ខេត្តប៉ៃលិន៖ រថយន្តហាយឡែនឌ័រមួយគ្រឿង បើកបរក្នុងល្បឿនលឿនបញ្ច្រាស់ទឹសគ្នា បែកកង់មុខចំហៀងខាងធ្វេង រ៉េចង្កូច បុកម៉ូតូស្កូបពី ដែលជិៈគ្នាបីនាក់ពេញទំហឹង បណ្តាលឲ្យក្មេងប្រុសពីរនាក់ រងរបួសម្នាក់បាក់ជើងធ្វេង និងម្នាក់ទៀតរបួសធ្ងន់ និងស្ត្រីម្នាក់រងរបួសស្រាល ។ ហេតុការគ្រោះថ្នាក់ចរាចរណ៏នេះ បានកើតឡើងកាលពីវេលាម៉ោង១២ និង០០នាទីថ្ងៃត្រង់ ថ្ងៃទី១២ ខែឧសភា ឆ្នាំ២០១៥ លើកំណាត់ផ្លូវជាតិលេខ៥៧ ស្ថិតក្នុងភូមិទូលល្វា សង្កាត់ទូលល្វា ក្រុងប៉ៃលិន ខេត្តប៉ៃលិន ។
ប្រភពព័ត៌មានពីសមត្ថកិច្ចចរាចរណ៏ក្រុងប៉ៃលិន បានឲ្យអ្នកយកព័ត៌មានដឹងថា៖ ហេតុការគ្រោះថ្នាក់ចរាចរណ៏នេះ បណ្តាលមកពីរថយន្តហាយឡែនឌ័រ ដែលបើកបរក្នុងល្បឿនលឿន លុះមកដល់ចំណុចកើតហេតុក៏បែកកង់ចំហៀងខាងមុខ(ធ្វេង) រ៉េចង្កូចមកបុកម៉ូតូស្កូបពីយ៉ាងពេញទំហឹង ដែលជិៈបញ្ច្រាស់ទឹសគ្នា បណ្តាលឲ្យមនុស្សប្រុសស្រី០៣នាក់ រងរបួសធ្ងន់ ស្រាល ។ ប្រភពព័ត៌មានបន្តទៀតថា៖ ជនរងគ្រោះដែលជួបគ្រោះថ្នាក់ចរាចរណ៏ មានឈ្មោះទី ភុន កញ្ញា ភេទស្រី អាយុ២៦ឆ្នាំជាអ្នកបើកបរ របួសស្រាល ,ទី២ ឈ្មោះភុន ពិសិដ្ឋ ភេទប្រុស អាយុ១៥ឆ្នាំ របួសបាក់ជើងធ្វេង ,ទី៣ឈ្មោះ ភុន មករា ភេទប្រុស អាយុ០៨ឆ្នាំ របួសសន្លប់និងកន្លែង ទាំងបីនាក់ជាបងប្អួននិងគ្នា ជិៈម៉ូតូម៉ាកស្កូបពី អត់ស្លាក់លេខ ព៌ណស បើកបរពីត្បូងទៅជើង មានទីលំនៅភូមិអូរពើត សង្កាត់ទូលល្វា ក្រុងប៉ៃលិន ខេត្តប៉ៃលិន ។ ចំណែករថយន្តបង្កម៉ាកហាយឡែនឌ័រ ព៌ណទឹកប្រាក់ ពាក់ស្លាក់លេខភ្នំពេញ2Z-9709 បើកបរពីជើងទៅត្បូង ដែលអ្នកបើកបរមានឈ្មោះ រិទ្ធ វណ្ណៈ ភេទប្រុស ងាយុ៣៣ឆ្នាំ ជាបុគ្គលិកកាស៊ីណូ មានទីលំនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ រថយន្តខូចខាតផ្នែកខាងមុខ(ធ្លាក់កាង) ។
សាក្សីនៅកន្លែងកើតហេតុ បានឲ្យដឹងថា៖ មុនពេលកើតហេតុគេឃើញរថយន្តមួយគ្រឿងម៉ាកហាយឡែនឌ័រ ព៌ណទឹកប្រាក់ បើកបរពីជើងមកត្បូង ក្នុងល្បឿនលឿន លុះមកដល់ចំណុចកើតហេតុ ស្រាប់តែរថយន្តបែកកង់រ៉េចង្កូត មកបុកម៉ូតូស្កូបពី ដែលបើកបញ្ច្រាស់ទឹសគ្នា បណ្តាលឲ្យមនុស្សប្រុសស្រី ០៣នាក់រងរបួស ធ្ងន់ ស្រាល ។ ប្រភពបន្តថា៖ នៅពេលបុកហើយរថយន្តមិន បានឈប់មួយកន្លែងនោះទេ គឺបើកហួសចំងាយប្រមាណជា២០ម៉ែត្រ ពីកន្លែងបង្កហេតុ ។ ក្រោយពេលកើតហេតុ ជនរងគ្រោះត្រួវបានសមត្ថកិច្ចទូរស័ព្ទហៅរថយន្តសង្គ្រោះ មកដឹកទៅសង្គ្រោះនៅមន្ទីរពេទ្យបង្អែកខេត្តប៉ៃលិន ផងដែរ ។
បច្ចុប្បន្នរថយន្តបង្ក និងម៉ូតូជនរងគ្រោះ ត្រួវបានសមត្ថកិច្ចចរាចរណ៏ នាំមករក្សាទុកនៅការិយាល័យចរាចរណ៏ខេត្ត ដើម្បីធ្វើការដោះស្រាយគ្នាតាមនីតិវិធីច្បាប់ ៕