នៅព្រឹកថ្ងៃទី១៣ ខែមករា ឆ្នាំ២០១៦នេះ សហគមន៍ភូមិភិ ឃុំសេសាន ស្រុកអូរយ៉ាដាវប្រមាណជាង៨០នាក់បានចាប់ឈើប្រភេទសុក្រំ នៅមុខប៉ុស្តិ៍ ៧០៩ ឬថាប៉ុស្តិ៍ណងដា ការពារព្រំដែន។ សហគមន៍បន្តថា ពេលពួកគាត់ទៅដល់ប៉ុស្ត៍ណងដាសួររកអ្នកដែលកាប់ឈើពីព្រៃអារក្សរបស់សហគមន៍ ដំបូងឡើយខាងប៉ូលិសការពារព្រំដែននេះ បានបដិសេធថា ក្រុមមរបស់ខ្លួនមិនបានកាប់ឈើពីព្រៃអារក្សសហគមន៍ទេ មានតែក្រុមហ៊ុន៧មករាផារីទេជាអ្នកកាប់ព្រោះព្រៃនោះវាស្ថិតនៅក្នុងផែនទីរបស់ក្រុមហ៊ុន ស្រាប់តែសហគមន៍ចុះទៅមាត់ទន្លេ ក៏ឃើញឈើជាច្រើនដុំរាប់មិនអស់ ព្រោះនៅក្នុងបាតទន្លេហើយសហគមននាំគ្នាលើកយកមកលើគោកតែ២០ដុំទេ មុខ២០ មុខ៣០ ប្រវែង២ម៉ែត្រ ទៅ៣ម៉ែត្រ ហើយពួកគាត់លើកឈើទាំងនេះមកលើគោកដើម្បីថតទុកជាភស្តុតាង តែពួកមិនមានលទ្ធភាពដឹកជញ្ជូនទៅរក្សាទុកក្នុងភូមិទេវាឆ្ងាយ។ពេលឃើញឈើដូច្នេះ ពួកប៉ូលិសខាងលើនិយាយទៅសហគមន៍ថា អ្នកឯងមានសិទ្ធិស្អីបានជាមកចាប់ឈើសមត្ថកិច្ច?
ក្រោយមកសហគមន៍ត្រឡប់មកភូមិហើយរាយការណ៍ទៅលោកមេភូមិ ថាប៉ូលិសណងដា បដិសេធការចោទប្រកាន់លើ ហើយមេភូមិលឺដូច្នេះ មិនអស់ចិត្តក៏ទូរស័ព្ទទៅសួរខាងក្រុមហ៊ុន តែខាងក្រុមហ៊ុនបដិសេធថាមិនកាប់ឈើក្នុងព្រៃអារក្សរបស់សហគមន៍ទេ ម្យ៉ាងវិញសហគមន៍ និងក្រុមហ៊ុនបានធ្វើកិច្ចសន្យាជាមួយគ្នារួចហើយថាមិនរំលោភបំពានលើគ្នាទៅវិញទៅមកឡើយ។ ក្នុងថ្ងៃដដែលនេះមកសហគមន៍បានប្តឹងទៅប៉ូលិសប៉ុស្តិ៍ ឃុំសេសាន តែប៉ុស្តិ៍សេសានមិនទាន់អន្តរាគមនៅឡើយទេរហូតមកដល់ម៉ោងនេះ។
សហគមន៍បន្តថា នៅស្អែកសហគមន៍នឹងឡើងមកខេត្ត ដើម្បីស្វែងរកការអន្តរាគមពី អង្គការ ការពារសិទ្ធិមនុស្ស លីកាដូពីព្រោះករណីខានលើនេះកើតឡើងជាច្រើនលើកមកហើយ តែគ្មានសមត្ថកិច្ចពាក់ព័ន្ធជួយអន្តរាគម និងទប់ស្កាប់រាល់បទល្មើសព្រៃឈើនេះទាល់តែសោះ។
រូបឈើសុក្រំ និងម៉ាស៊ីនឆកត្រីទាំងនេះសហគមន៍ថតពីប៉ុស្តិ៍ ណងដា ហើយផ្ញើរមកអង្គការលីកាដូថ្ងៃទី១៣ ខែមករា ឆ្នាំ២០១៦។
