ខេត្តពោធិ៍សាត់; រថយន្តប្រភេទកូរ៉ូឡាពណ៍ស្លាបក្អែកមួយគ្រឿងបានបែកកង់មុខខាងឆ្វេងរ៉េចង្កូតមកឆ្វេងដៃចេញពីផ្លូវជាតិចូលទៅមុខផ្ទះអ្នកភួមិហោះទៅមុខផ្លោងក្រឡាប់ចូលស្រែជាច្រើនត្រឡប់បានចំងាយជាង១០០មែ៉ត្ររថយន្តកំពិតដូចចេកចៀន ហើយក្រវែងមនុស្សចេញពីរថយន្តរបួសធ្ងន់ស្រាល៥នាក់។ ហេតុការគ្រោះថ្នាក់ដូចថតកុននេះបានកើតឡើងកាលពីវេលាមោ៉ង១២និង១៥នាទីថ្ងៃត្រង់ទី២ ខែកញ្ញា ឆ្នាំ២០១៥ ស្ថិតលើផ្លូវជាតិលេខ៥ក្នុងភួមិទទឹង ឃុំអន្លង់ត្នោត ស្រុកក្រគរ ខេត្តពោធិ៍សាត់។
សាក្សីដែលជាអ្នកភួមិនៅជាប់និងកន្លែងកើតហេតុខាងលើនេះបានប្រាប់អ្នកយកព័ត៍មានផ្ទាល់នៅកន្លែងកើតហេតុថា ខណ:ដែលរូបគាត់កំពុងបំរ៉ុងដើរមកថ្នល់ជាតិឆ្លងទៅទិសខាងជើងនោះ ក៍បានងាកខាងស្ដាំដៃមិនបានឃើញរថយន្តឡើយពេលនោះរូបគាត់ក៍បានងាទៅខាងឆ្វេងដៃ ក៍បានឃើញរថយន្តប្រភេទកូរ៉ូឡាមួយគឿ្ងពណ៍ស្លាប់ក្អែក ពាក់ស្លាក់លេខ ភ្នំពេញ 2M- 84-46 បានធ្វើចរាចរណ៍ទិសដៅពីលិចទៅកើតដោយអ្នកជិះលើរថយន្តនោះសុទ្ធតែពួកយុវជន ។
សាក្សីដដែលបន្តថាពួកគេបានបើកលឿនដូចព្យុះ ក៍មកដល់ចំនុចខាងលើដែលគាត់មើលឃើញឃ្លាតពីគាត់ប្រហែល៨០មែ៉ត្រក៍លឺសំលេងផ្ទុះកង់មុខផ្នែកខាងឆ្វេងរថយន្តកំពុងមានល្បឿនលឿនផង អ្នកបើកបរនោះក៍បាត់ស្មារតីជាន់ហ្គាថែម រថយន្តនោះក៍រេចង្កូតរមួលរថយន្តទៅខាងឆ្វេងដៃ ចេញពីផ្លូវជាតិឡើងមុខផ្ទះអ្នកលក់សាំងហើយហោះផុតប្រឡាយចូលទៅស្រែ អូសកង់រថយន្តខ្ចាយដីក្រឡាប់ជាច្រើនត្រឡប់ដូចថតរឿងកុន ជាង១០០មែ៉ត្រ ទើបរថយន្តនោះអស់ល្បឿនខ្ជាក់មនុស្សចេញតាមទ្វារថយន្តរមួសធ្ងន់២នាក់នឹងស្រាល់ចំនួន៣នាក់ ដោយជនរងគ្រោះម្នាក់ក្នុងចំណោម៥នាកបានដេកលក់មិនពាក់ខ្សែក្រវា៉ត់បានផ្លោងចេញតាមទ្វារថយន្តគ្រាន់តែរបួសស្រាលប៉ុណ្ណោះ ឯរថយន្តនោះបានកំពិតខ្ទេចដូចចេកចៀនខូចខាតស្ទើរទាំងស្រុង។
លោក សេង គឹមហួ នាយប៉ុស្ត៍រដ្ឋបាលឃុំអន្លង់ត្នោតបានឲ្យដឹងថា ក្រោយពេលឧប្បហេតុនេះភ្លាមសមត្ថកិច្ចនគរបាលប៉ុស្ត៍និងសមត្ថកិច្ចនគរបាលចរាចរស្រុកបានចុះជួយអន្តរាគម៏បញ្ជូនជនរងគ្រោះតាមរថយន្តសង្គ្រោះទៅកាន់មន្ទីពេទ្យភ្លាមៗ ដោយឡែករថយន្តសមត្ថកិច្ចចរាចរណ៍បានយកទៅរក្សាទុកអោយជនរងគ្រោះនៅអធិការដ្ឋានបណ្ដោះអាសន្ន។
លោកបន្តថាជនរងគ្រោះរបួសធ្ងន់ឈ្មោះ វុត្ថា អាយុ២៥ឆ្នាំ ភេទប្រុសនៅស្រុកកំពង់ត្រាច ខេត្តកំពត។ទី២ឈ្មោះ តាន់ រតនា អាយុ២៧ឆ្នាំ នៅខេត្តកំពង់ធំ។ដោយឡែកបុរសទាំងបីអ្នកទៀតបានរងរបួសស្រាល។
នគរបាលចរាចរណ៍បានស្ដីបន្ទោសថានេះគឺជាកាធុវេសប្រហែសក្នុងកាបើកបរដោយប្រើប្រាសៀល្បឿនលឿនហួសកំណត់លើទ្រូងផ្លូវហើយគ្មានកាត្រួតពិនិត្យមុននឹងបើកបរកង់រថយន្តសំបកក៍ស្ដើងរត់ផ្លូវឆ្ងាយក្ដៅកង់ក៍ផ្ទុះបណ្ដាលឲ្យមានគ្រោះថ្នាក់រន្ធត់បែបនេះតែម្ដង៕