ខេត្តតាកែវ៖ប្រធានមន្ទីឧស្សាហកម្មនិងសិប្បកម្មខេត្តតាកែវថាលោកនិងបិទរោងផលិតទូកជរ័ស្មាច់ដែលស្ថិតនៅឃុំកំពង់ក្រសាំងប្រសិនបើលោករកឃើញថាមាន ជនជាតិវៀតណាមជាច្រើនអ្នកកំពង់សម្ងំលាក់ខ្លួនលួចផលិតទូកជរ័ស្មាច់និងនាំចូលទូកជរ័ជាច្រើនគ្រឿងនៅក្នុងភូមិសាស្ត្រឃុំកំពង់ក្រសាំង ស្រុកបូរីជលសារ ខេត្តតាកែវដូចដែលប្រជាពលរដ្ឋបានរាយការណ៍មក។ តាមសេចក្ដីរាយការពីប្រជាពលរដ្ឋនៅចំនុចខាងលើបានឲ្យដឹងថាទីតាំងផលិតទូកជរ័ស្មាច់របស់ជនជាតិវៀតណាមបាននិងកំពង់ធ្វើអាជីវកម្មខុសច្បាប់និងបានបំពុលបរិស្ថានធ្ងន់ធ្ងរបង្ករផលប៉ះពាល់ដល់សុខភាពពួកគាត់រស់នៅប្រចាំថ្ងៃ។សេចក្ដីរាយការណ៍បានបន្ដទៀតថាការជះក្លិនពីទីតាំងផលិតទូកខាងលើមានសុទ្ធសឹងតែសារធាតុគីមីដែលបណ្ដាលឲ្យប៉ះពាល់សុខភាពប្រជចាពលរដ្ឋធ្ងន់ធ្ងរ។បើយោងតាមប្រភពច្បាស់ការបានបញ្ជាក់ថាជនជាតិវៀតណាមខាងលើចូលមកស្នាក់នៅនិងបោះទីតាំងនាំទូកស្មាច់ចូលនិងផលិតទូកក្នុងឃុំកំពង់ក្រសាំងខាងលើនេះគឺមានការពាក់ពន្ធ័អំពើពុករលួយជាមួយនិងលោកវង់ ណាវុធប្រធានច្រក់អន្តោប្រវេស៍កំពង់ក្រសាំងហើយក៏អាចជាប់ពាក់ពន្ធ័ជាមួយនិងអ្នកមានអំណាចទឹកប្រាក់នៅក្នុងខេត្តតាកែវផងដែរ។បើយោងតាមប្រជាពលរដ្ឋនៅតំបន់នោះបានឲ្យដឹងបន្ថែមទៀតថាលោក វង់ ណាវុធ ប្រធានច្រក់អន្តោរប្រវេស៏កំពង់ក្រសាំងសព្វថ្ងៃបាននិងកំពង់កើបលុយពីជនអន្តោប្រវេស៍វៀតណាមរាប់រយលៀនរៀលក្នុង១ឆ្នាំៗ។ ជុំវិញករណីខាងលើលោកកេត ព្រង់ ប្រធានមន្ទីឧស្សាហកម្មនិងសិប្បកម្មខេត្តតាកែវបានឲ្យដឹងថាលោកបានចេញអាជ្ញាបណ្ណ័ឲ្យរោងសិប្បកម្មធ្វើទូកស្មាច់ជរ័ខាងលើនេះតែមិនមែនលោកអនុញ្ញាតិឲ្យមានជនជាតិវៀតណាមចូលមកផលិតនោះទេគឺអនុញ្ញាតិឲ្យជនជាតិខ្មែរតែប៉ុនណ្ណោះ។ លោកបានបន្ដទៀតថាលោកមិនបានដឹងថាម្ចាស់អាជ្ញាប័ណ្ណខាងលើឈ្មោះអ្វីនោះទេប៉ុន្តែការលួចនាំទូកជ័រចូលមកគឺវាខុសច្បាប់ធ្ងនធ្ងរណាស់ចំណែកការបំពុលបរិស្ថានដល់ការរស់នៅរបស់ប្រជាពលរដ្ឋលោកនិងចុះទៅពិនិត្យបើរកឃើញថារោងសិប្បកម្មធ្វើទូកខាងលើពិតដូចអ្វីដែលប្រជាពលរដ្ឋលើកឡើងមែនលោកនិងធ្វើការបិទភ្លាមឬក៏ដកយកអាជ្ញាប័ណ្ណលែងឲ្យផលិតទៀត។ ជុំវិញករណីខាងលើអ្នកយកព័ត៏មានមិនអាចសុំការបំភ្លឺពីលោកវង់ ណាវុធ ប្រធានច្រក់អន្តោរប្រវេស៍កំពង់ក្រសាំងបានទេដោយលោកមិនលើកទូរសព្ទ័។