ខេត្តឧត្តរមានជ័យ៖កាលពីវេលាម៉ោង៨និង៣០នាទី ថ្ងៃទី៩ ខែមករា ឆ្នាំ២០១៦ លោកវរសេនីយ៍ទោ ហម ភិរម្យ អធិការនគរបាលស្រុកបន្ទាយអំពិល ខេត្តឧត្តរមានជ័យ បានដឹកនាំក្រុមការងារអត្តសញ្ញាណប័ណ្ណ និងបំពេញបែបបទ ធ្វើអត្តសញ្ញាណប័ណ្ណ ជូនប្រជាពលរដ្ឋ ព្រមទាំង ចុះផ្សព្វផ្សាយ គោលនយោបាយភូមិ ឃុំមានសុវត្ថិភាព និងវេទិការសាធារណះ នៅវត្តសុវណ្ណមាលាឳឡោក ស្ថិតនៅភូមិគោកឳឡោក ឃុំអំពិល ស្រុកបន្ទាយអំពិល ខេត្តឧត្តរមានជ័យ។
ពិធិនេះត្រូវបានធ្វើឡើងនៅក្នុងបរិវេណវត្តសុវណ្ណមាលាឳឡោកនៅភូមិគោកឳឡោក ឃុំអំពិល ស្រុកបន្ទាយ អំពិល ខេត្តឧត្តរមានជ័យ ក្រោមអធិបតីភាពលោក ហម ភិរម្យ អធិការនគរបាលស្រុក ដោយមានការចូលរួមពីលោកលោកស្រី មន្ត្រីរាជការ កម្លាំងប្រដាប់អាវុធទាំបីប្រភេទនិង ពលរដ្ឋ១១៧នាក់។
ថ្លែងក្នុងវេទិការសាធារណះ ពលរដ្ឋបានសំណូមពរដល់ អាជ្ញាធរ សមត្ថកិច្ច ត្រូវជួបទប់ស្កាត់ ករណីជួញដូរគ្រឿងញៀន និងបនល្បែងស៊ីសងគ្រប់ប្រភេទ ព្រោះសព្វថ្ងៃមានក្មេងញៀនថ្នាំច្រើន កូនតូចរបស់ពួកគាត់អាចប្រឈមពីឥទ្ធិពលនេះប្រសិនបើសមត្ថកិច្ចមើលរំលង។
ទន្ទឹមគ្នានោះក៏មានពលរដ្ឋខ្លះបានកោកសរសើរដល់អាជ្ញារធរ ដែលបានបំពេញការងារបានល្អ នាពេលកន្លងមក ដូចជាការបង្ក្រាបការជួញដូរគ្រឿងញៀន ក្មេងទំនើង និងការចុះធ្វើអត្តសញ្ញាណប័ណ្ណ តាមភូមិហើយសមត្ថកិច្ចថែមទាំងយកមកចែកដល់តាមផ្ទះវិញទៀត។
ក្នុងឱកាសនោះ លោកវរសេនីយ៍ទោ ហម ភិរម្យ អធិការនគរបាលស្រុក ក៏បានចែកលេខទូរស័ព្ទ ចំនួន១១៧សន្លឹក ដល់ពលរដ្ឋប្រុសស្រីក្នុងភូមិឃុំខាងលើផងដែរ៕
