ខេត្តកំពង់ឆ្នាំង៖ស្ត្រីអ្នកទីក្រុងភ្នំពេញម្នាក់ត្រូវចោរលួចកាបូបក្នុងរថយន្តបាត់លុយជាង២
ពាន់ដុល្លា ខណៈពេលគាត់ឈប់រថយន្តភ្លេចចាក់ចោតទ្វាររថយន្តចូលទិញថ្នាំពេទ្យក្នុងឱសថស្តានឈ្មោះសង្គ្រោះ ក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ដែលករណីនេះបានកើតឡើងនៅម៉ោង១២និង១៥ រសៀលថ្ងៃទី២០ ខែសីហា ឆ្នាំ២០១៥។
ស្ត្រីរងគ្រោះឈ្មោះ ផេង សេងពៅ អាយុ៤១ឆ្នាំ បាននិយាយអោយអ្នកយកព័ត៌មាន
យើងនិងសមត្ថកិច្ចនគរបាលប៉ុស្តិប្អេរ ក្រុងកំពង់ឆ្នាំងថា៖ គាត់នៅរស់ក្នុងទីក្រុងភ្នំពេញនៅម៉ោង១២និង១៥នាទី ថ្ងៃត្រង់ទី២០ ខែសីហា ឆ្នាំ២០១៥ គាត់បានបើករថយន្តម៉ាកនី
សាន់ណាវ៉ារា ពណ៌ស្លែពាក់ស្លាកលេខភ្នំពេញ 2W – 6903 មកឈប់មុខហាងលក់ទូរស័ព្ទមួយកន្លែងឈ្មោះ អ៊ួង ប៊ុនឡុង ហើយចុះដើរចូលទិញថ្នាំពេទ្យ ក្នុងឱសរថស្ថានឈ្មោះសង្គ្រោះ ដោយភ្លេចចាក់សោរទ្វាររថយន្ត។ពេលទិញថ្នាំពេទ្យរួចត្រឡប់មករថយន្តវិញ ក៏បាត់កាបូបដៃមួយ ដែលក្នុងនោះមានលុយប្រមាណជាង២ពាន់ដុល្លា។
រូបនាងបានបញ្ជាក់អោយដឹងទៀតថា៖ភិនភាគចោរដែលបានលួចយកកាបូបក្នុងរថយន្តនោះអ្នកលក់ទូរស័ព្ទហាងឈ្មោះ អ៊ួង ប៊ុនឡុង បាននិយាយអោយនាងដឹងថា ចោររូបនោះជិះម៉ូតូហុងដាឌ្រីមពណ៌ខ្មៅ ពាក់មួកសុវត្តិភាពពណ៌ខ្មៅ ពាក់អាវពណ៌សាច់ ស្លៀក
ខោវែងពណ៌ខ្មៅ ក្រោយពេលលួចកាបូបបានជិះម៉ូតូទិសដៅមកផ្សារលើ ហើយនាងក៏បានបើករថយន្តតាមមកដល់ មុខធនាគារខេត្តសង្កាត់ប្អេរក៏បានរាយការណ៍អោយនគរ
បាលប៉ុស្តិដែលប្រចាំការនៅទីនោះ។
នៅពេលទទួលបានព័ត៌មាននេះសមត្ថកិច្ច បានរាយការណ៍ជូនលោកអធិការនគរ
បាលក្រុងកំពង់ឆ្នាំង និងបានបញ្ជារអោយកម្លាំងសមត្ថកិច្ចគ្រប់ប៉ុស្តិក្នុងក្រុងចេញពួនស្ទាក់ប្រមាញជនល្មើស តាមផ្លូវល្បៀងសំខាន់ៗ ប៉ុន្តែជាងមួយម៉ោងកន្លងមកសមត្ថកិច្ចរកមុខ
សញ្ញាជនល្មើសមិនឃើញឡើយ។
ករណីនេះសមត្ថកិច្ចបានចុះទៅពិនិត្យមើលកាម៉ារាសុវត្តិភាពរបស់ឱសថស្ថាន យី
ហោសង្គ្រោះ ដែលជាលទ្ធផលមិនបានឃើញភិនភាគចោររូបនោះច្បាស់នោះទេ ព្រោះ
តែរថយន្តដាក់នៅឆ្ងាយ ហើយចោរក៏បានពាក់មួកឃ្លប់សុវត្តិភាពជិតមុខមាត់ទៀត។បញ្ហា
នោះ កាលពី៤ខែមុនក៏ធ្លាប់មានចោរលួចកាបូបលុយក្នុងរថយន្ត ដែលភ្លេចឡុកសោរដូច
ករណីខាងលើនេះដែរ។ហេតុនេះស្នើសុំប្រជាពលរដ្ឋជាម្ចាស់រថយន្តប្រុងប្រយត្ន័អោយបា
នខ្ពស់ ព្រោះពួកចោរលួចលុយកាក់ក្នុងរថយន្ត មកធ្វើសកម្មភាពដល់ខេត្តកំពង់ឆ្នាំងហើ
យ ដែលពួកវាតាមឃ្លាំមើលយើងពេលធ្វេសប្រហែសវានិងលួចយើងភ្លាម៕