ខេត្តសៀមរាបៈ ខេត្តសៀមរាប គឺជាទីក្រុងទេសចរណ៍ និងសំបូរទៅដោយទំនាមទំលាប់ ប្រពៃណីវប្បធម៌ខ្មែរ ដែល ប្រជាពលរដ្ឋខ្មែរតែងតែ គោរពប្រតិបត្តិរហូតមក មិនតែប៉ុណ្ណោះភ្ញៀវជាតិ និងអន្តរជាតិមាន ឆ្លងកាត់ទន្លេសមុទ្រ ដើម្បីមកទស្សនាទីក្រុងទេសចរណ៍ នៃខេត្តសៀមរាប ក្នុងព្រះរាជាណាចក្រកម្ពុជា តៃអ្វីដែលប្រជាពលរដ្ឋមានការ អៀនខ្មាស់នោះ គឺបញ្ហាបនស្រីត្រៀបត្រា អង្គុយបក់ដៃ ប្រទាញប្រទង់ភ្ញៀវឲ្យចូលបំរើសេវាកម្មផ្លូវភេទ ដែលជាការ ធ្វើឲ្យបាត់បង់ប្រជាប្រិយភាពយ៉ាងខ្លាំង។
ជាក់ស្តែងបនស្រីខូចជាច្រើនកន្លែង ដែលបានជ្រោកក្រោមផ្លាកយីហោម៉ាស្សា វ៉ៃស៊ិច បានកើតឡើងព្រោង ព្រាត នៅតាមបណ្តោយផ្លូវ៣០ម៉ែត្រ ស្ថិតក្នុងសង្កាត់គោកចក ក្រុងសៀមរាប ខេត្តសៀមរាប និងផ្លូវលោក តានឺយ បានអង្គុយត្រៀបត្រា រងចាំភ្ញៀវមកបំរើសេវាកម្ម ជារៀងរាល់យប់ ក្នុងនោះគេពុំដែលឃើញមានចំណាត់ការ អ្វីមួយក្នុងការទប់ស្កាត់ និងលុបបំបាត់ចោលពីសំណាក់សមត្ថកិច្ចនោះឡើង ដែលជាការផ្ទុយនិង គោលនយោបាយភូមិឃុំមានសុវត្តិភាពទាំង៩ចំនុច ដែលមានបញ្ជាក់ថា លុបបំបាត់ចោលការជួញដូរផ្លូវភេទ និងស្រីប៉េស្យាចារ ។
ជាក់ស្តែងស្ត្រីរកស៊ីផ្លូវភេទ បាននិយាយកាលពីយប់ថ្ងៃ១២ ខែមករា ឆ្នាំ ២០១៦ ខណៈពេលដែលអ្នកសារព័ត៌មានយើងចុះយកព័ត៌មាន ថា ពួកគាត់បើកនេះគឺពុំមានថៅកែទេ គឺនាំគ្នាបើកដោយខ្លួនឯង ហើយតំលៃវ៉ៃស៊ិចក្នុងសេវាកម្មផ្លូវភេទម្តង ៣ម៉ឺនរៀល ចំណែកការបើកប្រកបអជីវកម្មជួញដូរផ្លូវភេទនេះ គឺបានសុំច្បាប់ លោកមេប៉ិស្តិ៍គោកចក និងលោកអភិបាលក្រុងរួចហើយ ទើបបានហ៊ានបើកទីតាំងនេះ។
ពាក់ព័ន្ឋទៅនឹងការចោទប្រកាន់ថា លោកមេប៉ុស្តិ៍គោកចកអនុញ្ញាតិនោះ លោក ឈុំ សំបាន នាយប៉ុស្តិ៍រដ្ឋបាលសង្កាត់គោកចក លោកបាននិយាយថា លោកមិនដឹងទេ សូមឲ្យសួរទៅខាងការិយាល័យជួញដូរផ្លូវភេទ ទៅព្រោះលោកជាប់រវល់។
ពាក់ព័ន្ឋទៅនឹងទិដ្ឋភាពរបស់ស្ត្រីរកស៊ីផ្លូវភេទ ប្រជាពលរដ្ឋ បានសំណូមពរឲ្យ អាជ្ញាធរ និងសមត្ថកិច្ចជួយ ទប់ស្កាត់ និងលុបបំបាត់ចោល កុំឲ្យមាននៅក្នុងទឹកដីខេត្តសៀមរាប ដោយសារតែនេះជាកិត្តិយស់របស់ ទីក្រុងទេសចរណ៍ និងធ្វើឲ្យអាប់អោនកេរ្តិ៍ឈ្មោះយ៉ាងខ្លាំង។
ដោយ ប៊ុន រដ្ឋា
