ខេត្តប៉ៃលិន៖កម្មករសំណង់ចំនួន៣នាក់ បានឆក់ខ្សែរភ្លើងទាំងព្រឹក ខណៈពេលពួកគេលើកដែកវែងបំរុងចងទទៀរសំរាប់ឈរបៀកថ្នាំលាបពណ៌ជញ្ចាំងផ្ទះថ្ម ក៏ប៉ះនិងខ្សែរភ្លើង បណ្តាលឲ្យរងរបួសធ្ងនទាំង៣នាក់ ហើយត្រួវបានរថយន្តម្ចាស់ផ្ទះដឹកមកសង្គ្រោះនៅមន្ទីរពេទ្យបង្អែកខេត្តប៉ៃលិនភ្លាមៗ ។ ដែលហេតុការនេះបានកើតឡើងកាលពីវេលាម៉ោង៨ និង៣០នាទីព្រឹក ថ្ងៃទី១ ខែមករា ឆ្នាំ២០១៦ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ជនរងគ្រោះដែលឆក់ខ្សែរភ្លើងទី១ឈ្មោះ ហែម ជឿន ភេទប្រុស អាយុ៤០ឆ្នាំ ជាកម្មករ មានស្រុកកំណើតក្នុងភូមិចេក ឃុំស្វាយចចិក ស្រុកបសេដ្ឋ ខេត្តកំពង់ស្ពឺ បច្ចុប្បន្នស្នាក់បណ្តោះអាសន្នភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន របួសរបកស្បែក ប៉ោងសរសៃរឈាម រងរបួសធ្ងន់ ,ទីឈ្មោះគុយ វណ្ណេត ហៅក្រិម ភេទប្រុស អាយុ២៥ឆ្នាំ ជាកម្មករ មានស្រុកកំណើតខេត្តពោធិសាត់ មកស្នាក់បណ្តោះអាសន្នភូមិអរអិល ឃុំស្ទឹងកាច់ ស្រុកសាលាក្រៅ រងរបួសរបកស្បែកដៃជើង និងឆ្អឹងជំនីខាងស្តាំ(ធ្ងន់) ,ទី៣ឈ្មោះ ហៀង នី ភេទប្រុស អាយុ៣២ឆ្នាំ ជាកម្មករ មានស្រុកកំណើតនៅខេត្តកំពង់ស្ពឺ ស្នាក់បណ្តោះអាសន្នភូមិអូរអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន រងរបួសរបកស្បែកដៃជើង(ធ្ងន់) ។
តាមប្រភពព័ត៌មានពីកន្លែងកើតហេតុ បានឲ្យដឹងថា៖ មុនពេលកើតហេតុគេឃើញកម្មករ៥ទៅ៦នាក់ បានជួបជុំគ្នាធ្វើការ លុះបន្ទាប់មកស្រាប់ទេឃើញកម្មកម្នាក់ក្នុងចំណោមនោះលើកយកដែកដែលគេសំរាប់ចងទទៀរឡើង ហើយក៏ឃើញកម្មកឈ្មោះគុយ វណ្ណេត ហៅក្រិម បានទាញដែកនោះបន្ត រួចក៏ប៉ះនិងខ្សែរភ្លើងដែលគេតបណ្តាញតាមផ្លួវ បណ្តាលឲ្យរងរបួសទាំងអស់គ្នា ក៏ប៉ុន្តែអ្នកដែលរងរបួសសុទ្ធតែជាអ្នកឡើងជាន់ទទៀរដែកនិងកាន់ទទៀរដែកទាំងអស់ ។ ប្រភពបន្តថា៖ ក្រោយកើតហេតុ គេឃើញម្ចាសផ្ទះដែលមានឈ្មោះ ម៉េង ទ្រី បានយករថយន្តមកដឹកកម្មកទាំងនោះយកទៅសង្គ្រោះនៅមន្ទីរពេទ្យបង្អែកខេត្តប៉ៃលិនភ្លាមៗ ។
ប្រភពព័ត៌មានពីកម្មករ បានឲ្យដឹងថា៖ កម្មករដែលរងរបួសទាំង៣នាក់នោះ មាន២នាក់ត្រួវបានបញ្ជូនបន្តទៅសង្គ្រោះនៅមន្ទីរពេទ្យខេត្តបាត់ដំបង កាលវេលាម៉ោង១១ និង៣០នាទីព្រឹកនាថ្ងៃដដែល ៕ 
