ខេត្តកណ្តាលៈ ម៉ូតូពីរគ្រឿងព្រលះគ្នាឮសូរឆាំង បណ្តាលឲ្យមនុស្សប្រុស ស្រី រងរបួសធ្ងន់ស្រាលចំនួន៣នាក់កាលពីវេលាម៉ោង៤និង ២០នាទី ល្ងាចថ្ងៃទី ១៣ ខែ ឧសភាឆ្នាំ
២០១៥ចន្លោះគីឡូម៉ែត្រលេខ៣៣-៣៤លើកំណាត់ផ្លូវជាតិលេខ១ ស្ថិតនៅភូមិព្រែក
ប៉ុល ឃុំបន្ទាយដែក ស្រុកកៀនស្វាយខេត្តកណ្តាល ក្នុងទិដៅបញ្ច្រាស់ទិសគ្នា ។
ជនរងគ្រោះទី១ឈ្មោះ រស់ សុវណ្ណៈភេទប្រុស អាយុ ៤៧ឆ្នាំ រងរបួសធ្ងន់ជាអ្នកបើក
បរម៉តូម៉ាកC១២៥សេរីឆ្នាំ២០០៨ ពណ៌ខ្មៅពាក់ស្លាកលេខព្រៃវែង1C 7731 រស់នៅភ្នំ
ពេញ ទី២ ឈ្មោះ សៀង សាមុត ភេទ ស្រីអាយុ៤៦ឆ្នាំ អ្នករួមដំណើរ រងរបួសធ្ងន់រស់
នៅស្រុកព្រះស្តេច ខេត្តព្រៃវែង និង ទី៣ឈ្មោះ កាក់ ទុនហេង ភេទប្រុសអាយុ ៣២
ឆ្នាំរងរបួសស្រាលជិះម៉ូតូម៉ាកC125សេរីឆ្នាំ2014ពណ៌ខ្មៅពាក់ស្លាកលេខភ្នំពេញ1CT
2144 រស់នៅស្រុកកំពង់សៀម ខេត្តកំពង់ចាម បើកបរម៉ូតូក្នុងទិសដៅពីអ្នកលឿងទៅ
ភ្នំពេញ បណ្តាលឲ្យរងគ្រោះថ្នាក់ទាំងសងខាងបញ្ជូនទៅសង្គ្រោះនៅមន្ទីរពេទ្យក្រុងភ្នំ
ពេញ បន្សល់ទុកម៉ូតូនៅកន្លែងកើតហេតុ។សាក្សីកន្លែងកើតហេតុបានរៀបរាប់ថាមុន
ពេលកើតហេតុគេឃើញបុរសម្នាក់ជិះម៉ូតូម៉ាកសង់014 ពាក់ស្លាកលេខ 1CT2144
បើកបរក្នុងល្បឿនលឿនក្នុងទិសដៅពីកើតទៅលិច ( អ្នកលឿងទៅភ្នំពេញ)បានបុកម៉ូ
តូសង់០៨ ពាកមស្លាកលេខ ព្រៃវែង1C7731 ជិះឌុបស្ត្រីម្នាក់ធ្វើដំណើរពីភ្នំពេញទៅ
អ្នកលឿងពេញទំហឹងបណ្តាលឲ្យម្ចាស់ម៉ូតូទាំងសងខាងរងរបួសធ្ងន់ ស្រាល៣នាក់ ។
ក្រោយកើតហេតុថរួចប៉ូលិសចរាចរណ៌ស្រុកកៀនស្វាយចុះទៅធ្វើការវាស់វែងរួចនាំ
យកម៉ូតូទាំងពីរគ្រឿងមករក្សាទុកនៅកន្លែងអធិការស្រុក ដើម្បីដោះស្រាយតាមនិតិវិធី
ច្បាប់ចរាចរណ៌ជើងគោក ៕