ខេត្តកំពង់ឆ្នាំង៖ការប្រកួតកីឡាមហាជនផ្តាច់ព្រ័ត្ត នៅថ្ងៃទី២១ ខែ សីហា ឆ្នាំ២០១៥ នៅទីលានបាល់ទាត់មុខសាលាខេត្តកំពង់ឆ្នាំង គណៈកម្មការរៀបចំការប្រកួតកីឡា ជ្រើសរើសជើងឯកប្រចាំខេត្តកំពង់ឆ្នាំង បានដាក់អោយក្រុមកីឡាករ៤ក្រុម ប្រកួតផ្តាច់ព្រ័ត្ត យកលេខ១ លេខ២ លេខ៣ និងលេខ៤ ដោ យពេលព្រឹក១ប្រកួត និងពេលរសៀល១ប្រកួត។
គណៈកម្មការរៀបចំការប្រកួតបាល់ទាត់កីឡាមហាជន បានិយាយអោយដឹងថា៖ ក្រោយពីការប្រកួតយ៉ាងស្វិតស្វាញរយៈពេល៤ថ្ងៃ គឺថ្ងៃទី១៧-១៨-១៩ និងថ្ងៃទី២០ ខែសីហា កន្លងទៅនេះ ក្រុមកីឡាចំនួន៤ក្រុមដែលប្រកួតចាញ់ត្រូវបានជម្រុះចេញ នៅសល់ចំនួន៤ក្រុម ដែលត្រូវដាក់អោយប្រកួតនៅថ្ងៃទី២១ ខែ សីហានេះ ក្នុងនោះព្រឹក១ប្រកួតនិងរសៀល១ប្រកួត ។
កីឡាប្រកួតពេលព្រឹក គឺក្រុមកីឡាកំពង់ត្រឡាច ប្រកួតជាមួយក្រុម រាហ៊ូចាប់ច័ន្ទទឹកផុស ជា
លទ្ធផល កំពង់ត្រឡាចបានឈ្នះ ក្រុមរាហ៊ូចាប់ចន្ទ័ទឹកផុស ៨-៧ ។សូមបញ្ជាក់ថាៈ គូនេះចប់ការប្រកួតស្មើគ្នា ត្រូវអាជ្ញាកណ្តាលអោយទាត់ប៉េណាល់ទីទើបទទួលលទ្ឋផល ៨ទល់និង៨។ ចំណែកនៅពេលរសៀល ការប្រកួតរវាងក្រុមកីឡាករ ដំរីស FC ជាមួយក្រុមPtou FC ជាលទ្ឋផល ក្រុមកីឡាករ ដំរីស FC បានឈ្នះក្រុមPtou FC ៣-១ ។សម្រាប់ការប្រកួតយកលេខ១និងលេខ២ នៅរសៀលថ្ងៃទី២១ខែ សីហា ឆ្នាំ២០១៥នេះលទ្ឋផលការប្រកួតក្នុងតង់ទី១ ក្រុមដំរីស FC ទាត់បញ្ជូលទីគូប្រកួតរបស់ខ្លួនបាន២គ្រាប់ ដោយកីឡាករពាក់អាវលេខ៧ ឈ្មោះ ង៉ុយ ករុណា ចំណែកក្រុម Ptou FC រកបាន១គ្រាប់វិញដែរ ដែលទាត់បញ្ជូលទីដោយ
កីឡាករពាក់អាវលេខ ១៨ ឈ្មោះ វ៉យ សុធន់ ។ ចូលដល់តង់ទី២ ប្រកួតបាន៦១នាទី ក្រុមដំរីស FC រកបាន១គ្រាប់ទៀតដែលទាត់បញ្ជូលទៅដោយកីឡាករពាក់អាវលេខ ១៦ ឈ្មោះ ស៊ន ពិសី ធ្វើអោយ លទ្ធផលចប់ការប្រកួត ក្រុមដំរីស FC ឈ្នះក្រុម Ptou FC ៣-១ ។
លទ្ធផលនៃការប្រកួតបាលទាត់កីឡាមហាជនជ្រើសរើសជើងឯក ឆ្នាំ២០១៤-១៥ គណៈកម្មការប្រកួតបានប្រកាសដោយ ក្រុមកីឡាករ ដំរីស FC ទទួលចំណាត់ថ្នាក់លេខ១ ក្រុមPtou FC លេខ២ ក្រុមកំពង់ត្រឡាច លេខ៣ និងក្រុម រាហ៊ូចាប់ចន្ទ័ទឹកផុសលេខ៤ ៕
