអោយរងរបួសនោះម៉ាកហ្វត១២កៅអីពណ៌ទឹកប្រាក់ពាក់ស្លាកលេខភ្នំពេញ2R0040បើកបរដោយបុរសម្នាក់អាយុប្រហែលជាង៣០ឆ្នាំចំណែកម៉ូតូរងគ្រោះម៉ាកសង់សេ១២៤ពណ៌ខ្មៅពាក់ស្លាកលេខភ្នំពេញ1CB6891បើកបរដោយឈ្មោះឡយីឡែតភេទប្រុសអាយុ២២ឆ្នាំមានស្រុកកំណើតនៅភូមិទឹកល្អក់ឃុំទឹកហួតស្រុករលាប្អៀរខេត្តកំពង់ឆ្នាំង។
បើតាមប្រភពពណ៌មានបានអោយដឹងថាះមុនពេលកើតហេតុរថយន្ដបង្កបានបើកបរក្នុងទិសដៅពីកើតទៅលិចលុះមកដល់ចំណុចកើតហេតុរថយន្ដក៏បានបើតវ៉ារថយន្ដមួយគ្រឿងដោយរថយន្ដបានបើកវ៉ាពីខាងស្ដាំដៃពេលនោះស្រាប់តែរថយន្ដបានជ្រុលចង្កូតទៅបុកជាមួយនឹងម៉ូតូជនរងគ្រោះដែលកំពុងជិះឌុបគ្នាក្នុងទិសដៅស្របទិសគ្នាបណ្ដាលអោយឌួលឃើញសភាពបែបនេះរថយន្ដបង្កមិនបានឈប់ចុះមកមើលទេរថយន្ដបានបន្ថែមល្បឿនទៅមុខទៀតបម្រុងនឹងបើគេចខ្លួន
ពេលដែលឃើញរថយន្ដមិនចុះមកមើលហើយព្យាយាមបើករត់គេចនោះស្រាប់តែជនរងគ្រោះបានលើកម៉ូតូហើយជិះដេញតាមរថយន្ដនោះរហូតដល់រង្វង់មូលជ្រោយចង្វាត្រើយខាងលិចទើបប្រាប់សមត្ថកិច្ចដែលប្រចាំគោលដៅនៅរង្វង់មូលជ្រោយចង្វានោះជួយឃាត់រថយន្ដអោយ។រថយន្ដត្រូវបានសមត្ថកិច្ចធ្វើការឃាត់បាននៅរង្វង់មូលកាំភ្លើងគួចកាណុងស្ថិតក្នុងសង្កាត់ស្រះចកខណ្ឌដូនពេញរាជធានីភ្នំពេញ។
ជនរងគ្រោះបានសុំអោយភាគីរថយន្ដបង្កចេញថ្លៃខូតខាតម៉ូតូចំនួន២៥០ដុល្លារបន្ទាប់ពីធ្វើការសម្របសម្រួលគ្នាអស់រយះពេលជិតមួយម៉ោងទើបភាគីខាងរថយន្ដបង្ករព្រមចេញថ្លៃខូចខាតនិងជួសជុលម៉ូតូចំនួន250$ដុល្លារដើម្បីបញ្ចប់រឿង៕
