ខេត្តតាកែវ ក្នេងស្ទាវចំនួន១៧នាក់ ត្រូវបានសមត្ថកិច្ចនគរបាល នៃស្នងការដ្ឋាន នគរបាលខេត្តតាកែវ កសាង សំណុំរឿង បញ្ជូនទៅតុលាការ កាលពីថ្ងៃទី៥ ខែឧសភា ឆ្នាំ២០១៤ ដោយក្រុមក្មេងស្ទាវទាំងនោះ បានប្រយុទ្ធគ្នាពេលរាំធុងបាស ក្នុងពិធីរៀបមង្គលការ កាលពីយប់ថ្ងៃទី៤ ខែឧសភា ឆ្នាំ២០១៤ នៅភូមិត្រពាំងជ្រៃ ឃុំត្រពាំងធំខាងត្បូង ស្រុកត្រាំកក់ ខេត្តតាកែវ ការបង្ករហឹង្សារដាក់គ្នានេះ មិនបណ្ដាលអោយមនុស្សស្លាប់ ឫ របួសធ្ងន់ធ្ងរទេ គ្រាន់តែមានរបួសស្រាលៗតែប៉ុណ្ណោះ។
លោក យុង ញ៉ីវ ប្រធានការិយាល័យ ព្រហ្មទណ្ឌកំរិតស្រាល បានអោយដឹងថា ក្មេងស្ទាវដែលបង្ករហឹង្សារដាក់គ្នានោះ ក៏ព្រោះតែទំនាស់តិចតួច មានមនុស្សសរុបចំនួន២១នាក់ ក្រុមទី១មានគ្នា៥នាក់ ជាបងប្អូនខាងស្រី ក្រុមទី២មានគ្នា១៦នាក់ ជាបងប្អូនខាងប្រុស ។
អ្នកឃើញហេតុការ បាននិយាយថា មុនពេលកើតហេតុ ក្រុមទាំង២បាននាំគ្នាហូបចុក ផឹកស្រាជាធម្មតា លុះដល់ពេលស្រវឹង ក៍នាំគ្នាឡើងរាំជាធម្មតា ពេលរាំបានមួយសន្ទុះក្រោយមក ស្រាប់តែឃើញអ្នករាំទាំងអស់វាយគ្នាផ្អើលពេញរោងការ តែម្តងទៅ៕
