ខេត្តកំពង់ឆ្នាំង៖ ម៉ូតូកែឆ្នៃចម្លែកមួយគ្រឿងមានសាក់ស៊ីជាងមួយម៉ែត្រ និងមានបំពាក់បំ ពុងស៊ីមាំងប្រែន និងភ្លើងឡាស៊ែរ ខុសបច្ចេកទេស ត្រូវបានសមត្ថកិច្ចនគរបាលក្រុង និង
ខេត្ត សហការគ្នាចុះប្រតិបត្តិការពេលយប់ស្ទាក់ចាប់បាន នៅម៉ោង២៤យប់ថ្ងៃទី១២ខែសី
ហា ឆ្នាំ២០១៥ នៅចំណុចភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ហើយបាន
ដកហូតពីម្ចាស់ដែលចេញមកពីស៊ីផឹកក្នុងក្លឹបឌីស្កូ យកមករក្សាទុកក្នុងអធិការដ្ឋាននគរ
បាលក្រុងកំពង់ឆ្នាំង ដើម្បីធ្វើការផាកពិន័យ និងអប់រំ។
លោក ហង្ស ប៊ុនហាក់ អធិការរងនគរបាលក្រុងកំពង់ឆ្នាំងបានអោយដឹងថា៖នៅយ
ប់ថ្ងៃទី១២ ខែសីហា ឆ្នាំ២០១៥ សមត្ថកិច្ចនគរបាលក្រុងកំពង់ឆ្នាំង និងនគរបាលខេត្តបាន
ចេញប្រតិបត្តិការជាធម្មតាដូចរៀងរាល់យប់ តាមគោលដៅកំណត់។នៅក្នុងចំណុច និងពេ
លម៉ោងខាងលើ សមត្ថកិច្ចបានចាប់ឃាត់ទុកម៉ូតូ២គ្រឿង ដែលអ្នកបើកបរជាម្ចាស់រស់នៅក្នុងស្រុកបរិបូរណ៌បានបំពាក់គ្រឿងម៉ូតូខុសបច្ចេកទេស។ម៉ូតូទី១ម៉ាកហុងដាឌ្រីមសេ
រី០៨ ពាក់ស្លាកលេខ ខេមរៈភូមិន្ទ ១. ៤៥៤៦ បំពាក់ស៊ីប្លេខ្យល់ឮខ្លាំង និងភ្លើងឡាស៊ែរខុសបច្ចេកទេស ម៉ូតូទី២ ម៉ាកហុងដាឌ្រីម អត់ស្លាកលេខ បំពាក់ស៊ីមាំងប្រែន ភ្លើងឡាស៊ែរ អត់ស្លាកលេខ និងតសាក់ស៊ីជាងមួយម៉ែត្រ យ៉ាងចម្លែកខុសបច្ចេកទេស។សមត្ថកិច្ចមិដឹងដែរថា តើគេតសាក់ស៊ីបែបនេះដើម្បីអ្វីនោះឡើយ គឺពិតជាឆ្ងល់ដែរ..!។
ម៉ូតូទាំង២គ្រឿងត្រូវបានសមត្ថកិច្ចហកហូតពីម្ចាស់គេដែលចេញមកពីស៊ីផឹកក្នុងក្លឹ
បឌីស្កូថ្មី ក្នុងភូមិទួលក្រឡាញ់ សង្កាត់កំពង់ឆ្នាំង យកមករក្សាទុកក្នុងអធិការដ្ឋាននគរបា
លក្រុងកំពង់ឆ្នាំង។
លោក ហង្ស ប៊ុនហាក់បានអោយដឹងទៀតថា៖តាមច្បាប់ សមត្ថកិច្ចនិងធ្វើការផាក
ពិន័យម្ចាស់ម៉ូតូទាំង២នេះ ដោយតម្រូវអោយម្ចាស់ដោះគ្រឿងបំពាក់ខុសច្បាប់ទាំងអស់
រក្សាទុកក្នុងអធិការដ្ឋាន និងត្រូវទិញឬយកគ្រឿងបំពាក់ធម្មតារបស់ម៉ូតូមកបំពាក់អោយ
បានត្រឹមត្រូវឡើងវិញ ទើបសមត្ថកិច្ចអនុញ្ញាតអោយយកម៉ូតូទាំង២គ្រឿងនេះ ទៅកាន់លំនៅដ្ឋានពួកគេវិញ។
សមត្ថកិច្ចសូមអំពាវនាវដល់អ្នកប្រើប្រាស់យានយន្តទាំងអស់ សូមកុំបំពាក់គ្រឿង
អ្វីផ្សេងៗខុសបច្ចេកទេស ទៅលើម៉ូតូឬយានយន្ត ព្រោះច្បាប់មិនអនុញ្ញាតអោយធ្វើបែប
នេះឡើយ ដែលអាចប៉ះពាល់ដល់អ្នកធ្វើចរាចរណ៍តាមដងផ្លូវជាមួយគ្នា បើមិនដូច្នោះទេ ពិតជាត្រូវប្រឈមនិងការចាប់ពិន័យ ដូចករណីខាងលើនេះមិនលើកលែងឡើយ៕
