ខេត្តប៉ៃលិន៖ រថយន្តហ៊ីណូដឹកទំនិញរបស់ថៃ បើកក្នុងល្បឿនលឿនដល់ផ្លូវកោងរ៉េចង្កូចទៅបុករថយន្តហ៊ីយ៉ាន់ដាយដឹកពោតរបស់ខ្មែរ បណ្តាលឲ្យមានអ្នករងរបួសធ្ងន់ស្រាល៣នាក់ ត្រួវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តប៉ៃលិនភ្លាមៗ ។ ដែលហេតុការណ៏នេះ បានកើតឡើងកាលពីវេលាម៉ោង៩និង៣០នាទីព្រឹកថ្ងៃទី១៣ ខែមករា ឆ្នាំ២០១៦ លើកំណាត់ផ្លូវជាតិ៥៧ ស្ថិតក្នុងភូមិសួស្តី សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
ជនរងគ្រោះមានឈ្មោះ សេង ពេជ្រគីរី ភេទប្រុស អាយុ២៦ឆ្នាំ ជនជាតិខ្មែរ របួសបែកក្បាលធ្ងន់ធ្ងរ ជាអ្នកបើកបររថយន្តហ៊ីយ៉ាន់ដាយ ពាក់ស្លាកលេខភ្នំពេញ 3B-9139 (រងការខូចផ្នែកខាងមុខធ្ងន់) រួមជាមួយអ្នករួមដំណើរម្នាក់ទៀតឈ្មោះ សេង ពេញពង្ស ភេទប្រុស អាយុ២៣ឆ្នាំ រងរបួសស្រាល ទាំងពីរនាក់មានទីលំនៅភូមិអូរទន្ទឹម ឃុំតាសាញ ស្រុកសំឡូត ខេត្តបាត់ដំបង ។ ចំណែករថយន្តបង្កម៉ាក់ហ៊ីណូ ពណ៌ខៀវ ពាក់ស្លាកលេខTHAILAND 80-9024 បើកបរដោយជនជាតិថៃ មិនស្គាល់អត្តសញ្ញណ បានរងរបួសស្រាល ។
ប្រភពព័ត៌មានពីកន្លែងកើតហេតុ បានឲ្យដឹងថា៖ មុនពេលកើតហេតុគេឃើញរថយន្តដឹកទំនិញថៃបើកបរយ៉ាងលឿន ក្នុងទឹសដៅពីលិចទៅកើត ហើយគេឃើញរថយន្តដឹកពោតរបស់ខ្មែរបើកបរពីកើតមកលិចវិញបញ្ច្រាសទឹសគ្នា លុះមកដលកន្លែងកើតហេតុជាផ្លួវកោងទប់ចង្កូចមិនជាប់ក៏រ៉េទៅបុករថយន្តដឹកពោតរបស់ខ្មែរពេញទំហឹងលាន់ឮដូចរន្ទុះ បណ្តាលអ្នកបើកបររថយន្តដឹកពោតកៀបជាប់ក្នុងកាប៊ីនឡានរងរបួសធ្ងន់ធ្ងរ ចំណែក២នាក់ទៀតរងរបួសស្រាល ។ ប្រភពព័ត៌មានបន្តថា៖ ក្រោយពេលកើតហេតុគេឃើញសមត្ថកិច្ចនគរបាលចរាចរណ៏ខេត្ត ចុះមកវាស់វែង ចំណែកជនរងគ្រោះត្រួវបានរថយន្តសង្គ្រោះរបស់មន្ទីរពេទ្យបង្អែកខេត្តប៉ៃលិន ដឹកទៅសង្គ្រោះភ្លាមៗដែរ ។
សូមបញ្ជាក់ថា នៅវេលាម៉ោង១១និង២០នាទី ជនរងគ្រោះឈ្មោះ សេង ពេជ្រគីរី ត្រួវបានរថយន្តសង្គ្រោះមន្ទីរពេទ្យបង្អែកខេត្ត ដឹកបន្តទៅសង្គ្រោះនៅមន្ទីរពេទ្យខេត្តបាត់ដំបង ដោយសាររបួសធ្ងន់ធ្ងរពេក ។
បច្ចុប្បន្ន រថយន្តទាំង២គ្រឿងត្រួវបានសមត្ថកិច្ចនគរបាលចរាចរណ៏ យកមករក្សាទុកនូវការិយាល័យចរាចរណ៏ខេត្ត រងចំការដោះស្រាយគ្នាតាមផ្លួវច្បាប់៕
