សៀមរាបៈ បច្ចុប្បន្នគេសង្កេតឃើញរថយន្តដឹកឈើជាច្រើន របស់ក្រុមហ៊ុនបានធ្វើសកម្មភាដឹកជញ្ជូនឈើលេខ១ និងលេខ ២ បន្តកន្ទុយគ្នាឆ្លងកាត់ក្រុងសៀមរាប តែពុំត្រូវបានសមត្ថកិច្ចជំនាញរដ្ឋបាលព្រៃឈើ ធ្វើការទប់ស្កាត់បង្ក្រាប រថយន្តដឹកឈើខុសច្បាប់ជ្រកក្រោមផ្លាកក្រុមហ៊ុនដែលត្រូវបានគេដឹងថា ឈ្មួញបានត្រូវរ៉ូវគ្នាជាមួយសមត្ថកិច្ចនៅតាម ដងផ្លូវ ទើបលោក ឯម មន្នី នាយរងអធិការដ្ឋបាលព្រៃឈើ ខាងជើងបឹងទន្លេសាបលោក ទារ គឹមសុទ្ធ គ្មានវិធានការ។
ពាក់ព័ន្ឋទៅនឹងរថយន្តដឹកឈើរបស់ក្រុមហ៊ុន ដែលជាទំម្លាប់ដឹកលើសប៉េសេ ហើយសមត្ថកិច្ចជាប់ពុំមានការអើពើចុះត្រួតពិនិត្យនេះ លោក យឹម ស៊ីវន នាយសង្កាត់រដ្ឋបាលព្រៃឈើបាគង បានឲ្យដឹងថា លោកពុំហ៊ានហាមឃាត់ទេ ព្រោះជារថយន្តរបស់ក្រុមហ៊ុន ទោះជាលើសឬខ្វះក៏មិនហានព្រោះគ្មានបទបញ្ជាពីថ្នាក់លើ ចំណែកលោកលោក ទារ គឹមសុទ្ធនិង ឯម មន្នី នាយរងអធិការរដ្ឋបាលព្រៃឈើ ខាងជើងបឹងទន្លេសាប នៅពេលដែលមានរថយន្តរបស់ឈ្មួញឈើ ធ្វើសកម្មភាពដឹក ជញ្ជូនទូរស័ព្ទរបស់លោក ពុំទំលាប់លើកទូរស័ព្ទនោះទេ ជាហេតុធ្វើឲ្យរថយន្តដឹកឈើប្រកបដោយរលូន។
តាមប្រភពពត៌មានច្បាស់ការ ពីក្រុមអ្នកឃ្លាំមើល បានឲ្យដឹងថា ថ្មីនេះមានរថយន្តរបស់ក្រុមហ៊ុនដឹកឈើលើសប៉េសេ ជាច្រើនគ្រឿង ឆ្លងកាត់ក្រុងសៀមរាប ខណៈពេលដែល អ្នកសារពត៌មានរាយការណ៍ជូនជំនាញ និងសមត្ថកិច្ចពាក់ ព័ន្ឋតែពុំត្រូវបានអើពើនោះទេ ទោះជាក្រុមហ៊ុនទទួលស្គាល់ថា ខ្លួនបានដឹកលើសពិតប្រាកដមែន ដើម្បីយកសាហ៊ុយ ចែកចាយឲ្យសមត្ថកិច្ចនៅតាមដងផ្លូវ ក៏មេព្រៃឆ្លើយថាឈើគ្រប់ចំនួន ដោយអះអាងជំនួសម្ចាស់ ជាពិសេសទៅទៀតនោះ លោក អុំ អមរ៉ា ស្នងការង ខេត្តសៀមរាប បានយកខ្នងមកពាំង ដោយយកតួនាទីជាស្នងការង មកគំរាមដល់ អ្នកសារពត៌មានណាហ៊ានកាក់ និងថតឡានក្រុមហ៊ុន លោកនឹងបញ្ជាឲ្យមន្ត្រីចាប់អ្នកសារពត៌មានដាក់ខ្នោះឲ្យអស់ ។
ប្រភពបានបន្តថាលោក អុំ អមរ៉ា ស្នងការង ខេត្តសៀមរាប ចេញមុខចេញមាត់ និងមានចេតនាការពាររថយន្តរបស់ឈ្មួញដឹកឈើ ត្រូវបានគេសង្ស័យថា ប្រហែលជាលោកស្នងការងរូបនេះ បានទទួលលាភស្ការៈ យ៉ាងគ្រប់ទឹកហើយបានជា ដាច់ចិត្តចេញមុខប្រកាសចាប់អ្នកសារពត៌មាន ណាហ៊ានថតរថយន្តរបស់ក្រុមហ៊ុនដឹកឈើលើសប៉េសេ ពាក់ព័ន្នទៅ នឹងបញ្ហាចោទប្រកាន់នេះ លោក អុំ អមរា បានបំភ្លឺតាមទូរស័ព្ទថា លោកមិនបានហាមឃាត់និងមិនមានសិទ្ធិហាមឃាត់វិជ្ជាជីវៈអ្នកសារពត៌មាន នោះទេ គឺអោយគាត់ថតទៅចុះផ្សាយទៅ ហើយមានតែហៅឲ្យគាត់ទៅថតទៀតផង ប៉ុន្តែលោកហាមមិនឲ្យមានការ ដើរកាក់រថយន្តដឹកទំនិញ ដឹកស្រូវ ដឹកឈើផ្តេសផ្តាស់តែបើព្រះរាជអាជ្ញាបញ្ជាមកគឺត្រូវតែចុះធ្វើហើយ គឺត្រូវធ្វើអ្វីអោយស្របច្បាប់ កុំឲ្យយកឡាន១០ ទៅ ២០ ទៅកាក់តាមផ្លូវអានាធបតេយ្យ តែបើគាត់ថតយកពត៌មាន មានស្អី តែកាក់ឡានទារជំរិទលុយគេ ៧០០ ទៅ១០០០ដុល្លា ហើយត្រូវបានគេដាក់ពាក្យបណ្តឹង ហើយដោយសំណុំរឿងបានបញ្ជូនទៅព្រហ្មទណ្ទហើយ ។
ជាក់ស្តែរថយន្តរបស់ក្រុមហ៊ុនធីធីធី ភី ដឹកឈើតាមប្រភេទរថយន្តយីឌុប ជាច្រើនគ្រឿង ដែលត្រូវបានគេស្គាល់ ហេង ជាមេការ បានរបស់ក្រហ៊ុន និងជាឈ្មួញដ៏ឆ្នើមក្នុងការដឹកជញ្ជូនឈើដោយគ្មានច្បាប់អនុញ្ញាតិ ហើយបានអែបអាងយក ឈ្មោះ ក្រុមហ៊ុនមករកស៊ីដឹកជញ្ជូនឈើ ដែលមិនខុសពីត្រីងៀតឆ្លៀតពងនោះទេ កន្លងមកសុំច្បាប់ដឹកឈើតែ ១៥ម៉ែត្រគូប តែលោកដឹកឈើលើសដល់ទៅ ៤០ ម៉ែត្រគូប ដោយលោក ឯកមន្នី និងលោក ទារ គឹមសុទ្ធ នាយខណ្ទរដ្ឋបាលព្រៃឈើ សៀមរាប ពុំមានការអើពើធ្វើមិនដឹង ធ្វើមិនលឺ មិនខ្ចីក្បាលវិលមុខ នឹងការបង្ក្រាបនោះទេ ថែមទាំងបណ្តែតបណ្តោយឲ្យលោកហេង ដឹកជញ្ជូនដោយសេរី ។ដោយ ខេមរា
