.ឧត្តរមានជ័យ៖ កាលពីវេលាម៉ោង២២និង៣០នាទី ថ្ងៃទី៨ ខែសីហា ឆ្នាំ២០១៥ លោកវរសេនីយ៍ត្រីងួន ទ្ធីរិទ្ធ.មេបញ្ជាការកងរាជអាវុធហត្ថស្រុកអន្លង់វែង បានឲ្យកម្ពុជាថ្មីដឹងថា នៅចំណុចខាងត្បូង អូរកូនតឹង ចំងាយ២០០ម៉ែត្រ ស្ថិតត្រង់ចំណុចព្រំប្រទល់ចន្លោះខេត្តឧត្តរ
មានជ័យនិងខេត្តសៀមរាប មានករណីឳពុកចុងឈ្មោះសៀក ព្រិន ភេទប្រុសអាយុ៣៦ឆ្នាំ មុខរបរធ្វើចំការ ហើយបច្ចុប្បន្ន នៅចំណុចកើតហេតុខាង បានយកកាំភ្លើងឆ្នុក មកបាញ់ទៅលើកូនចុងឈ្មោះអែម ផាន់ ភេទប្រុសអាយុ២០ឆ្នាំមុខរបរបើករថយន្ត ត្រូវក្រោមដោះខាងឆ្វេងចំងាយ៣ស.ម ចំនួន៣គ្រាប់បណ្តាលឲ្យរងរបួសយ៉ាងធ្ងន់ធ្ង។លោកវរសេនីយ៍ត្រីងួន ទ្ធីរិទ្ធ មេបញ្ជាការកងរាជអាវុធហត្ថស្រុកបានបន្តឲ្យដឹងទៀតថា មូលហេតុ ឳពុកស្រវឹងទាស់សំដីខឹងនិងកូនចុងជាជនរងគ្រោះ ចេះប្រដៅប្អូនជាងខ្លួនឯងជាឳពុកទៅទៀត ទើបឳពុកចុងនោះខឹងខ្លាំងពេកក៏ទាញយកកាំភ្លើងឆ្នុកនោះ មកបាញ់តែម្តងទៅ។នៅពេលបច្ចុប្បន្នជនរងគ្រោះត្រូវបានកងរាជអាវុធហត្ថស្រុកនិងទិស២០២ដឹកយកទៅមន្ទីរពេទ្យQK៤ទិស មុខអូរកូនតឹង ហើយចំណែកជនសង្ស័យជាឳពុកចុងនោះ ត្រូវបានកងរាជអាវុធហត្ថស្រុកអន្លង់វែងនិងអាវុធហត្ថទិស២០២កំពុងតែដុតដៃ ដុតជើងតាមស្រាវជ្រាវចាប់ឃាត់ខ្លួនជនសង្ស័យ យកមកផ្តន្ទាទោសទៅតាមផ្លូវច្បាប់អោយទាល់តែបាន៕
