កំពង់ធំ៖ អាគារកាកបាតក្រហមដ៏ស្រស់ស្អាត បានប្រសូតកើតមក ដោយស្នារដៃខិតខំប្រឹងប្រែង របស់លោក ហុក រិន អភិបាលក្រុងស្ទឹងសែន បានរួមចិត្ត រួមកំលាំងជាមួយមន្ត្រីក្រោមឳវាទ និងបានគៀងគរសម្បុរសជនជិតឆ្ងាយ និងពុះពារសាងសង់អាគារសាខាកាបាតក្រហម សម្រាប់បំរើផលប្រយោជនដល់សង្គម ក្នុងការត្រៀមលក្ខណៈចុះជួយប្រជា ពលរដ្ឋដែលប្រឈមនិងការខ្វះខាត និងគ្រោះមហន្តរាយកើតឡើងពីធម្មជាតិ និងគ្រោះដោយឧបទ្ទហេតុផ្សេងដែល កើតឡើងនៅក្នុងមូលដ្ឋាន។
លោក ហុក រិន អភិបាលក្រុងស្ទឹងសែន បានឲ្យដឹងថា ការសាងសង់អាគារកាកបាតក្រហមនេះ គឺជាគោលដៅប្រចាំ ការរបស់សាខាកាកបាតក្រហមក្រុងស្ទឹងសែន និងជាកន្លែងធ្វើការដ៏មានរបៀបត្រឹមត្រូវ និងទុកដាក់ ឯកសារ និងសម្ភារៈផ្សេងៗ ដោយឡែកអាគានេះ ត្រូវបានជួយឧបត្ថម្ភគាំទ្រ ពីសម្បុរសជនប្រមាណ៤០នាក់ ដែលបានគាំទ្រឲ្យសាង សង់អាគារនេះ ដែលមានទំហំទទឹង ៦គុណ៨ ម មាន២បន្ទប់ធំៗ សាងសង់កាលពីថ្ងៃទី ២១ ខែ មេសា ឆ្នាំ ២០១៥ ដោយចំណាយទឹកប្រាក់អស់ជាង ១ម៉ឺនដុល្លា ខណៈពេលនេះ ត្រូវបានសាងសង់បាន៩៥ភាគរយហើយ និងគ្រោង សម្ពោធដាក់ឲ្យប្រើប្រាស់ឆាប់ៗខាងមុខនេះ ។
លោក ហុក រិន បានឲ្យដឹងថា ដោយការរួមចិត្ត រួមកំលាំងគ្នាជាមួយមន្ត្រីក្រោមឳវាទ ទើបនាំគ្នាជួយធ្វើពលកម្ម សំអាតទីធ្លា និងបរិវេណអាគារដើម្បីរៀបចំដាំដើមផ្កា និងទីធ្លាឲ្យបានសមរម្យ សម្រាប់បំរើសេចក្តីត្រូវការរបស់ ប្រជាពលរដ្ឋ មិនតែប៉ុណ្ណោះ លោកបានរៀបចំកែលំអរសោភ័ណភាព ក្រុងស្ទឹងសែន លុបទីកន្លែងដកទឹក និងលើកកម្ពស់រូបសំណាក់ដំរីជាន់ខ្លា លាបថ្នាំថែរសួនដើម្បីឲ្យក្លាយជាកន្លែងទាក់ទាញភ្ញៀវទេសចរណ៍ ។
ដោយ ប៊ុន រដ្ឋា