កំពង់ស្ពឺ ៖ ជនអាថ៌កំបាំងដែលដែលដើរបាញ់ថ្នាំតាមរបង ផ្លូវថ្នល់ ស្ពាន និងទីសាធារណ:នានានោះ ត្រូវបានចោរប្រើពូថៅកាប់ប្លន់យកម៉ូតូបាត់ខណ:ពេលគាត់ជិះម៉ូតូពន្នេចរ ។
ករណីចោរប្លន់ម៉ូតូជនអាថ៌កំបាំងដ៍ល្បីឈ្មោះខាងលើបានកើតមានឡើងកាលពីម៉ោង១២ និង០០នាទី នាថ្ងៃទី២២ ខែមករា ឆ្នាំ២០១៦ចំនុចផ្លូវរទេះក្នុងព្រៃ ស្ថិតក្នុងភូមិអាយាន ឃុំពាំងល្វា ស្រុកឧដុង្គ ខេត្តកំពង់ស្ពឺ ។សមត្ថកិច្ចបានប្រាប់ថាជនរងគ្រោះមានឈ្មោះយឹម តន ភេទប្រុស អាយុ ៦២ឆ្នាំមានទីលំនៅភូមិដែកភ្លើង ឃុំរលាំងគ្រើល ស្រុកសំរោងទង ត្រូវចោរប្រើពូថៅកាប់ប្លន់យកម៉ូតូមួយគ្រឿងម៉ាកហុងដាC125 ពណ៌ខ្មៅគ្មានស្លាកលេខ ។ សមត្ថកិច្ចបានបន្តថា ជនសង្ស័យមិនស្គាល់អត្តសញ្ញាណ មានភិនភាគស្គមសំបុលសណ្តែកបាយ កំពស់ប្រហែល១.៦០ម៉ែតពាក់អាវពណ៌ប្រផេះដៃខ្លី ខោពណ៌ខ្មៅ ។សមតកិច្ចបន្តថាប់ជនល្មើសបានប្រើពូថៅកាប់ជនរងគ្រោះចំកញ្ចឹងករខាងក្រោយបណ្តាលឱ្យរងរបួសធ្ងន់ រួចជិះម៉ូតូគេចខ្លួនបាត់ ។សូមបញ្ជាក់ថាលោកតាយឹម តនត្រូវបានប្រជាពលរដ្ឋស្គាល់ និងល្បីឈ្មោះតាមរយ:ការបាញ់ថ្នាំតាមរបងវត្តអារាម រោងចក្រ ខ្លោងទ្វារ ផ្លូវជាតិ និងទីសាធារណ:នានាគ្រប់ទិសទី ប៉ុន្តែមុខមាត់ពិតរបស់គាត់គ្មានអ្នកស្គាល់ឡើយ ។ តាយឹម តនជាអ្នកបួសរៀនធម៌ ប៉ុន្តែក្រោយមកគាត់មានបញ្ហាខួរក្បាលចាប់ផ្តើមទិញថ្នាំកំប៉ុងដើរបាញ់អក្សតាមរបង ផ្លូវថ្នល់ ស្ពានជាពិសេសកន្លែងដែលទើបសាងសង់ថ្មីៗតែម្តង ។សកម្មភាពដើរបាញថ្នាំរបស់តាយឹម តនសម្តេចតេជោហ៊ុន សែនធ្លាប់ប្រតិកម្មឱ្យអាជ្ញាធរតាមរកមុខព្រោះស្ពាន ផ្លូវ សាលារៀនគ្រាម់តែធ្វើរួចមានបាញ់អក្សយឹម តនគ្រប់កន្លែង បន្ទាប់ទើបដឹងថាយឹម តនគាត់ជាមនុស្សសសែប្រសាទ តែដឹងខុសត្រូវទាំងអស់ ។
ជនអាថ៌កំបាំងម្នាក់នេះប្រពលរដ្ឋ និងមន្ត្រីរាជភាគច្រើនមិនស្គាល់មុខគាត់ទេហើយរាលពេលបាញ់ម្តងៗគ្មានអ្មកបានឃើញសកម្មភាពរបស់គាត់ឡើយ ប៉ុន្តែពេលនេះភ្លាតឈ្នាតត្រូវកាប់ប្លន់យកម៉ូតូតែម្តង។បច្ចុប្បន្នសមត្ថកិច្ចកំពុងតែស្រាវជ្រាវមុខសញ្ញាសង្ស័យដែលបានធ្វើសកម្មភាពកាប់ប្លន់យក ម៉ូតូតាយឹម តន។