ខេត្តបន្ទាយមានជ័យ
កម្លាំងប៉ុស្តិ៍នគបាលឃុំឫស្សីក្រោកនិងកម្លាំងនគរបាលព្រហ្មទណ្ឌស្រុកមង្គលបូរីក្រោមការដឹកនាំរបស់លោកវរសេនីយ៍ត្រីហោសំណាត់បានចុះឃាត់ខ្លួននិស្សិតឆ្នាំទី២នៃសកលវិទ្យាល័យមានជ័យម្នាក់ពីបទជួញដូរថ្នាំញៀនទៅកាន់សាលាដំបូងខេត្តបន្ទាយមានជ័យដើម្បីចាត់ការតាមផ្លូវច្បាប់។ការចាប់ខ្លួនជនសង្ស័យនេះនៅវេលាម៉ោង១២ថ្ងៃត្រង់ថ្ងៃទី១០ខែមិថុនាឆ្នាំ២០១៥នៅចំណុចផ្លូវកណ្តាលភូមិ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ។
លោកហោសំណាត់អធិការរងទទួលផែនយុត្តិធម៌នៃនគរបាលស្រុកមង្គលបូរីបានប្រាប់ឲ្យដឹងថាដោយមានការចង្អុលបង្ហាញពីលោកឧត្តមសេនីយ៍ត្រី អាត់ខែមស្នងការនគបាលខេត្តបន្ទាយមានជ័យបានឲ្យកម្លាំងនគរបាល
គ្រប់ស្រុកក្រុងខេត្តបន្ទាយមានជ័យត្រូវប្រឹងប្រែងទប់ស្កាត់បទល្មើសនៅក្នុងមូលដ្ឋានដើម្បីការពារសន្តិសុខជូនប្រជាបលរដ្ឋស្របតាមគោលការភូមិឃុំមានសុវត្ថភាពទើបលោកបានដឹកនាំកម្លាំងនគរបាលចុះបង្ក្រាបបានមុខសញ្ញាប្រើប្រាស់ថ្នាំញៀនបានម្នាក់រួមជាមួយនិងថ្នាំញៀនប្រភេទម្សៅក្រាមពណ៍សម៉ាទឹកកកមួយកូនថង់តូច។លោកហោសំណាត់បានបន្តឲ្យដឹងទៀតថាជនសង្ស័យជាមុខសញ្ញាជួញដូរថ្នាំញៀនដែលសមត្ថកិច្ចឃាត់ខ្លួនបាននោះមានឈ្មោះ សុខ ថាំងភេទប្រុសអាយុ២១ឆ្នាំរស់នៅភូមិឬស្សីក្រោកឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។ ជានិសិត្សសកលវិទ្យាល័យមានជ័យឆ្នាំទី២នៃសកលវិទ្យាល័យមានជ័យ។ លោកបន្តឲ្យដឹងទៀតថាក្នុងប្រតិបត្រការចុះបង្ក្រាបនេះដែរសមត្ថកិច្ចរឹបអូសបានទូរសព្ទ័ដៃម៉ាកtrueពណ៍ខ្មៅមួយគ្រឿងកាបូបស្ពាយខ្មៅមួយម៉ូតូហុងដាទ្រីមC១២៥ខ្មៅពាក់
ស្លាកលេខបន្ទាយមានជ័យ១j.៨៧៩២គ្រឿងផងដែរ។នៅមុខសមត្ថកិច្ចជនសង្ស័យខាងលើបានសារភាពថាខ្លួនគេបានប្រើប្រាស់ថ្នាំញៀន១ឆ្នាំមកហើយតែទើបបែកគំនិតជួញដូរថ្នាំញៀនកាលពីពេលថ្មីៗនេះប៉ុណ្ណោះហើយក៏ត្រូវបានសមត្ថកិច្ចចាប់ឃាត់ខ្លួនតែម្តង។ទោះជាយ៉ាងណាដោយយោង តាមចម្លើយសារភាពរបស់ជនសង្ស័យខាងលើនៅរសៀលថ្ងៃទី១០មិថុនាឆ្នាំ២០១៥នេះសមត្ថកិច្ចក៏បានរៀបចំសំណុំរឿងបញ្ជូនទៅកាន់ស្នងការខេត្តបន្ទាយមានជ័យដើម្បីចាត់ការបន្តទៅតាមផ្លូវច្បាប់។
