ឧត្តរមានជ័យ.នៅវេលាម៉ោង២និង២០នាទីថ្ងៃទី១២ ខែសីហា ឆ្នាំ២០១៥ លោកមេឃុំនិងលោកក្រុមប្រឹក្សាឃុំហើយនិងក្រុមការងារឃុំអន្លង់វែង បានអញ្ចើញចុះជួយបិទទំនប់ប្រវែង៦០ម៉ែត្រ ដែលជំនុនទឹកភ្លៀងធ្វើឲ្យដាច់ផ្លូវចូលក្នុងភូមិរំចេក ឃុំអន្លង់វែង ស្រុកអន្លង់វែង ខេត្តឧត្តរមានជ័យ ជាច្រើនកន្លែង ដែលធ្វើឲ្យប្រជាពលរដ្ឋនៅក្នុងភូមិខាងលើពិបាកនិងធ្វើដំណើរ។លោកជួន រតនាវង្ស ក្រុមប្រឹក្សាឃុំអន្លង់វែង បានអោយដឹងថា ដោយមានការចង្អុលបង្ហាញពីលោកហោ ជិន វរ យុទ្ធ អភិបាលស្រុកអន្លង់វែង បានឲ្យលោកជួន រតនា វង្ស ដឹកនាំមេភូមិនិងប្រជាពលរដ្ឋជួយបិទទំនប់ពីភូមិរំចេកខាងលិចឆ្លងមកភូមិរំចេកចាស់នេះ ដោយបានជួយឧបឋម្ភ ការ៉ុងច្រកដីចំនួន៥០០និងថវិកាចំនួន១៥០.០០០រៀលរបស់ក្រុមប្រឹក្សាឃុំទៀតផង។លោកជួន រតនាវង្សក្រុមប្រឹក្សាឃុំបានបន្តឲ្យដឹងទៀតថា ស្ថានភាពភូមិសាស្ត្រភូមិរំចេកមានប្រជាពលរដ្ឋសរុបចំនួន៦៥០គ្រួសារ មានមនុស្សចំនួន២៣៤៨នាក់ស្រី១៤១០នាក់ ហើយដោយឡែកបងប្អូនដែលរស់នៅរំចេកខាងលិចអូរដែលត្រូវឆ្លងកាត់ទំនប់នោះ មានចំនួន២៣០គ្រួសារកំពុងជួបការលំបាកពីការឆ្លងទំនប់ដោយមានទឹកហូរខ្លាំង៕