ខេត្តបន្ទាយមានជ័យ៖នាល្ងាចថ្ងៃទី២៥ខែកក្កដាឆ្នាំ២០១៥នៅសាលាបឋមសិក្សាហ៊ុនសែនសូភីនៅ ភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ លោកហង្សសីុផាតំណាងឲ្យលោកឧបនាយករដ្ឋមន្ត្រីកែគឹមយ៉ានប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ លោកលីសារីតំណាងឲ្យលោកសាន្តវឌ្ឈនាប្រធានសហភាពសហពន្ធ័យុវជនកម្ពុជាខេត្តបន្ទាយមានជ័យនិងជាអនុប្រធានសហភាពសហពន្ធ័យុវជនកម្ពុជាខេត្តបន្ទាយមានជ័យនិងក្រុមការងារបាននាំយកអំណោយដូចជាសៀវភៅ បិុច នំនិងទឹកសុទ្ធយកទៅចែកជូនសិស្សជាង១០០នាក់ដើម្បីលើកទឹកចិត្តដល់សិស្សទាំងនោះដែលកំពុងរៀនត្រៀមប្រឡងបាក់ឌុបនៅថ្ងៃទី២៤ខែសីហាឆ្នាំ២០១៥ខាងមុខនេះ។លោកហង្សសីុផាបានធ្វើការផ្តាំផ្ញើដល់សិស្សដែលត្រៀមប្រឡងបាក់ឌុបទាំង១០០នាក់នោះថាឆ្នាំនេះក្រសួងអប់បានដាក់ចេញបញ្ជាយ៉ាងតឹងរឹងដល់សិស្សដែលត្រៀមប្រឡងបាក់ឌុបទាំងអស់ត្រូវយកចិត្តទុកដាក់ខិតខំរៀនសូត្រពីដើមឆ្នាំរហូតដល់ចុងឆ្នាំឲ្យបានខ្ជាប់ខ្ជួនដើម្បីឲ្យបានចំណេះជាទុនទុកក្នុងខ្លួនសំរាប់យកទៅប្រឡងនៅថ្ងៃខាងមុខនេះឲ្យបានជាប់ទាំងអស់គ្នាព្រោះឆ្នាំនេះការប្រឡងបាក់ឌុបតែមួយលើកប៉ុណ្ណោះបើសិស្សណាធ្លាក់គឺធ្លាក់ហើយ។លោកហង្សសីុផាបាននិយាយបន្តថាបើសិស្សទាំងអស់មានចំណេះវិជ្ជាទុកនៅក្នុងខ្លួននោះបើទៅប្រឡងសិស្សទាំអស់នោះសប្បាយចិត្តខិតខំធ្វើដោយចំណេះវិជ្ជាផ្ទាល់មិនរង់ចាំមិត្តភ័ក្បោះប្រ៉ុយយុ៉ុងឲ្យនិងសង្ឃឹមថាជាប់មួយរយភាគរយតែម្តង។លោកហង្សសីុផាបានលើក យកពាក្យស្លោកដែលចាស់បូរាណបានដំណាលថា គោបាត់ទើបធ្វើរបងពេលប្រឡងទើបខិតខំរៀនសូត្រវាមិនអាចប្រឡងជាប់ដូចចិត្តយើងប្រាថ្នានោះបានឡើយ។សិស្សម្នាក់ក្នុងចំណោមសិស្សទាំង១០០នាក់នោះបានធ្វើការអះអាងថាប្តេជ្ញាចិត្តនិងខិតខំរៀនសូត្រពីដើមឆ្នាំរហូតដល់ចុងឆ្នាំដើម្បីឲ្យមានចំណេះវិជ្ជានៅក្នុងខ្លួននិងដើម្បីឲ្យក្លាយខ្លួនទៅជាធនធានមនុស្សនិងជាសិស្សល្អ កូនល្អ ជាគំរួដល់ក្មេងជំនាន់ក្រោយពិសេសនិងយកចំណេះវិជ្ជាដែលបានរៀនកន្លងមកយកទៅប្រឡងឲ្យបានជាប់ជាស្ថាពរនិងប្តេជ្ញាចិត្តថាមិនលួចមើលគេ មិនចំឡងតាមគេនិងមិនរង់ចាំប្រ៉ុយយ៉ុងគេគឺខិតខំធ្វើដោយសមិត្តភាពខ្លួនឯង។នៅទីបញ្ចប់លោកហង្សសីុផាបានយកសៀវភៅចំនួន២៤ឡូបិុច៣ប្រអប់ទឹកសុទ្ធ២០យួរនិងនំ២ធុងធំទៅចែកជូនសិស្សទាំងជាង១០០នាក់ដោយផ្ទាល់នៅក្នុងថ្នាក់រៀនបើទោះបីអំណោយបន្តិចបន្ទួចយ៉ាងណាក៏ជាសន្តាណចិត្តរបស់លោកដើម្បីលើកទឹកចិត្តដល់សិស្សដែលកំពុងត្រៀមប្រឡងនៅថ្ងៃខាងមុខនេះឲ្យបានជាប់គ្រប់គ្នា៕