ភ្នំពេញ៖ អគ្គីភ័យបានឆាប់ឆេះផ្ទះប្រជាពលរដ្ឋមួយកន្លែងបណ្ដាលឲ្យផ្អើលដល់ប្រជាពលរដ្ឋដែលនៅក្បែយកបំពង់ពន្លត់អគ្គីភ័យមកជួយធ្វើបាញ់ពន្លត់និងហៅរថយន្តពន្លត់អគ្គីភ័យមកអន្តរាគមន៍ កាលពីវេលាម៉ោង១១និង២០ នាទីយប់ថ្ងៃទី២០ខែមេសា ឆ្នាំ២០១៤ នៅចំណុចផ្ទះលេខ៤៤ ផ្លូវលេខ០៧កែង៣២ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
តាមសាក្សីឈ្មោះយ៉ុម រិទ្ធី ភេទប្រុស អាយុ២៧ឆ្នាំបានឲ្យដឹងថា មុនពេលកើតហេតុគាត់បានជិះម៉ូតូឆ្លង់កាត់កន្លែងកើតហេតុភ្លាមនោះក៍បានឃើញផ្សែងហុយចេញពីក្នុងផ្ទះបាយខាងក្រោយរួចគេស្រែកឆោឡោឡើងធ្វើឲ្យផ្អើលដល់ប្រជាពលរដ្ឋដែលនៅកន្លែយកបំពង់ពន្លត់អគ្គីភ័យបាញ់អស់ជាច្រើនបំពង់និងហៅរថយនពន្លត់អគ្គីភ័យមកជួយអន្តរាគមន៍ភ្លាមៗផងដែរ។
សមត្ថកិច្ចបានឲ្យដឹងថា ក្នុងការពន្លត់អគ្គីភ័យខាងលើនេះរថយន្តពន្លត់អគ្គីភ័យបានមកជួយអន្តរាគមន៍ចំនួន៤គ្រឿងនិងប្រើប្រាស់អស់ ចំនួន១គ្រឿងអគ្គីភ័យក៍បានរលត់ទៅវិញផងដែរក្នុងរយៈពេល២០នាទី ។ ម្ចាស់ផ្ទះត្រូវបានគេស្គាល់ឈ្មោះពៅ វុទ្ធី អាយុ៥៧ឆ្នាំ មុនរបរលក់ឥវ៉ាន់នៅផ្ទះ ។ សមត្ថកិច្ចបានបញ្ជាក់ថា មូលហេតុបណ្ដាលឲ្យឆេះផ្ទះប្រជាពលរដ្ឋខាងលើនេះបណ្ដាលមកពីទុស្សេខ្សែភ្លើងនៅខាងក្រោមជណ្តើទើបបង្កឲ្យមានអគ្គីភ័យបែបនេះ៕
