កំពង់ឆ្នាំង៖យោងតាមចំណារឯកភាពរបស់ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងចុះថៃ្ងទី១២ខែមិថុនាឆ្នាំ២០១៥ នៅរសៀលថៃ្ងទី២៦ខែមិថុនាឆ្នាំ២០១៥ក្រុមចំរុះថ្នាកខេត្តដឹកនាំដោយលោក សោម សុជាតា ប្រធានមន្ទីរអធិការកិច្ចខេត្តកំពង់ឆ្នាំងចូល រួមដោយមន្រី្តមន្ទីរព័ត៌មាន,មន្ទីរសុរិយោដី,អាជ្ញាធរក្រុងកំពង់ឆ្នាំង,សង្កាត់ខ្សាម,មេភូមិទី២និងប្រជាពលរដ្ឋភាគីទាំង២ដែលមានទំនាស់ បានធ្វើការសំរបសំរួលដោះស្រាយបញ្ចប់រឿងទំនាស់ផ្លូវចេញចូលរ៉ាំរ៉ៃនៅក្នុងភូមិទី២សង្កាត់ខ្សាម ដោយនយោបាយឈ្នះឈ្នះ ។
ក្នុងកិច្ចជំនួបពិភាក្សាភាគីទាំង២បានព្រមព្រៀងតាមការសមក្របសម្រួលដោះស្រា យ ដោយអនុវត្តតាមខ្លឹមសារដូចតទៅ៖ច្រកផ្លូវខាងមុខជាប់ផ្លូវជាតិលេខ៥មានទទឹង៣ម៉ែ ត្រដដែល។នៅចំណុចក.ដបរក្សាទទឹងផ្លូវប្រវែង១,៧ម៉ែត្រ ពីជញ្ជាំងផ្ទះលោក ចាន់សារិន ដល់របងផ្ទះម្ខាងទៀត។នៅចំណុចសាងសង់ជណ្តើរទុកដីអោយលោក ចាន់ សារិនប្រវែង៩តឹកពីជញ្ជាំងផ្ទះរបស់លោក និងរក្សាទុកទទឹងផ្លូវប្រវែង២,៤០ម៉ែត្រ។ចង្កេះផ្ទះទុកដីអោយលោក ចាន់ 
សារិន ប្រវែង៦តឹកចេញពីជញ្ជាំងផ្ទះរបស់លោកវែង២,៦ម៉ែត្រ។នៅចំហៀងខាងក្រោយផ្ទះទុកគន្លាតប្រវែង២តឹកចេញពីជញ្ជាំងផ្ទះរបស់លោក ចាន់ សារិន និងរក្សាទុកទទឺងផ្លូវ២,៦ម៉ែត្រ។ចាប់ពីថៃ្ងទី២៦ខែមិថុនានេះទៅក្រោយពីបានដោះស្រាយចប់ ភាគីទាំង២បានសន្យាឈប់ប្រើពាក្យជេរប្រមាថគ្នាទៅវិញទៅមកដែលបង្កអោយមានហឹង្សារបួសស្នាម រក្សាភាពថ្លៃថ្នូរ និងមិនធ្វើទង្វើអ្វីខុសច្បាប់អោយសង្គមស្អប់ខ្ពឹមឡើយ។បើភាគីនិងបុគ្គណាមិនគោរពតាមកិច្ចសន្យានេះភាគីទាំង២បានសន្យាគ្នាសូមទទួលខុសត្រូវចំពោះមុខច្បាប់ជាធរមាន។បន្ទាប់មកភាគីទាំង២បានផ្តិតមេដៃទទួលខុសត្រូវរៀងៗខ្លួនដោយមានសមាជិកក្រុមចំរុះទាំហអស់ធ្វើជាសាក្សីផងដែរ។គួរបញ្ជាក់ថា រឿងទំនាស់ផ្លូវចេញចូលខាងលនេះ បានកើតមានជាយូរឆ្នាំមកហើយដោះស្រាយមិនចេញ ដោយភាគីទាំង២មិនយល់យោគគ្នា ក្រោយមកអាជ្ញាធរខេត្តបានបង្កើតក្រុមការងារចំរុះចុះសិក្សាស្រាវជ្រាវ និងសម្របសម្រួល ដោះស្រាយតាមគន្លង នយោបាយឈ្នះ ឈ្នះ របស់សម្តេច ហ៊ុនសែន ទើបទទួលយកបានបញ្ចប់រឿង។
លោក សោម សុជាតា ប្រធានក្រុមការងារចំរុះថ្នាក់ខេត្ត បានថ្លែងអំណរគុណយ៉ាងជ្រាវជ្រៅដល់ភាគីទាំង២ដែលបានចូលរួមដោះស្រាយជាមួយគ្នាបញ្ចប់រឿងដោយសន្តិវិធីនិងទទួលយកបានទាំងអស់គ្នា។លោកក៏បានសន្យាថា៖លោក និងជួយសំរបសំរួលសណ្តាប់ធ្នាប់តាមផ្លូវនេះអោយបានល្អ ពិសេសកន្លែងលូទឹកនិងបង្គន់អនាម័យត្រូវអោយមានគំរបក្រាស់ជៀសវាងការធ្វើចរាចរណ៍ចេញចូលរបស់ប្រជាពលរដ្ឋជួបបញ្ហាប្រឈមនៅថៃ្ងក្រោយតទៅទៀត៕
