ខេត្តបន្ទាយមានជ័យ៖ ព្រឹកថ្ងៃទី២៧ខែមករាឆ្នាំ២០១៦នេះលោកគោស៊ុសារឿតអភិបាលខេត្តបន្ទាយមានជ័យ លោកអ៊ុងអឿនប្រធានក្រុមប្រឹក្សាខេត្តបន្ទាយមានជ័យ លោកលីសារីអភិបាលរងខេត្តបន្ទាយមានជ័យ លោកឡុងពុនអភិបាលស្រុកមង្គលបូរី សមិត្ថកិច្ច ប្រជាពលរដ្ឋនិងសិស្សសាលាជាច្រើននាក់ទៀតបានចូលរួមកាត់ខ្សែបូសម្ពោធដាក់ឲ្យប្រើប្រាស់ជាផ្លូវការផ្លូវចាក់បេតុង៣ខ្សែដែលមានប្រវែង ២.៧១៣ម៉ែត្រ ស្ថិតក្នុងភូមិឬស្សីក្រោក ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។លោកឡុងពុនបានឡើងអានរបាយការណ៍ការធ្វើផ្លូវចាក់បេតុងទាំង៣ខ្សែនោះថាស្រុកមង្គលបូរីនេះអស់រយះពេលជាច្រើនឆ្នាំកន្លងមកនេះមិនដែលឃើញមានអ្នកណាចេញមុខធ្វើផ្លូវសំរាប់ទុកឲ្យប្រជាពលរដ្ឋធ្វើដំណើរជាដុំកំភួននោះឡើយដោយមានការយកចិត្តទុកដាក់ពីសំណាក់រដ្ឋាភិបាលដែលដឹកនាំដោយសម្តេចតេជោហ៊ុនសែនទើបស្រុកមង្គលបូរីមានការរីកចំរើនឥតឈប់ឈរមានដូចជាសលារៀន ប្រឡាយទឹក និងផ្លូវជាច្រើនខ្សែខ្វាត់ខ្វែងពេញស្រុកមង្គលបូរីតែម្តងជាក់ស្តែងនៅព្រឹកថ្ងៃទី២៧នេះលោកគោស៊ុសារឿតបានចូលរួមសម្ពោធផ្លូវចាក់បេតុង៣ខ្សែដែលមានប្រវែង២.៧១៣ម៉ែត្រជាថវិការរបស់ខេត្តព្រមទាំងផ្លូវចាក់បេតុង១ខ្សែទៀតមានប្រវែង១.០៥០ម៉ែត្រនិងផ្លូវបាក់កៅស៊ូ៣ខ្សែមានប្រវែង២.០៣០ម៉ែត្រដែលជាថវិការរបស់រដ្ឋាភិបាលអនុវត្តដោយនាយកដ្ឋានវិស្វ័កម្មនៃក្រសួងការពារជាតិ។ក្នុងនោះលោកគោស៊ុសារឿតក៏បានមានប្រសាសន៍ដែរថាផ្លូវទាំង៣ខ្សែដែលកំពុងដាក់ឲ្យប្រើប្រាស់ជាផ្លូវការនេះគឺជាចំណងដៃរបស់រាជរដ្ឋភិបាលដែលខិតខំធ្វើប្រឹងប្រែងធ្វើផ្លូវទាំង៣ខ្សែនេះដែលចំណាយអស់ទឹកប្រាក់រាប់សែនដុល្លាសំរាប់ឲ្យប្រជាពលរដ្ឋធ្វើដំណើរទៅមកឲ្យបានស្រួលនេះសបញ្ជាក់ឲ្យឃើញថារាជរដ្ឋាភិបាលនៅតែយកចិត្តទុកដាក់ដល់ប្រជាពលរដ្ឋជារៀងរហូតមិនដែលភ្លេចម្តងណាឡើយ។លោកគោស៊ុសារឿតក៏បានឲ្យប្រជាពលរដ្ឋក្នុងស្រុកមង្គលបូរីនេះក្រោយពេលបានផ្លូវស្រួលដើរហើយត្រូវយកចិត្តទុកដាក់ចេះថែទាំផ្លូវទាំងអស់នេះឲ្យបានល្អប្រើប្រាស់ឲ្យបានយូរអង្វែងមិនត្រូវកាប់បំផ្លាញផ្លូវនេះដោយគ្មានកាអនុញ្ញាត្តិពីសមិត្តកិច្ចឡើយដើម្បីទុកឲ្យក្មេងជំនាន់ក្រោយបានដើរបន្តទៀតផង។លោកគោស៊ុសារឿតបាន
ឲ្យប្រជាពលរដ្ឋចូលរួនការប្រើបាស់ទឹកឲ្យចេះសន្សំសំចៃព្រោះចូលខែ២នេះទឹកជិតអស់ពីស្ទឹងហើយដោយសារមូមដាក់ស្រែប្រាំង មិនត្រូវបូមបឹង ប្រឡាយ ព្រេក ដើម្បីចាប់ត្រីលក់ព្រោះវាបាត់ពូជត្រីនិងខ្វះទឹកប្រើប្រាស់នៅតាមមូលដ្ឋានជាដើម។ប្រជាពលរដ្ឋត្រូវចេះគោរពច្បាប់ចរាចរណ៍ផ្លូវគោកថ្មីត្រូវពាក់មួកសុវត្តិភាពជាប្រចាំព្រោះវាអាចជួយការពារអាយុជីវិតអ្នកពាក់មួកបានច្រើន។ប្រជាពលរដ្ឋទាំងអស់ត្រូវចេះរាប់អានគ្នា អធ្យាស្រ័យគ្នាមានទំនាក់ទំនងល្អនិងគ្នា ត្រូវចេះគោរពច្បាប់ឲ្យមានក្រមសីលធម៌ល្អក្នុងការរស់នៅជាមួយគ្នាដើម្បីប្រទេសជាតិរុងរឿង៕ដោយ:ឃិន គន្ធា
