កំពង់ធំ. ការដឹកជញ្ជូនឈើដោយខុសច្បាប់ តាមបណ្តោយផ្លូវជាតិលេខ៦២ ចេញពីខេត្តព្រះវិហារឆ្លងកាត់ខេត្តកំពង់ធំ ត្រូវបានធ្វើសកម្មភាពដឹកដោយរលូនដោយបានសារ ដឹកបង្កប់ឈើក្ដាប្រភេទលេខ២ តាមរយះរថយន្តដឹកជំនៀរឈើចេញពីក្រុមហ៊ុន អាជ្រៀកផ្សេង ដែលត្រូវបានគេដឹង ថាបណ្តាលមកពីមេព្រៃខេត្តព្រះវិហារ មានការឃុបឃិត ទើបធ្វើឲ្យកាដឹកជញ្ជូនឈើអាចធ្លាយមក ខេត្តកំពង់ធំបាន។ជាក់ស្តែងនោយប់ថ្ងៃទី ២៧ខែសីហាឆ្នាំ២០១៥ នៅវេលាម៉ោង ១០,២០នាទី កម្លាំងសមត្ថកិច្ចចម្រុះបានធ្វើការឃាត់រថយន្ត មួយគ្រឿងប្រភេទយីឌុបមួយគ្រឿង ម៉ាកហ៊ីណូ ក្បាលពណ៌ ស ទ្រុងពណ៌ខៀវ អត់ស្លាកលេខ ស្ថិតនៅមុខផ្នែករដ្ឋបាល
ព្រៃឈើស្ទោង. ភូមិថ្មល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ដែលមានការសង្ស័យថា រថយន្តខាងលើបានបង្កប់ឈើក្ដាប្រភេទលេខ២នៅ. ខាងក្នុងរថយន្ត ក្រោយពីសមត្ថកិច្ចបានចុះត្រួតពិនិត្យ ឃើញថានោក្នុងរថយន្តពិតជាបានបង្កប់ ឈើពិតមែន ទើបសមត្ថកិច្ចនាំយកមករក្សាទុកនៅក្នុងផ្នែករដ្ឋបាលព្រៃឈើ និងធ្វើការវាស់វែង នៅព្រឹកថ្ងៃទី២៨ ខែឆ្នាំដដែល។
តាមការបញ្ជាក់នូវឯកសារផ្សេងៗ គឺរថយន្តនេះមានស្លាកលេខ ភ្នំពេញ 3D-4494 តែដោយ សារតែមានការលបលួចដឹកបទល្មើស ទើបបានដោះស្លាកលេខចេញ ចំណែកលិខិតនេះពុំមាន ការបញ្ជាក់ពីសមត្ថកិច្ចជំនាញរដ្ឋបាលព្រៃឈើនោះឡើយ ចេញដោយក្រុមហ៊ុនភីភីភីធី អេហ្គ្រីខលឈ័ ស្ថិតនៅក្នុងភូមិរុងរឿង៣ ឃុំមរតក ស្រុកជាំក្សាន្ត ខេត្តព្រះវិហារ នៅក្នុងលិខិតបានបញ្ជាក់ថា ក្រៅពីបរិមាណជំនៀរឈើខាងលើរថយន្ត មានផ្ទុកផល អនុផលព្រៃឈើអ្វី
ផ្សេងហើយ បើមានក្រៅពីជំនៀរឈើ គឺម្ចាស់រថយន្តត្រូវទទួលខុសត្រូវចំពោះមុខច្បាប់ ចេញដោយលោក ពេជ្រ ច័ន្ទឌី ដែលម្ចាស់រថយន្តត្រូវបានគេស្គាល់ឈ្មោះ ឈៀង ម៉ៅ. និងជាជើងខ្លាំងខាងដឹក បទល្មើសឈើដោយគ្មានច្បាប់ក្នុងខេត្តព្រះវិហារ ឥលូវលូកមកខេត្តកំពង់ធំត្រូវបានជាប់អន្ទាក់។
តាមប្រភពព័ត៌មានច្បាស់ការ បានបញ្ជាក់ថា លោក ឈៀង ម៉ៅ ជាឈ្មួញឈើកំពូលល្បិច អាងខ្នងលោកព្រះរាជអាជ្ញារងខេត្តព្រះវិហារមួយរូប ធ្លាប់បានប្រើល្បិចបានប្រើល្បិចដ៏ថោកទាប. ក្នុងការជួលឲ្យអ្នកសារព័ត៌មានជួយរត់ការដឹកឈើធ្នង់ ចេញពីខេត្តព្រះវិហារ ទៅស្ទឹងត្រែង លុះអ្នកសារព័ត៌សុំការឧបត្ថម្ភថ្លៃសាំង ក្រោយពីការងារបានសម្រេច បែរជាលោក ឈៀង ម៉ៅបានប្រើល្បិចប្តឹងថា អ្នកសារព័ត៌មាន២រូបនោះ បានជំរិតតារលុយ ហើយចាប់ដាក់គុក៣ខែ និងម្នាក់ទៀត ជាង៤ខែ ដោយមានការចាប់ដោយគ្មានដីការផ្អើលពេញខេត្តព្រះវិហារកន្លងមក។
ដូច្នេះក្រុមអ្នកសារព័ត៌មាន ក៏ដូចជាមហាជនទូទៅ បានសំណូមពរឲ្យ សមត្ថកិច្ចជំនាញអនុវត្ត តាមតួនាទី ចាប់វត្ថុតាងដែលមានធ្វើតាមផ្លូវច្បាប់កុំឲ្យមានការលំអៀង ក្រោមឥទ្ធិពលឈ្មួញឈើ ដោយមហាជនកំពុងតែរងចាំមើលថាតើសមត្ថកិច្ចជំនាញ ដែលកំពុងតែអនុវត្តច្បាប់. រហូតមក ដល់នេះសមត្ថកិច្ចកំពុងតែធ្វើការវាស់វែង ដោយពុំទាន់ដឹងចំនួនឈើដែលបានបង្កប់ក្នុងរថយន្ត នៅឡើយទេ។ផន សុខជាតិ
