ខេត្តបន្ទាយមានជ័យ៖នេះបានចំជាសំណាង១០០គ្រោះថ្នាក់ដែលគ្មានមនុស្សស្លាប់និងរងរបួសនៅក្នុងទីប្រជុំជនដោយសារតែស្ត្រីវ័យចំណាស់ម្នាក់បានបើករថយន្តស្លន់ជាន់ហ្គាស្មានថាហ្វ្រាំងបណ្តាលឲ្យបុករះផ្ទួនៗលើរថយន្ត២គ្រឿងនិងម៉ូតូ២គ្រឿងខូចខាតយ៉ាងដំណំ។ស្ត្រីបើករថយន្តបុករះលើរថយន្តនិងម៉ូតូនោះកើតឡើងនៅវេលាម៉ោង៩ព្រឹកថ្ងៃទី២៣ខែសីហាឆ្នាំ២០១៥នៅចំណុចខាងលិចផ្សារចំការគ ហៅផ្សារថ្មីក្នុងភូមិផ្សារថ្មី២ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។លោកវរះសេនីយ៍ត្រីសីុវសុជាតិ អធិការនគបាលក្រុងសិរីសោភ័ណបានឲ្យដឹងថាស្ត្រីបើករថយន្តបុករះនោះមានឈ្មោះចាន់ណា អាយុជាង៦០ឆ្នាំមុខរបរលក់ថ្នាំពេទ្យនៅផ្សារថ្មី។លោកជាតិបានបន្តទៀតថាមុនពេលកើតហេតុស្ត្រីឈ្មោះចាន់ណានោះបានបើករថយន្តរបស់ខ្លួនម៉ាកបាឡែន ព៌ណស ពាក់ស្លាកលេខភ្នំពេញ២AA ១៧១០បានបើកចេញពីតូបរបស់ខ្លួនពីកើតមកលិចលុះបើកមកដល់ចំណុចកើតហេតុបើកទៅវ៉ាក់និងរថយន្តមួយដែលបើកពីត្បូងមកជើងក៏ធ្វើ ការចាប់ហ្វ្រាំងស្រាប់តែជាន់ចំហ្គាក៍ស្ទុះទៅបុកទ្វាររថយន្តហើយស្ទុះទៅបុកនិងរថយន្តកាមរី៩៣ព៌ណសំបកឪឡឹកពាក់ស្លាកលេខភ្នំពេញ២F៤១៣៧ពេញទំហឹងបណ្តាលឲ្យខាងក្រោយស្តាំកំបិតខ្ទេចរួចរថយន្តនោះបន្តទៅបុកម៉ូតូសង់សេរីឆ្នាំ២០១២ពីរគ្រឿងបន្តទៀតក៏បណ្តាលឲ្យខូចយ៉ាងដំណំដែរទើបទៅមុខលែងរួច។លោកជាតិបានបន្តទៀតថាតែក្នុងការបុករះនោះមិនបណ្តាលឲ្យមានមនុស្សស្លាប់និងរបួយនោះឡើយរួចចំកន្លែងគេចាប់ម៉ូយដាក់រថយន្តមានមនុស្សកកកុញទៀតផងនេះបានចំជាសំណាង១០០ គ្រោះថ្នាក់មែន។លោកជាតិបានបញ្ជាក់ទៀតថាក្រោយកើតហេតុរួចស្ត្រីជនបង្កបានឲ្យម្ចាស់រថយន្តនិងម៉ូតូទាំង៤គ្រឿងនោះទៅសំរួលឲ្យជាងមកធ្វើដើម្បីបញ្ជប់រឿងតែម្តង៕