ខេត្តប៉ៃលិន៖ ថៅកែផ្សារព្រំក្រោមដែលមានទីតាំងស្ថិតក្បែរច្រកអន្តរជាតិព្រំ ក្នុងភូមិផ្សារព្រំ ឃុំស្ទឹងកាច់ស្រុកសាលាក្រៅ ខេត្តប៉ៃលិន បានរងការចោទប្រកាន់ពីមជ្ឈដ្ឋានប្រជាពលរដ្ឋថារំលោភយកចំណីផ្លូវសាធារណៈរបស់រដ្ឋយកធ្វើអាជីវកម្មកសាងតូបជួលទៅឱ្យអាជីវករប្រមូលប្រាក់ក្នុងមួយខែៗរាប់សែនបាត ។ ការសាងសង់នោះត្រូវគេមើlឃើញថាបានបង្កឱ្យប៉ះពាល់ដល់សណ្តាប់ធ្នាប់សាធារណៈយ៉ាងធ្ងន់ធ្ងរនៅចំណុចទ្វារច្រកអន្តរជាតិព្រំដែល គេឃើញមានភ្ញៀវទេសរចជាតិនិងអន្តរជាតិធ្វើដំណើរឆ្លងកាត់យ៉ាងសន្ធឹកសន្ធាប់ពីមួយថ្ងៃទៅមួយថ្ងៃនោះ ។ សកម្មភាពនៃការរំលោភយកចំណីផ្លូវសាធារណៈរបស់រដ្ឋធ្វើអាជីវកម្មបែបនេះ ត្រូវគេមើលឃើញថា បានបំពាន់ទៅលើបទបញ្ជារបស់សម្តេចតេជោសែន ប្រមុខរាជរដ្ឋាភិបាលកម្ពុជា ដែលសម្តេចកន្លងមកបានមានប្រសាន៍និងបញ្ជឱ្យអាជ្ញាធររាជធានីខេត្តក្រុងទាំងអស់ ត្រូវទប់ស្កាត់រាល់ ការសាងសង់សំណង់រំលោភយកដីរដ្ឋធ្វើអាជីវកម្ម ។ ការសាងសង់តូបខាងលើបានរលូនគេមិនបានឃើញមានអាជ្ញាធរស្រុកនិងខេត្តចុះមានវិធានការទប់ស្កាត់នោះឡើយដោយគេដាក់ការសង្ស័យទំនងជាអាជ្ញានិងមន្ទីរ ជំនាញពាក់ព័ន្ធមានការឃុបឃិតគ្នា។
តាមប្រភពព័ត៌មានឱ្យដឹងថា៖ នៅចំណុចផ្សារព្រំក្រោមកន្លងមកមានករណីរថយន្តធុនធំដាច់ហ្វាំងបុកចូលផ្សារនោះទៀតផង ករណីនោះមិនបង្កឱ្យប៉ះពាល់អាយុជីវិតនរណាម្នាក់ឡើយនៅពេលនោះ។
ប្រភពព័ត៌មានពីអាជីវករជួលតូបនៅផ្សារព្រំក្រោមប្រាប់ឱ្យដឹងថា មុននិងបានតូបលក់ដូរនៅខាងមុខ គឺពួកគាត់ត្រូវចំណាយប្រាក់៥០០ដូល្លាសម្រាប់ការជួលដីពីថៅកែផ្សារ ហើយក្នុងនោះក៏ត្រូវបង់ប្រាក់៥០០ដូល្លាទៀតសម្រាប់ថ្លៃគេសាងសង់តូបឱ្យ។ នៅពេលពួកគាត់ នាំគ្នាចូលលក់អីវ៉ាន់ ធ្វើអាជីវកម្ម ដោយបង់ប្រាក់ប្រចាំខែឱ្យថៅកែផ្សារក្នុង១ខែ៦,៥០០បាត(ប្រាំមួយពាន់ប្រាំរយបាត)ថែមទៀត។
ជុំវិញបញ្ហានេះ លោក សំ សារ៉េត អភិបាលស្រុកសាលាក្រៅធ្លាប់ ប្រាប់ឱ្យដឹងថា កន្លងមក លោកធ្លាប់ចុះណែនាំដល់ម្ចាស់ផ្សាររួចនោះហើយ ។មិនតែប៉ុណ្ណោះខាងអាជ្ញាធរក៏បានឱ្យថៅ កែផ្សារធ្វើកិច្ចសន្យាបើសិនអាជ្ញាធរគេត្រូវការដីសម្រាប់ធ្វើអ្វីមួយ ត្រូវតែរុះរើតូបដោយគ្មានលក្ខណ្ឌ។ហើយការងារ នេះលោកនូវតែបន្តអនុវត្តទៅលើអ្នកសាងសង់យកជំណីផ្លូវសាធារណៈធ្វើអាជីវកម្មផងដែរ។
ជុំវិញនៃការចោទប្រកាន់ខាងលើ មេការផ្សារ ឈ្មោះទី បានប្រាប់អ្នកយកព័ត៌មានយើងឱ្យដឹងកាលពីកន្លងទៅថ្មីៗថា ការសាងសង់តូបគឺលោកសុំអនុញ្ញាតច្បាប់ពីអាជ្ញានិងមន្ទីរសាធារណៈការនិងភូមិបាល ហើយដល់អាជ្ញាខេត្តទៀតផង ។ លោកនិយាយទៀតថា ខាងសារព័ត៌មានចាប់អារម្មណ៍តែ ផ្សាររបស់លោក ចំណែកកាស៊ីណូមួយចំនួនសាងសង់រំលោភយកចំណីផ្លូវសាធារណៈខាងសារព័ត៌មានមិនចុះផ្សាយទាល់តែសោះ។
ពាក់ព័ន្ធនិងការសាង់សង់រំលោភយកចំណីផ្លូវសារធារណៈនៅចំណុចច្រកអន្តរជាតិ ព្រំនេះដែរ ក្រៅពីផ្សារព្រំក្រោម ក៏គេមើលឃើញថា មានការស៊ីណូមួយចំនួនទៀតមានទីតាំង ក្បែរច្រកអន្តរជាតិព្រំក៏បានធ្វើសកម្មភាពកសាងអាគារកាស៊ីណូរំលោភយកចំណីផ្លូវសាធារណៈសម្រាប់ធ្វើអាជីវកម្មនោះផងទៀត។
សូមបញ្ជាក់ថាសកម្មភាពនៃការំលោភរសាងសង់សំណង់យកចំណីផ្លូវរដ្ឋ ត្រូវគេនិយាយថាកាលណារដ្ឋត្រូវការពង្រីកផ្លូវសម្រាប់ការអភិវឌ្ឍផ្លូវឱ្យបានទូលំទូលាយគេតែង កត់សំគាល់ឃើញថា ម្ចាស់អគាររឺម្ចាសសំណង់នោះតែតែទាមទារសំណងពីរដ្ឋនូវថ្លៃសាង់សង់ ជានិច្ច ដោយបញ្ហានេះត្រូវគេនិយាយថារដ្ឋតែងជួបរងគ្រោះនៃការដោះស្រាយផលប៉ះពាល់នៃការសាសសង់អគាររំលោភចំណីផ្លូវសាធារណៈខុសច្បាប់ទាំងនោះ៕
