ខេត្តកណ្តាលៈ រថយន្តPAJEROបុកជាមួយម៉ូតូកង់បី(ធុកៗ)លាន់សូរឆាំងបណ្តាលឲ្យអ្នកបើកបរម៉ូតូកង់បីស្លាប់បាត់បង់ជីវិតភ្លាមរំពេចនៅនិងកន្លែងកើតហេតុគួរឲ្យរន្ធត់ ។ហេតុការណ៌នេះកើតឡើងនៅវេលសម៉ោង10និង30នាទីព្រឹកថ្ងៃទី 12 ខែវិច្ឆុកា ឆ្នាំ2015 ចន្លោះ
គីឡូម៉ែត្រលេខ28-29 តាមបណ្តោយផ្លូវជាតិលេខ1ស្ថិតនៅភូមិខ្សុំ ឃុំបន្ទាយដែកស្រុកកៀនស្វាយខេត្តកណ្តាល។ជនរងគ្រោះឈ្មោះ សេង សន ភេទប្រុសអាយុ 31ឆ្នាំស្លាប់មុខរបររត់ម៉ូតូកង់បីមានទីលំនៅភូមិថ្មី ឃុំចបក់ ស្រុកស្វាយជ្រុំ ខេត្តស្វាយរៀង ។ រថយន្តបង្កហេតុម៉ាកPAJEROពណ៌ទឹកប្រាក់ឆ្នូតខៀវពាក់ស្លាកលេខភ្នំពេញ2F 1602បើកបរក្នុងទិសដៅពីអ្នក
លឿងឆ្ពោះទៅភ្នំពេញ បើកបរក្នុងល្បឿនលឿនហើយវ៉ាជែងនិងរថយន្តមួយគ្រឿង
ទៀតក៏ជ្រុលទៅបុកម៉ូតូកង់បីពេញទំហឹងបណ្តាលឲ្យមនុស្សស្លាប់នៅនិងកន្លែង ។
ភ្លាមនោះអ្នកបើកបររថយន្តបានបើកទ្វាររថយន្តរត់គេចខ្លួនបាត់ បន្សល់ទុករថយន្ត
នៅនិងកន្លែងកើតហេតុ ។ក្រោយពេលកើតហេតុសមត្ថកិច្ចបានចុះវាស់វែងនិងយករថយន្តបង្កហេតុនិងម៉ូតូកង់បីមករក្សាទុកកន្លែងអធិការស្រុកកៀនស្វាយរង់ចាំការដោះស្រាយតាមច្បាប់៕
