ស្ទឹងត្រែង៖ក្រសួងរ៉ែនិងថាមពលបានចុះពិនិត្យទីតាំងបង្ហូរទឹកដែលនៅសេសសល់ពីកាកសំណល់នៃការសាងសង់វារីអគ្គីសនីសេសានក្រោមពីបន្ទាប់ពីមានការភ្ញាក់ផ្អើលថាប្រជាពលរដ្ឋនៅក្នុងឃុំភ្លុកស្រុកសេសានកើតមានជម្ងឺរមាសដៃជើង។
ក្នុងដំណើរចុះពិនិត្យស្ថានភាពនិងទីកន្លែងសាងសង់ទំនប់វារីអគ្គីសនីរបស់ក្រុមការងារថ្នាក់ក្រសួងនិងថ្នាក់ខេត្តនៅចុងសប្តាហ៏ទី២ខែកក្កដានេះលោកជាណារិន ប្រធាននាយកដ្ឋានវារីអគ្គីសនី នៃក្រសួងរ៉ែនិងថាមពលបានបញ្ចាក់ថា៖ស្ថានភាពនៅទីតាំងទំនប់នេះ មិនការលំហូរទឹកណាមួយ ដែលមានភាពក៏ខ្វក់ធ្វើឲ្យប៉ះពាល់ដល់សុខភាពនិងការរស់នៅរបស់ប្រជាពលរដ្ឋខាងក្រោមទេ។លោកអះអាងថា៖ជាមួយនិងការចុះត្រួតពិនិត្យនេះលោកនិងផ្តល់ព័ត៌មានជុំវិញបញ្ហានេះទៅថ្នាក់ដឹកនាំក្រសួងនិងស្នើសុំឲ្យផ្នែកបរិស្ថានរួមនិងផ្នែក
សុខាភិបាលចុះមកពិនិត្យបន្ថែមដើម្បីរិះរកហេតុផលឲ្យបានច្បាស់លាស់រវាងប្រជាពលរដ្ឋដែលថាមានជំងឺរមាស់នោះ ។លោកស្រីសឿង ស្រីម៉ាប់គ្រួសារកម្មករធ្វើការក្នុងក្រុមហ៊ុនវារីនេះ បានផ្តល់យោបល់ប្រហាក់ប្រហែលគ្នាថាក្រុមហ៊ុនរៀបចំបានល្អនៅទីតាំង រស់នៅរបស់កម្មករមានបរិស្ថានត្រឹមត្រូវ សំរាមក៏មានការវេចខ្ចាប់និងជីករណ្តៅគាប់មិនឲ្យបះពាល់ដល់សុខភាពរស់នៅឡើយ។លោកស្រីបន្ថែមថា៖រឿងប្រជាពលរដ្ឋកើតរមាស់នៅភូមិភ្លុកនោះ លោកស្រីក៏ចង់ឲ្យមន្ត្រីជំនាញសុខាភិបាលខេត្តចុះមកស្រាវជ្រាវ រកចំណោទបញ្ញាឲ្យឃើញផងដែរ ដើម្បីសុខភាពរស់នៅរបស់យើងទាំងអសើគ្នា។លោកស៊ីងស៊ីថាន់មន្ត្រីទ្រទ្រង់ ផ្នែកសុខភាពភូមិប្រចាំនៅភូមិ ឃុំ ភ្លុកស្រុកសេសានបានទទួលស្គាល់ថាប្រជាពលរដ្ឋនៅក្នុងភូមិនេះ មានកើតជំងឺរមាស់ប្រមាណជាង១០នាក់ ភាគច្រើនក្មេងមានអាយុជាង១០ឆ្នាំ តែមិន
ប្រាកដថា បណ្តាលមកពីការបង្ហូរទឹកចេញពីទំនប់នោះទេ ដោយសាអ្នកប្រើទឹកទន្លេសេសាននៅភូមិឃុំនេះជាទូទៅហើយ។លោកលោកអ៊ុងសូវៀតប្រធានមន្ទីរសុខាភិបាលខេត្តបានបញ្ជាក់ថា៖ប្រជាពលរដ្ឋកើតរមាសនេះលោកបានដឺកនាំផ្នែកជំនាញបានទៅពិនិត្យ និងផ្តល់ថ្នាំស្រែងរមាស់ ថ្ងៃដោយសាតែអាកាសធាតុប្រែប្រួល និងជំងឺនេះបានបាត់ទៅវិញក្នុងរយៈពេល១សប្តាហ៏ហើយប្រជាពលរដ្ឋមួយចំនួនទៀតគាត់បានកើតជម្ងឺរមាសនេះជាយូរឆ្នាំមកហើយ។សូមបញ្ចាក់ថា៖ផ្នែកសុខាភិបាលខេត្តបានបើកកិច្ចប្រជុំនៅថ្ងៃទី១៦កក្តដាថ្មីៗកន្លងមកនេះរៀបចំក្រុមការងារ ចុះទៅជួបជាមួយប្រជាពលរដ្ឋសារជាថ្មីទៀតដើម្បីជួយទ្រទ្រង់សុខភាពក្នុងជីវភាពរស់នៅទោះបីស្ថិតនៅក្នុងហេតុការណ៏បែបណាក៏ដោយ៕
