ខេត្តកំពង់ឆ្នាំង៖ អ្នកជិះក្នុងរថយន្តដឹកទំនិញមួយគ្រឿងបានរងរបួសស្រាល៣នាក់ ដែលរថយន្តបានផ្ទុះកង់បែកក្រោយម្តងទាំង២ ព្រោះតែតែដឹកឥវ៉ាន់ធ្ងន់ពេក បណ្តាលអោយ ក្រឡាប់ដេកលើថ្នល់ជាតិ ។ហេតុការណ៏នេះបានកើតឡើងនៅម៉ោង ១១និង៣០នាទីព្រឹកថ្ងៃទី២៥ ខែកក្កដា ឆ្នាំ២០១៥ នៅលើកកំណា ត់ផ្លូវជាតិលេខ៥ ស្ថិតក្នុងភូមិអង្គ ឃុំពពេល ស្រុកបរិបូរណ៌។សមត្ថកិច្ចនគរបាលដែលជួយសម្រួលចរាចរណ៏នៅកន្លែងកើតហេតុ បាននិយាយថាៈអ្នកបើករបររួមជាមួយនិងព្រូ មិនព្រមប្រាប់ពីអត្តសញ្ញាណរបស់ខ្លួនទេ គ្រាន់តែប្រាប់ថា ពួកគាត់ត្រូវដឹកទំនិញខាងលើពីភ្នំពេញទៅដាក់តាមដេប៉ូនៅខេត្តបាត់ដំបង។ រថយន្តខាងលើម៉ាកហ៊ីយ៉ានដាយ ពាក់ ស្លាកលេខ ប.1768 ភ.ព 2 ជាប្រភេទឃ្លុបដឹកទំនិញ របស់
សិប្បកម្ម ម៉ែន សារិទ្ឋ ផលិត ស្រា និង ទឹកផ្លែឈើ ។មុនពេលកើតហេតុ រថយន្តខាងលើបានដឹកទំនិញមានទឹកផ្លែឈើពេញរថយន្ត មានទម្ងន់យ៉ាងធ្ងន់ លុះពេលមកដល់ចំណុចកើតហេតុ ស្រាប់តែរថយន្តបានផ្ទុះកង់ក្រោយផ្ទួនៗគ្នាអស់ទាំង២គ្រាប់ បណ្តាលអោយរថយន្ត ក្រឡាប់បះជើងដេកលើថ្នល់ជាតិតែម្តង។ ក្រោយពេលកើតហេតុ អ្នកបើកបរនិងព្រូម្នាក់ទៀតបានលូនចេញពីក្នុងរថយន្ត ហើយបានជួលប្រជាពលរដ្ឋនៅជិតនោះ អោយជួយរើទំនិញចេញពីក្នុងរថយន្ត យកមកគរទុកមួយកន្លែង ហើយបានជួលរថយន្តមួយគ្រឿងទៀតសាងទំនិញ បន្តដំណើរទៅមុខទៀត ចំណែករថយន្តក្រឡាប់ត្រូវបានម្ចាស់ ជួលរថយន្តស្ទូច យកទៅជួសជុលដោយខ្លួនឯង សមត្ថកិច្ចនគរបាលមិនបានឃាត់ឃាំងអ្វីឡើយ ៕
