ខេត្តបន្ទាយមានជ័យ៖សត្វទាថៃជម្រុះពងនាំចូល១យប់១ថ្ងៃមិនតិចជាង២ម៉ឺនក្បាលឡើយឈ្មួញនាំចូលពីប្រទេសថៃតាមច្រករបៀងខុសច្បាប់ចូលមកលក់ក្នុងប្រទេសកម្ពុជានិងបន្តយកទៅលក់នៅប្រទេសវៀតណាម គ្រាដែលមានទាងាប់បោះចោលតាមព្រៃព្រំដែនដែលជាការព្រួយបារម្មពីឆ្លងជម្ងឺផ្តាយបក្សីយ៉ាងខ្លាំង។ប្រជាពលរដ្ឋឃុំអូរបីជាន់បានប្រាប់ថា រាល់ថ្ងៃនិងយប់គឺឃើញមានរថយន្តដែលដឹកទាជម្រុះពងដែលទិញពីថៃនាំចូលមកកម្ពុជាតាមច្រករបៀងខុសច្បាប់អូរបីជាន់និងច្រករបៀងចាក់ដីថ្មីដែលស្ថិតនៅក្នុងភូមិសាស្ត្ថ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។ ចំណុចដែលឈ្មួញនាំទាចូលទាំងយប់ និងថ្ងៃគឺគ្រប់គ្រងដោយកម្លាំងយោធាយោធាការពារព្រំដែនបានឃុបឃឹតជាឈ្មួញបើកដៃនាំចូលទារស់យ៉ាងគគ្រឹកគគ្រេងដែលមិនព្រួយបារម្ភពីសុខភាពប្រជាពលរដ្ឋ និងទីផ្សាសត្វក្នុងស្រុកឡើយ ។ប្រជាពលរដ្ឋបានបន្តថា ឈ្មួញដែលឃុបឃឹតនាំទារស់ចូលពីប្រទេសថៃគឺជាប្រភេទទាដែលថៃជម្រុះចោលនៅពេលពងអស់ហើយទាចាស់ឈ្មួញចូលទៅទិញនាំចូលបណ្តាលឲ្យងាប់ចោលតាមព្រៃព្រំដែននេះហើយដែលជាការព្រួយបារម្យចំពោះសុខភាពប្រជាពលរដ្ឋរស់នៅតាមជាយដែនពីបញ្ហាឈ្មួញនាំទាថៃចូលទាំងយប់និងថ្ងៃដែលគ្មានមន្ត្រីពេទ្យសត្វមកពិនិត្យពីសុខភាពសត្វដែលនាំចូល ។ពាក់ព័ន្ធឈ្មួញនាំចូលទារស់ចូលយ៉ាងគគ្រឹកគគ្រេងតាមព្រំដែនស្រុកអូរជ្រៅនោះលោក ហ៊ុយ តូច ប្រធានការិយាល័យផលិតកម្មនិងបសុព្យាបាលខេត្ត
បន្ទាយមានជ័យបានប្រាប់ថា ទារស់ដែលឈ្មួញនាំចូលគឺមាន៤ក្រុមហ៊ុនដែលមាននាំចូលពីប្រទេសឆ្លងកាត់កម្ពុជានាំចេញទៅប្រទេសវៀតណាមទេ។លោក គោ ស៊ុំសារឿត អភិបាលខេត្តបន្ទាយមានជ័យធ្លាប់មានប្រាសាសន៍ថា ការលួចនាំចូលបក្សីពីប្រទេសជិតខាងគឺជាការព្រួយបារម្មឆ្លងជម្ងឺផ្តាសាយបក្សីដល់មនុស្សនឹងបណ្តាលទីផ្សាសត្វក្នុងស្រុកមានតំលៃទាបហើយកម្លាំង និងមន្ត្រីជំនាញត្រូវមានវិធានការត្រួតពិនិត្យនិងទប់ស្កាត់ឲ្យបានល្អដើម្បីការពារសុខភាពជូនប្រជាពលរដ្ឋបើសិនជាមានស្ថាប័នណាមួយហ៊ានឃុបឃឹតជាមួយឈ្មួញលួចអោយនាំចូលបើមានបាតុភាពកន្លែងណាអាជ្ញាធរកន្លែងនោះទទួលការខុសត្រូវចំពោះបញ្ហាដែលកើតតាមច្បាប់ ៕
