កំពង់ធំៈ ករណីគ្រោះថ្នាក់ចរាចរណ៍មួយ បានកើតឡើងតាមបណ្តោយផ្លូវជាតិលេខ៦ បណ្តាលមកពី ម៉ូតូ២គ្រឿង បាន បើកបុកគ្នាយ៉ាងពេញទំហឹង បណ្តាលឲ្យមានមនុស្សម្នាក់សន្លប់ស្តូក ដោយសារតែបើកបរមិនគោរច្បាប់ចរាចរណ៍ ស្ថិតនៅចំនុចភូមិ ព្រៃព្រាល ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ នៅម៉ោង៩.៤០នាទី ថ្ងៃទី ១៩ ខែ សីហា ឆ្នាំ ២០១៥។
មុនពេលកើតហេតុ ត្រូវបានប្រភពព័ត៌មាន នៅកន្លែងកើតហេតុអះអាងថា មានម៉ូតូម៉ាកហុងដា សេ១២៥ ពណ៌ខ្មៅ ពាក់ស្លាកលេខ កំពង់ចាម 1J- 0500 បើកបរដោយឈ្មោះ លីម ឡូត ភេទប្រុស អាយុ ៣៦ឆ្នាំ រស់នៅភូមិស្រី ឃុំរុងរឿង ស្រុកស្ទោង របួសស្រាល បានបើក្នុងទិសដៅបញ្ច្រាស់ទិសគ្នា ពីលិចទៅកើត បានបុកគ្នាជាមួយ ម៉ូតូហុងដាឌ្រីមសេ១០០ ផលិតនៅឆ្នាំ១៩៩៨ ពាក់ស្លាកលេខ ភព ០០០១ បើកបរដោយឈ្មោះ សាយ រឿន ភេទ ប្រុស អាយុ ៦៥ឆ្នាំ រស់នៅភូមិព្រៃព្រាល ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ រងរបួសធ្ងន់ ។
ក្រោយពីកើតហេតុ ជនរងគ្រោះត្រូវបានបញ្ជូនទៅព្យាបាល នៅក្លីនឹកឯកជនក្នុងខេត្តកំពង់ធំ ចំណែកវត្ថុតាង មានម៉ូតូ ទាំង២គ្រឿងត្រូវបាននាំយកទៅរក្សាទុក នៅអធិការដ្ឋាននគរបាល ស្រុកកំពង់ស្វាយ ដើម្បីរងចាំភាគីទាំងសងខាងចូលមកដោះស្រាយ ដោយសន្តិវិធី ។
ដោយ ប៊ុន រដ្ឋា