កំពង់ឆ្នាំង៖ សមាគមសប្បុរសជនបរិច្ចាគឈាមកម្ពុជាដឹកនាំដោយ លោក ផាត់ សារឿន នាយកប្រតិបត្តិដើម្បីធ្វើការផ្តល់ឈាមរួមនិងសកម្មភាពមនុស្សធម៌ជួយដល់ជនកម្ពុជាគ្រប់រូបដោយមិនប្រកាន់ពូជសាសន៍និងនិន្នាការនយោបាយមានទីតាំងធំនៅរាជធានីភ្នំពេញនិងមានសាខាខេត្តមួយចំនួនតាមខេត្តទូទាំងប្រទេសកម្ពុជា នៅរសៀលថៃ្ងទី០៨ ខែមិថុនា ឆ្នាំ២០១៥ លោក ផាត់ សារឿននិងលោក យិន វណ្ណៈ និងសហការីក្នុងសមាគម ព្រមទាំងសប្បុរសជនបានផ្តល់អំណោយជូនស្ត្រីក្រីក្រឈ្មោះ ជូ ឡេន អាយុ៤០ឆ្នាំ មានជំងឺប្រចាំកាយរស់នៅក្នុងភូមិធម្មយុត្តិ សង្កាត់កំពង់ឆ្នាំង ក្រុងកំពង់ឆ្នាំង ដែលបច្ចុប្បន្នកំពុងសំរាកនៅមន្ទីរពេទ្យខេត្តកំពង់ឆ្នាំង តាមរយៈ លោក ម៉ម ឈឿមប្រធានមន្ទីរព័ត៌មានខេត្តកំពង់ឆ្នាំង ដោយមានការចូលរួមពីលោក ទុំ សម្បត្តិ អនុប្រធានមន្ទីរពេទ្យនិងក្រុមស្ម័គ្រចិត្តផ្តល់ឈាមរបស់ក្រុមហ៊ុនទឹកដោះគោADផងដែរ។លោក ឈាង វណ្ណៈ ប្រធានរដ្ឋបាលមន្ទីរព័ត៌មានខេត្តបានអោយដឹងថា៖ អំណោយរបស់លោក ផាត់ សារឿន លោក យិន វណ្ណៈ និងសហការីព្រមទាំងសប្បុរសជន ជូនស្ត្រីក្រីក្រ ឈ្មោះ ជូឡេន រួមមាន៖អង្ករ៥០គីឡូក្រាម,មី១កេះ,មីចេង១ថង់ទឹកដោះគោឆៅ១យួរ,ទឹកត្រី១យួរ,ទឹកស៊ីអ៊ីវ១យួរ,ស្ករស១គីឡូក្រាមនិងថវិកា១០ម៉ឺនរៀល។ក្រុមស្ម័គ្រចិត្តផ្តល់ឈាមរបស់ក្រុមហ៊ុនទឹកដោះគោADក៏ផ្តល់ថវិកា៨ម៉ឺនរៀល និងទឹកដោះគោADមួយផងដែរ។លោក ម៉ម ឈឿម ប្រធានមន្ទីរព័ត៌មានខេត្តកំពង់ឆ្នាំង បានអោយដឹងថា៖កន្លងមកលោកផាត់ សារឿន នាយកប្រតិបត្តិសមាគមសប្បុរសជនបរិច្ចាកឈាមកម្ពុជា និងលោក យិន វណ្ណៈ ព្រមទាំងសហការីបាននាំយកអំណោយសប្បុរសជនមកជូនស្ត្រីមានផ្ទៃពោះជនចាស់ជរាគ្មានទីពឹងនិងកុមារពិការនៅខេត្តកំពង់ឆ្នាំង និងគ្រួសារជាច្រើនទៀតនៅទូទាំងប្រទេស ដើម្បីចូលរួមចំណែកជាមួយរាជរដ្ឋាភិបាល និងកាកបាទក្រហមកម្ពុជា ក្នុងការជួយសំរាលការលំបាកជូនប្រជាពលរដ្ឋក្រីក្រគ្រប់រូប។ លោក ម៉ម ឈឿម បានធ្វការផ្តាំផ្ញើ ដល់ស្ត្រី ជូ ឡេន ថា៖នៅក្នុងពេលសំរាកព្យាបាលនៅមន្ទីរពេទ្យត្រូវធ្វើយ៉ាងណាអនុវត្តអោយបានតាមវេជ្ជបញ្ជារបស់លោកគ្រូពេទ្យ ត្រូវចេះថែទាំសុខភាពអោយបានល្អក្នុងពេលសំរាកព្យាបាល ដោយរស់នៅស្អាតហូបស្អាត មានអនាម័យល្អទើបយើ ងឆាប់ជាសះស្បើយ និងឆាប់បាន
ចេញទៅរកស៊ីចិញ្ចឹមកូន អោយបានរៀនសូត្របន្តទៅទៀត។លោក ទុំ សម្បត្តិ អនុប្រធានមន្ទីរពេទ្យខេត្ត និងស្ត្រីក្រីក្រ ជូ ឡេន បានថ្លែងអំណរគុណយ៉ាងជ្រាលជ្រៅដល់លោក ម៉ម ឈឿម លោក ផាត់សារឿន លោក យិនវណ្ណៈ និងសហការីព្រមទាំងសប្បុរសជនទាំងអស់ដែលបានផ្តល់អំណោយមនុស្សធម៌ ជួយដោះស្រាយការខ្វះខាត ខណៈគាត់កំពុងតែជួបលំបាកពេលនេះ ស្ត្រី ជូឡន សូមជូនពរអោយលោក ម៉ម ឈឿម លោកផាត់សរឿននិងលោក យិន វណ្ណៈ និងសហការី ព្រមទាំងសប្បុរសជនទាំងអស់ សូមជួបប្រទះតែនឹងសេចក្តីសុខគ្រប់ប្រការ និងទទួលបានជ័យជំនៈគ្រប់តួនាទីភារកិច្ចរហូតតទៅ៕ប៊ុន វាសនា
