នាយករដ្ឋមន្ដ្រីជប៉ុន លោកស៊ីនហ្សូ អាបេ ត្រូវបានគេចាត់ទុកថាជាអ្នកបង្ក ឱ្យមានអសន្ដិសុខក្នុងតំបន់អាស៊ីភាគ ខាងកើត ដោយលោកបានអនុវត្ដគោល នយោបាយជាតិសាសន៍របស់ខ្លួនមិន បន្ធូរបន្ថយយោគយល់ដល់ប្រទេសដែល មានវិវាទជាមួយជប៉ុននោះឡើយ។ ប៉ុន្ដែ
នៅពេលនេះ លោកអាបេ ហាក់ដូចជា ខិតខំកាត់បន្ថយភាពតាន់តឹងជាមួយ ប្រទេសជិតខាងតាមរយៈការអនុវត្ដ គោលនយោបាយថយក្រោយមួយជំហាន ដើម្បីឆ្ពោះទៅមុខឱ្យបានពីរជំហាន ។
កាលពីខែមីនា លោកអាបេ ក៏បាន សន្យារក្សាសេចក្ដីប្រកាស Kono 1993 ក្នុងនោះ ជប៉ុនទទួលស្គាល់ពីទោសកំហុស របស់ខ្លួន និងសុំទោសដល់ក្រុមស្ដ្រីដែល ទាហានជប៉ុនបង្ខំឱ្យបម្រើកាមតណ្ហាក្នុង អំឡុងសង្គ្រាមលោកលើកទី២ ។ រដ្ឋាភិ បាលទីក្រុងតូក្យូប្រកាសថា នឹងមិនផ្លាស់ ប្ដូរសេចក្ដីប្រកាស Murayama 1995 ក្នុងនោះអតីតនាយករដ្ឋមន្ដ្រី Murayama បានសុំទោសពីសកម្មភាពឈ្លានពានទ្វីប អាស៊ីពីចក្រពត្ដិជប៉ុន ។
ការប្រកាសខាងលើជាការបន្ធូរ បន្ថយនៃនយោបាយការបរទេសដ៏កម្រ មួយរបស់លោកស៊ីនហ្សូ អាបេនៅក្នុង ជំនួបពិភាក្សាជាផ្លូវការជាមួយប្រធា នាធិបតីកូរ៉េខាងត្បូង លោកស្រីផាក យុងហេ ចាប់តាំងពីមេដឹកនាំទាំងពីរ ឡើងកាន់អំណាច ។ ជំនួបពិភាក្សាខាង លើក្រោមការដឹកនាំពីប្រធានាធិបតី អាមេរិក លោកបារ៉ាក់ អូបាម៉ា បន្ទាប់ ពីកិច្ចប្រជុំស្ដីពីសន្ដិសុខបរមាណូនៅទី ក្រុងឡាអេ ប្រទេសហូល្លង់កាលពីថ្ងៃទី ២៥ ខែមីនា ។
ការអនុវត្ដគោលនយោបាយការបរ ទេសយោគយល់របស់លោកអាបេ ជា គោលនយោបាយសាឡើងវិញបន្ទាប់ពី លោកអនុវត្ដគោលនយោបាយស្រឡាញ់ សង្គ្រាម ដែលប្រទេសជិតខាងចាត់ទុក លោកអាបេ ថាជាបុគ្គលល្មោភសង្គ្រាម និងជាហ៊ីត្លែរអាស៊ីទៀតផង ។ នៅពេល ដែលលោកអាបេ ឡើងកាន់តំណែងភ្លាម លោកបានចាប់ផ្ដើមអនុវត្ដពង្រឹងគោល នយោបាយយោធាយ៉ាងម៉ឺងម៉ាត់មិនរា ថយចំពោះគំនាបរបស់សត្រូវ ។
ប៉ុន្ដែនៅពេលបច្ចុប្បន្ន លោកបាន កាត់បន្ថយទស្សនៈជាតិសាសន៍ ។ ឆ្នាំ ២០០៧ ជប៉ុនមានក្ដីសង្ឃឹមកែទម្រង់ ទំនាក់ទំនងជាមួយទីក្រុងប៉េកាំង និងទី ក្រុងសេអ៊ូលដែលមានទំនាក់ទំនងអាក្រក់ បំផុតមិនធ្លាប់មានពីមុនមក ក្នុងពេល ដែលលោក ចូនីចីរ៉ូ កូអ៊ីស៊ូមី កាន់ តំណែងជានាយករដ្ឋមន្ដ្រី ។ លោកអាបេ មិនទៅកាន់ព្រះវិហារសង្គ្រាមដែលមាន វិវាទនោះឡើយ ប៉ុន្ដែការបរាជ័យរបស់ លោកនៅក្នុងការបោះឆ្នោតព្រឹទ្ធសភា នៅខែកក្កដា ឆ្នាំនោះធ្វើឱ្យលោកបង្ខំចិត្ដ បោះបង់ចោលគោលដៅរបស់ខ្លួន ។ តាំងពីពេលនោះ លោកបង្ហាញភាព សោកស្ដាយដែលមិនបានទៅកាន់ព្រះ វិហារយ៉ាស៊ូគូមី ក្នុងអាណត្ដិដំបូងរបស់ លោក។ នៅចុងឆ្នាំ២០១៣ លោកក៏បាន សម្រេចចិត្ដទៅកាន់ព្រះវិហារដែល មានជម្លោះនោះ ពេលលោកកាន់តំណែង បានប្រមាណ១ឆ្នាំ ។
ការម៉ឺងម៉ាត់របស់លោកអាបេ ក៏ ស្រាប់តែបង្វែរទិសដៅភ្លាមៗដោយ លោកហាក់បីដូចបានថយក្រោយមួយ ជំហានដើម្បីឆ្ពោះទៅមុខប្រកបដោយ ជោគជ័យ ។ លោកអាបេបង្ហាញភាព សប្បាយរីករាយពេលជួបពិភាក្សាជា មួយមេដឹកនាំកូរ៉េខាងត្បូង ។ ចំណែក លោកស្រីប្រធានាធិបតីកូរ៉េខាងត្បូង ក៏ បង្ហាញភាពមន្ទិលសង្ស័យនូវការផ្លាស់ ប្ដូរឥរិយាបថយ៉ាងឆាប់រហ័សរបស់មេ ដឹកនាំជប៉ុន ។
សកម្មភាពខាងលើ ធ្វើឱ្យក្រុមអ្នក វិភាគជឿជាក់ថា លោកអាបេបានថយ មួយជំហានក្នុងគោលនយោបាយរបស់ ខ្លួនដើម្បីឈានទៅមុខមួយចំនួនទៀត ប្រកបដោយជោគជ័យ ។
នៅក្នុងព្រឹត្ដិការមួយផ្សេងទៀតដែល ពាក់ព័ន្ធនឹងសៀមភៅខៀវរបស់ជប៉ុន ដែលបានចេញផ្សាយក្រសួងការបរទេសកូរ៉េខាងត្បូងបានកោះហៅឯកអគ្គរាជ ទូតជប៉ុនប្រចាំទីក្រុងសេអ៊ូលឱ្យចូលជួប ជាបន្ទាន់។ កូរ៉េខាងត្បូងមិនសប្បាយចិត្ដ និងចង់តវ៉ាទៅភាគីជប៉ុន បន្ទាប់ពី ក្រសួងការបរទេសជប៉ុនទើបបានចេញ ផ្សាយសៀវភៅ ខៀវ ប្រចាំ ឆ្នាំ ២០១៤ ដែលបញ្ជាក់កម្មសិទ្ធិរបស់ជប៉ុនទៅលើ ប្រជុំកោះដុកដូរ ដែលបច្ចុប្បន្ននេះកំពុង ស្ថិតនៅក្រោមការគ្រប់គ្រងរបស់កូរ៉េ ខាងត្បូង ។
ជប៉ុននៅតែចាត់ទុកប្រជុំកោះដុកដូរ ជាទឹកដីរបស់ជប៉ុន។ នៅក្នុងសៀវភៅ ខៀវដែលចេញផ្សាយ ក្រសួងការបរ ទេសជប៉ុនបានសរសេរច្បាស់ៗថា ការ ទាមទារយកប្រជុំកោះដុកដូមកធ្វើជា ដែនដីរបស់ជប៉ុនជានយោបាយការ បរទេសដែលក្រសួងត្រូវធ្វើនៅឆ្នាំ ២០១៤នេះពោលគឺក្រសួងនឹងសន្យា ទាមទារយកប្រជុំកោះនេះមកធ្វើជាទឹក ដីរបស់ជប៉ុនវិញឱ្យខាងតែបានទៅតាម ផ្លូវច្បាប់អន្ដរជាតិ ។
នៅក្នុងសេចក្ដីប្រកាសព័ត៌មាន ក្រសួងការបរទេសកូរ៉េខាងត្បូងបាន សំដែងការខកចិត្ដដែលជប៉ុនហ៊ាន ទាមទារជាថ្មីចង់គ្រប់គ្រងប្រជុំកោះដុក ដូររបស់កូរ៉េខាងត្បូង។ តាមក្រសួងការ បរទេសកូរ៉េខាងត្បូងការទាមទារមិន ឈប់ឈររបស់ជប៉ុនទៅលើប្រជុំកោះ ដុកដូរបង្ហាញយ៉ាងច្បាស់ថា ជប៉ុននៅ បន្ដអនុវត្ដនយោបាយចក្រពត្ដិឈ្លាន ពានទឹកដី។ ក្រសួងការបរទេសកូរ៉េខាង ត្បូងបានព្រមានថា ការទាមទាររបស់ ជប៉ុនបែបជាតិនិយមនោះនឹងធ្វើឱ្យខូច ខាតយ៉ាងធ្ងន់ធ្ងរដល់ទំនាក់ទំនងទ្វេភាគី។ លើសពីនោះវានឹងធ្វើឱ្យប៉ះពាល់យ៉ាង ធ្ងន់ធ្ងរដល់សន្ដិភាពនិងសន្ដិសុខនៅ តំបន់អាស៊ីឦសាន ។
ក្រៅតែពីសៀវភៅខៀវរបស់ក្រសួង ការបរទេសជប៉ុន ក្រសួងការបរទេស កូរ៉េខាងត្បូង (នៅក្នុងសេចក្ដីប្រកាស ព័ត៌មានមួយទៀត) បានប្រកាសថ្កោល ទោសទៅលើសៀវភៅសិក្សារបស់ ជប៉ុនដែលនៅក្នុងនោះរដ្ឋាភិបាលជប៉ុន បានសរសេរកែប្រែឡើងវិញទៅលើ ប្រវត្ដិសាស្ដ្រទាក់ទងនឹងប្រជុំកោះដុក ដូរ និងចាត់ទុកប្រជុំកោះជាទឹកដីជប៉ុន។ កូរ៉េខាងត្បូងបានរំលឹកទៅជប៉ុនថា ផ្លូវ ចរចាដើម្បីស្ដារទំនាក់ទំនងរវាងប្រទេស ទាំងពីរនឹងនៅតែវែងតទៅទៀតដរាប ណាជប៉ុនមិនព្រមបោះបង់ចោលនយោ បាយញុះញង់តាមរយៈការបន្ដទាមទារ យកកោះដុកដូរពីកូរ៉េខាងត្បូង។
សូមបញ្ជាក់ថា ទំនាក់ទំនងជប៉ុន និង កូរ៉េខាងត្បូងកាន់តែជួបភាពល្អក់កករ ចាប់តាំងពីប្រទេសទាំងពីរត្រូវចូលដឹក នាំដោយអ្នកនយោបាយអភិរក្សនិយម រៀងៗខ្លួន។ ភាគីកូរ៉េខាងត្បូងតែងតែរុញ ច្រានចោលការទាមទារយកប្រជុំកោះ ដុកដូរពីសំណាក់ជប៉ុន។ សម្រាប់កូរ៉េ ខាងត្បូងប្រជុំកោះដុកដូរតំណាងឱ្យឯក រាជ្យភាពរបស់កូរ៉េខាងត្បូង និងការរួច ផុតពីរបបឈ្លានពានរបស់ជប៉ុន៕
