កំពង់ឆ្នាំង៖ មនុស្ស៣នាក់ម្តាយនិងកូនដែលជិៈក្នុងរថយន្ត រងរបួសស្រាលដោយ រថយន្តម៉ាកតូយូតា ព្រុសមួយគ្រឿងបើកជែងគេមិនផុតបានក្រឡាប់ធ្លាក់ស្រែ ហេតុការណ៏នេះបានកើតឡើងនៅវេលាម៉ោង ៣និង៤៥នាទី រសៀល ថ្ងៃទី១១ខែឧសភា ឆ្នាំ ២០១៥ លើកំណាត់ផ្លូវ
ជាតិលេខ៥ ក្នុងចន្លោះគីឡូម៉ែត្រលេខ ៩៨ និង លេខ៩៩ ស្ថិតក្នុង ភូមិចិន ឃុំស្វាយជ្រុំ ស្រុករលាប្អៀរ ។ សមត្ថកិច្ចនគរបាល ស្រុករលាប្អៀរបាននិយាយថាៈ រថយន្តម៉ាក តូយូតា ព្រូស ខាងលើពណ៏ទឹកប្រាក់ ពាក់ស្លាកលេខ ភ្នំពេញ 2AD. 0086 មានមនុស្សជិៈ៣នាក់ ទាំងអ្នកបើកបរ ប៉ុន្តែអ្នកបើកបរមិនព្រមប្រាប់ពីអតសញ្ញាណទេ គ្រាន់តែប្រាប់ថាៈ ពួកគាត់មានទីលំនៅឃុំស្យា ស្រុកកណ្តៀង ខេត្តពោធិសាត់ធ្វើដំណើរទៅភ្នំពេញ ។
បើតាមស្ត្រីជាម្តាយអ្នកបើកបរដែលរួមដំណើរក្នុងរថយន្តនោះដែរ បាននិយាយថាៈ ពេលបើកមក ដល់ចំណុចខាងលើ កូនប្រុសគាត់បានបើកវ៉ារថយន្តមួយគ្រឿងតែពេលវ៉ានោះបានជួបឧបសគ្គគឺមានរថយន្តក្រុងមួយគ្រឿងទៀតមកពីខាងមុខ ហើយក៏ងៀកចង្កូតមកឆ្វេងដៃ បណ្តាលអោយធ្លាក់ថ្នល់ជាតិទៅបុកនឹងដង្គត់ឈើរួចក្រឡាប់តែម្តង សំណាងល្អគាត់ និងកូន២នាក់គ្រាន់តែរងរបួសស្រាលប៉ុណ្ណោះ ។
រថយន្តខាងលើត្រូវបានម្ចាស់រថយន្តរករថយន្តស្ទូច មកស្ទូចយកទៅជួសជុលដោយខ្លួនឯង ដសមត្ថកិច្ចនគរបាលមិនឃាត់រថយន្តនោះឡើយ ។សមត្ថកិច្ចនគរបាលបានសន្និដ្ឋានថាៈ នេះ ជាការធ្វេសប្រហែសរបស់អ្នកបើកបរ ដែលប្រឹងបើកជែងកំពុងស្ថិតក្នុងស្ថានភាពគ្រោះថ្នាក់៕
