កំពង់ធំ ៈ ឈ្មួញឈើដុះស្លែរ រកស៊ីប៉ាវផ្ដាច់ផ្លូវ៦២ ដែលត្រូវបាន គេស្គាល់ឈ្មោះ ចែ រឿន ជាឈ្មួញដ៏ធំគ្រប ដណ្តប់ឥទ្ធិពលអំណាចរបស់មេព្រៃ បានធ្វើសកម្មភាពដឹកឈើ ជារាងរាល់ថ្ងៃ រាល់យប់ ដោយដឹកឈើចេញពីស្រុករវៀង ខេត្តព្រះវិហារ ពុំត្រូវបានសមត្ថកិច្ចបង្ក្រាបឡើយ ជាហេតុធ្វើឲ្យ
មាន ការសង្ស័យថា សង្កាត់រដ្ឋបាលព្រៃឈើស្រុកប្រាសាទបាល័ង្ក បានទទួលលាភស្ការៈហើយបានជា មិនហ៊ានបង្ក្រាប។យោងតាមប្រភពពត៌មាន បានឲ្យដឹងថា សមត្ថកិច្ចរដ្ឋបាលព្រៃឈើស្រុកប្រាសាទបាល័ង្ក និងផ្នែករដ្ឋបាលព្រៃឈើស្ទោង ត្រូវបានឈ្មួញ ឈ្មោះ ចែរឿន បានទិញទឹកចិត្តអស់ហើយ ដោយពុំមានធ្វើការបង្ក្រាបនោះទេ គឺនៅពេលដែល មានការ ឃាត់រថយន្តរបស់ ចែរឿន ដែលត្រូវបានគេដឹងថា ជាឈ្មួញប្រចាំភូមិស្រែ ស្រុករវៀង ខេត្ដព្រះវិហារបែរជាមេព្រៃម្នាក់ៗរួញដូចកង្កែបនៅក្នុង អណ្តូង និងពុំមានបង្ក្រាបថែមទាំងជួយអន្តរាគមន៍ដោះលែងទៅវិញ។ជាក់ស្តែងកាលពីពេលថ្មីៗនេះ មានការឃាត់រថយន្តរបស់ ចែរឿន ដែលមានដឹកឈើយ៉ាងតិច ៣ម៉ែតគូប ដោយរថយន្តកូរ៉េ៣តោន ចេញពីស្រុករវៀង ទៅដាក់ឲ្យទៅដាក់អោយដេប៉ូឈើ ក្នុងខេត្តកំពង់ធំ តែត្រូវបានដោះលែងភ្លាម និងពុំមានការទប់
ស្កាត់
និងបង្ក្រាបនោះឡើយ ជាហេតុធ្វើឲ្យឈ្មួញដ៏ទៃដឹងចិត្ត ដឹងថ្លើមរបស់សមត្ថកិច្ចមេព្រៃ ថាគ្មានអ្វីក្រៅពីលុយទេ លុយអាចទិញទឹកចិត្ត របស់សមត្ថកិច្ចបាន ទោះជាដឹកចង់បាក់ទ្រុងឡានក៏ដោយ ក៏មេព្រៃមិនខ្ចីរវល់នោះឡើយ ។ដោយ នាគរាជ