ខេត្តបន្ទាយមានជ័យ នៅល្ងាចថ្ងៃទី១២ខែសីហាឆ្នាំ២០១៥នៅសាសប្រជុំសាលាខេត្តបន្ទាយមានជ័យអង្គការមីលអាល់បានមកប្រារព្វខួប១០ឆ្នាំដែលបានមកព្យាបាលអ្នកជម្ងឺជូនប្រជាពលរដ្ឋកម្ពុជាដែលមានរោគបេះដូងក្នុងស្រុកខ្មែរបានចំនួន២៥០នាក់ដែលគ្មានលទ្ធភាពអាចទៅព្យាបាលរោគនៅតាមមន្ទីរបាន។ពិធីប្រារព្វខួប១០ឆ្នាំរបស់អង្គការមីលអាល់នេះមានការចូលរួមលោក គោស៊ុំសារឿតអភិបាលខេត្តបន្ទាយមានជ័យ លោកអីុយុងជេប្រធានគ្រប់គ្រងសាកលវិទ្យាល័យព្រះគុម្ពីរក្រុងសិរីសោភ័ណ អភិបាលរងខេត្ត មន្ត្រីរាជការនិសិត្សនិងជនជាតិកូរេជាច្រើននាក់ទៀត។លោកអីុយុងជេបានមានប្រសាសន៍ថាអង្គការមីលអាល់របស់លោកចាប់ផ្តើមមកព្យាបាលរោគបេះដូងជូនប្រជាពលរដ្ឋកម្ពុជានេះចាប់ពីឆ្នាំ២០០៥ដល់ឆ្នាំ២០១៥ដោយឥតគិតថ្លៃដើម្បីជួយដល់ប្រជាពលរដ្ឋខ្មែរដែលមានជំងឺបេះដូងឲ្យរស់រានមានជីវិតថ្មីឡើងវិញ។លោកបានបន្តទៀតថាអង្គការមីអាល់ក្នុងកំឡុង១០ឆ្នាំនេះបានផ្តល់ការវះកាត់ជំងឺបេះដូងជូនប្រជាពលរដ្ឋខ្មែរបានចំនួន២៥០នាក់កុមារមនុស្សចាស់ដែលធ្លាប់កើតជំងឺបេះដូងក្រោយពេលបានមកព្យាបាលរបស់អង្គការអាល់នេះរួចមកអាចជាសះស្បើយដូចមនុស្សធម្មតាឡើងវិញ ាន។ហើយអង្គកា របស់លោកក៏បានផ្តល់ការពិនិត្យមើលជម្ងឺសម្រាប់ប្រជាពលរដ្ឋខ្មែរដោយឥតគិតថ្លៃនិងបាននាំកូនខ្មែរដែលមានជម្ងឺបេះដូងទៅប្រទេសកូរេដើម្បីធ្វើការវះកាត់ជាច្រើនរយនាក់ទៀតផង។លោកគោស៊ុំសារឿតបានធ្វើការថ្លែងអំណគុណដល់អង្គការមីលអាល់យ៉ាងជ្រាលជ្រៅបំផុតដែលអង្ការរបស់លោកមានចិត្តសប្បុរសធម៍យកចិត្តទុកដាក់ក្នុងការចុះមកព្យាបាលដល់ប្រជាពលរដ្ឋខ្មែរទាំងចាស់ទាំងក្មេងដែលកំពុងតែជួបប្រទះកើតជម្ងឺបេះដូងដែលគ្មានលទ្ធភាពអាចទៅព្យាបាលនៅមន្ទីរពេទ្យឯកជនបានដោយឥតគិតថ្លៃ។លោកបាននិយាយបញ្ជាក់ទៀតថាជម្ងឺបេះដូងជាជម្ងឺមួយកាចសាហាវខ្លាំងណាស់ដែរនៅក្នុងស្រុកខ្មែរជនណាបានកើតជម្ងឺបេះដូងនេះហើយពិបាកក្នុងការព្យាបាលណាស់ព្រោះក្នុងការព្យាបាលនោះអស់លុយកាក់ច្រើនណាស់ចំណាយដល់ទៅរាប់មឺុនដុល្លាឯណោះទើបអាចព្យាបាលបានជាសះស្បើយបាន៕