ខេត្តបន្ទាយមានជ័យនៅព្រឹក ថ្ងៃទី៩ ខែសីហា ឆ្នាំ២០១៥នេះកំលាំងនគបាលស្រុកម៉ាឡៃមួយក្រុមបានចុះធ្វើការបង្ក្រាបអ្នកចែកចាយគ្រឿងញៀនបានចំនួន២នាក់និងបានដកហូតថ្នាំញៀន ចំនួន៣២គ្រាប់ផងដែរការឃាត់ខ្លួនអ្នកចែកចាយទាំង២នាក់បាននោះស្ថិតនៅចំណុច ភូមិដូង ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។លោកអធិការនគរបាលស្រុកម៉ាឡៃបានឲ្យដឹងថាជនសង្ស័យទី១មានឈ្មោះគង់ នឿន ភេទប្រុស អាយុ១៦ឆ្នាំបានទិញថ្នាំញៀនប្រភេទគ្រាប់ពណ៌ផ្កាឈូកចំនួន២គ្រាប់ជនសង្ស័យទី២មានឈ្មោះហង្សគីមស្រន់ស្រីអាយុ៤៣ឆ្នាំរស់នៅភូមិវាលហាត់ ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។លោកអធិការបាននិយាយបន្តទៀតថាក្រោយពីនគបាលបានឃាត់ខ្លួនឈ្មោះគង់នឿនរួចមកគង់នឿន បានឆ្លើយបំភ្លឺប្រាប់សមត្ថកិច្ចឈ្មោះហង្សគីមស្រន់កំពុងធ្វើសកម្មភាពចែកចាយគ្រឿងញៀននៅចំណុចកើតហេតុពេលនោះកម្លាំងសមត្ថិច្ចបានចុះទៅឆែកឆេរផ្ទះជនល្មើស ក្រោយពីបានសុំគោលការណ៍ពីលោកសុខកែវបណ្ឌិតព្រះរាជអាជ្ញារងចុះទៅឆែកឆេរហើយបានរកឃើញ ថ្នាំញៀនចំនួន៣០គ្រាប់ដោយម្ចាស់ផ្ទះដែលជាអ្នកចែកចាយឈ្មោះ ហង្ស គឹមស្រន់សរុបទាំងអស់ចំនួន៣២គ្រាប់ក្នុងនោះថ្នាំញៀនប្រភេទគ្រាប់ពណ៌ផ្កាឈូកចំនួន៣១គ្រាប់ និងពណ៌បៃតងចំនួន១គ្រាប់។ជនសង្ស័យទាំង២នាក់ ត្រូវបានយកទៅសួរនាំនិងឃុំខ្លួន ជាបណ្តោះអាសន្ន នៅអធិការដ្ឋាននគរបាល ស្រុកម៉ាឡៃ ដើម្បីកសាងសំណុំរឿង បញ្ជូនទៅកាន់ តុលាការ ចាត់ការតាមនីតិវិធី។