ខេត្តកំពង់ឆ្នាំង៖ លោក ថៃ ហ៊ី តំណាងលោកឧកញ៉ា ហ្វ៊ូ ឆេងសៀង នៅព្រឹកថ្ងៃទី២២ ខែមករា ឆ្នាំ២០១៦ ជាមួយក្រុកការងាររបស់មន្ទីរសង្គមកិច្ចខេត្ត បានចុះសាកសួរសុខទុក្ខ និងនាំយកអំណោយមនុស្សធម៌របស់លោកឧកញ៉ា ទៅផ្តល់ជូនលោកយាយ មួង តៃ អាយុ៧៥ឆ្នាំ ចៅកំព្រាក្រីក្រចំនួន៤នាក់បងប្អូន ដែលត្រូវម្តាយទៅធ្វើការនៅប្រទេសថៃ និងឪពុកមានប្រពន្ធថ្មីចុះចោល នៅភូមិត្រពាំងអំពិល ឃុំក្រាំងស្គារ ស្រុកទឹកផុស ខេត្តកំពង់ឆ្នាំង។
លោកយាយ មួង តៃ បានអោយដឹងថា៖ គាត់បានគ្រប់គ្រងចៅកំព្រាទាំង៤នាក់មាន ១ឈ្មោះ
សាយ សុភ័ក្តត្រា អាយុ១៤ឆ្នាំ ភេទប្រុស , ២.ឈ្មោះ សាយ ស៊ីម អាយុ១២ឆ្នាំ ភេទប្រុស , ៣.ឈ្មោះ សាយ ធីតា អាយុ១១ឆ្នាំ ភេទស្រី , និង៤.ឈ្មោះ សាយ រចនា អាយុ៨ឆ្នាំ ភេទស្រី ។
លោកយាយបានបន្តថា៖ ម្តាយរបស់ពួកគេមានឈ្មោះ សាក់ សាវឿន ទៅធ្វើជាកម្មករអោយគេនៅប្រទេសថៃ ចំណែកឪពុកគេឈ្មោះ សាន សុផល បានចុះចោលកូននិងប្រពន្ធទៅមានប្រពន្ធចុងបាត់ទៅដោយមិនបានចិញ្ចឹមកូនៗឡើយ។ ដោយមានការលំបាកក្នុងជីវភាព និងចង់អោយចៅៗមានអនាគតល្អ នៅថៃ្ងទី១២ ខែមករា ឆ្នាំ២០១៦ ឯកឧត្តម ឈួរ ច័ន្ទឌឿនអភិបាលខេត្តកំពង់ឆ្នាំង បានអោយក្រុមការងាររបស់ខេត្ត មកទទួលយកចៅៗចំនួន៣នាក់ទៅស្នាក់រៀនសូត្របន្ត នៅក្នុងមណ្ឌលកុមារកំព្រាខេត្តកំពង់ឆ្នាំងតាមសំណូមពររបស់លោកយាយ។ដោយឡែកចៅទី២លោកយាយបានសុំទុកអោយរស់នៅជាមួយលោកយាយរៀនសូត្រនៅក្នុងស្រុក និងបានជួយថែទាំលោកយាយផង។
លោក ថៃ ហ៊ី បានអោយដឹថា ដោយបានមើលឃើញលោកយាយចាស់ជរាហើយរស់នៅតែ២នាក់ចៅ មានជីវភាពខ្វះខាត លោកឧកញ៉ា ហ្វ៊ូ ឆេងសៀង បានអោយលោកជាតំណាងនាំយកថវិការ ស្បៀងអាហារមួយចំនួន មកប្រគល់ជូនលោកយាយ ដោយផ្ទាល់ដៃដល់លំនៅដ្ឋាន។ អំណោយរបស់លោកឧកញ៉ា ដែលបានប្រគល់ជូនលោកយាយនៅពេលនេះរួមមាន៖ ថវិការ២០ម៉ឺនរៀល , កង់១គ្រឿង , មី២កេះ , អង្ករ១០០គីឡ ,ត្រីងៀត៥គីឡូ , ប្រហុក៥គីឡូ , ស្ករស៥គីឡូ , អំបិល៥គីឡូ ,ប៊ីចេង២គីឡូ , ទឹកត្រី៤យួរ , និងទឹកស្អីវ៤យួរ។
ក្នុងពេលនោះដែល លោកយាយ មួង តៃ បានថ្លែងអំណរគុណយ៉ាងជ្រាវជ្រៅដល់ លោកឧកញ៉ា
ជាសប្បុរជនដែលបានផ្តល់ជូនលោកយាយនូវវអំណោយមនុស្សធម៌ដ៏ថ្លៃថ្លានេះ លោកយាយ សូមជូនពរដល់លោកឧកញ៉ា ព្រមទាំសម្តេចគតិព្រឹទ្ធបណ្ឌិតប្រធានកាកបាទក្រហមកម្ពុជា និងក្រុមការងារខេត្តដែលថ្មីនេះក៏បានផ្តល់អំណោយមួយចំនួនជូនលោកយាយជាបន្តបន្ទាប់ផងដែរ សូមជូនពរអោយសម្តេច និងលោកឧកញ៉ា និងសប្បុរសជនទាំអងស់ ជួបប្រទះតែសេចក្តីសុខគ្រប់ប្រការ និងទទួលបានជោគជ័យគ្រប់ពេលវេលា និងគ្រប់ភារកិច្ចទាំងអស់៕