ឧត្តរមានជ័យ៖ កាលពីវេលាម៉ោង៧និង៣០នាទីថ្ងៃទី២៣ ខែមករា ឆ្នាំ២០១៦ មានករណីគ្រោះថ្នាក់ លង់ទឹកព្រះភូមិផ្ទះ មួយកើតឡើង នៅក្នុងភូមិយាងខាងជើង ឃុំអន្លង់វែង ស្រុកអន្លង់វែង ខេត្តឧត្តរមានជ័យ បណ្តាលឲ្យស្លាប់។លោកវរសេនីយ៍ត្រីស៊ូ នូវ អធិការរងនគរបាលស្រុកអន្លង់វែង បានឲ្យដឹងថា ក្មេងស្រីដែលលង់ទឹកព្រះភូមិស្លាប់នោះ ក្មេងរងគ្រោះ មានឈ្មោះ តេង ស្រីប៉ោង ភេទស្រីអាយុ៣ឆ្នាំ ៦ខែ រស់នៅភូមិឃុំកើតហេតុខាងលើ ។លោកវរសេនីយ៍ត្រី ស៊ូ នូវ អធិការរងនគរបាលស្រុក បានបន្តទៀតថា មូលហេតុ លេងកូនបាល់ធ្លាក់ចូលក្នុងទឹក ហើយយកឈើទៅឆ្កិះ យកបាល់ក៏រអិលជើងធ្លាក់ទឹកស្រះព្រះភូមិ បណ្តាលឲ្យស្លាប់តែម្តងទៅ ដោយឳពុកម្តាយ មិននៅរវលយកបន្លែទៅលក់នៅទុកកូនចោល។ករណីនេះ ក្រោយពីទទួលបានព័ត៍មាន អធិការនគរបាលស្រុក បានចាត់តាំងកម្លាំងចុះទៅពិនិត្យនៅកន្លែងកើតហេតុភ្លាមៗ ក្រោយពីពិនិត្យរួច ឃើញថា ក្មេងរងគ្រោះបានស្លាប់ដោយសារលង់ទឹកពិតប្រកដមែន រួចហើយសមត្ថកិច្ចបានប្រគល់សពជូនក្រុមគ្រួសារ ធ្វើបុណ្យតាមប្រពៃណី៕
