ខេត្តសៀមរាបៈ រមណីយដ្ឋានបារាយណ៍ទឹកថ្លា គឺជារមណីដ្ឋានប្រវត្តិសាស្ត្រ នៅបានកសាងនៅសម័យមហាអង្គរ ប្រជាប្រុសស្រីក្មេងចាស់ ជិតឆ្ងាយតែងតែឆ្លៀតឳកាស មកទស្សនា ចង់ឃើញ ចង់ស្គាល បារាយណ៍ទឹកថ្លាដែលជា មរណីយដ្ឋានមានឈ្មោះល្បីល្បាញក្នុងប្រវត្តិសាស្ត្រខ្មែរ ប្រជាពលរដ្ឋជិតឆ្ងាយ បានអញ្ជើញមកពីបណ្តាខេត្តក្រុង មកទស្សនាក្នុងពិធីបុណ្យជាតិផ្សេងៗ។
ជាក់ស្តែងនៅក្នុងរយះពេល៣ថ្ងៃ ដោយគិតចាប់តាំងពីថ្ងៃទី ៣០ .៣១.១ ខែមករា ឆ្នាំ ២០១៦ ប្រជាពលរដ្ឋជាច្រើនកុះ ករបានអញ្ជើញមកកំសាន្ត រមណីយដ្ឋាធម្មជាតិ បារាយណ៍ទឹកថ្លា ក្នុងឳកាសបុណ្យឆ្លងឆ្នាំសកល ឆ្នាំ២០១៦ បាននាំកូន នាំចៅ លោកយាយ លោកតា មកសម្រាកដេកលេង និងកំសាន្តដើម្បីជាការលំហែរកាយចុងឆ្នាំ២០១៥ ក្នុងនោះគឺមានភ្ញៀវជាតិ និងអន្តរជាតិគ្រប់សញ្ញាតិ សាសនា បានមកទស្សនារមណីយដ្ឋានដែលបានបង្ហាញខ្លួននៅ តាមគេហទំព័រ ប្រតិ្តសាស្ត្រ ដែលជាស្នារដៃបុព្វបុរសខ្មែរ បានសាងកាលជំនាន់ដើម។
ក្នុងនោះដែរសង្កេតឃើញថា ក្រុមអជីវករ ដែលលក់មាន់អាំង ត្រីសាច់ រួមទាំងកន្លែងកញ្ជុះជួលអង្គុយ បាន ឆ្លៀតឳកាសឡើងថ្លៃ១គុណនិង៣ ដូចជាតំលៃជួលកញ្ជុះអង្គុយ ក្នុងមួយកន្លែងឡើងដល់២៥០០០រៀល មាន់មួយ ៤០០០០ទៅ៥០០០០រៀល កន្លែងផ្ញើរឡានរាល់ដង ២០០០រៀល ថ្ងៃបុណ្យទានឡើង ៤០០០រៀល មិនតែប៉ុណ្ណោះមានអ្នកដើរគក់ជេរកញ្ជុះពីលើខ្នងបារាយណ៍ ហើយនាំ ទៅលក់ឲ្យម្ចាស់កញ្ជុះបន្ត និយាយរួមគឺឡើងថ្លៃគ្រប់ប្រភេទ ពាក់ព័ន្ឋទៅនឹងម្ហូបអាហារឡើងថ្លៃនេះ ត្រូវបានក្រុមអជីវករឲ្យដឹងថា គឺមកពីលោក កូយ ដែលជាអ្នកម៉ៅការបារាយណ៍នេះ បានទារប្រាក់ថ្លៃកន្លែងថ្លៃ ហើយលោកកូយបានឲ្យពួកគាត់ ឡើងថ្លៃដែរ។
ពាក់ព័ន្ឋទៅនឹងបញ្ហាតំឡើងថ្លៃម្ហូបអាហារ ត្រូវបានមហាជនទូទៅរិះគន់ថា នេះគឺជាការឆ្លៀតឳកាសរបស់ អ្នកលក់ដែលពុំគិតពីការលក់យូរអង្វែង គិតតែចង់ចំណេញលើភ្ញៀវទេសចរណ៍ ដែលមានតំលៃដោយអយុត្តិធម៌សម្រាប់អ្នកទេសចរណ៍ ខណៈពេលដែលម្ហូបអាហារឡើងថ្លៃមួយគុណ៣ រហូតដល់១គុណ៥ក៏មានដែរ ដូចជាកន្លែងកញ្ជុះអង្គុយ ធម្មតា ៥០០០រៀល នៅពេលថ្ងៃបុណ្យទាន ២៥០០០រៀល ក្នុងសំណូមពរ ដល់ឯកឧត្តម ឃឹម ប៊ុនសុង អភិបាល នៃគណៈអភិបាលខេត្តសៀមរាប លោក ស៊ូ ផ្លាតុង អភិបាលក្រុង និងលោក ប្រធានមន្ទីរទេសចរណ៍ ខេត្តសៀមរាប ជួយសម្របសម្រួលតំលៃ និងសេវាកម្ម ដើម្បីទាក់ទាញ ភ្ញៀវទេសចរណ៍ មកកំសាន្តបន្ថែម។ ដោយ ប៊ុន រដ្ឋា
