ខេត្តព្រះវិហារៈឧត្តរមានជ័យ៖.កាលពីព្រឹកថ្ងៃទី២៦ ខែមករា ឆ្នាំ២០១៦ ឯកឧត្តម លេង វី អនុរដ្ឋលេខាធិការក្រសួងមហាផ្ទៃ.ឯកឧត្ត ឧត្តសេនីយ៍ឯក ង៉ែត ចាន់ ថុន តំណាងដ៏ខ្ពង់ខ្ពស់ ឯកឧត្តម គន់ គីម នាយសេនាធិការចំរុះ ថ្នាក់ជាតិ.លោកស ថាវី អភិបាលខេត្តឧត្តរមានជ័យ លោកប្រធានក្រុមប្រឹក្សាខេត្ត លោក.អភិបាលរងខេត្ត.លោកហោ ជិនវរះ យុទ្ធ អភិបាលស្រុកអន្លង់វែង.លោកនៅ សំ ដារ៉ារិទ្ធ អភិបាលស្រុកត្រពាំងប្រាសាទនិងក្រុមការងារជាច្រើនរូបនិងកងកម្លាំងប្រដាប់អាវុធទាំងបីប្រភេទ បាននឹងអញ្ចើញចុះ ត្រួតពិនិត្យស្រាវជ្រាវ ព្រំប្រទល់ស្រុកត្រពាំងប្រាសាទនិងស្រុកជាំសាន្ត.ខេត្តព្រះវិហារនិងស្រុកអន្លង់វែងនិងស្រុកវ៉ារិនខេត្តសៀមរាប។នាឱកាសនោះ ដែលឯកឧត្តម លេង វី អនុរដ្ឋលេខាធិការក្រសួងមហាផ្ទៃ បានមានប្រសាសន៍ថា ឯកឧត្តមចុះមកនេះ ដើម្បីសិក្សាស្រាវជ្រាវ ប្រមូលព័ត៍មានលើសំណើសុំ បង្កើតភូមិថ្មីចំនួន៣៣ភូមិ ឃុំចំនួន២និងសង្កាត់ចំនួន១ ស្ថិតនៅស្រុកត្រពាំងប្រាសាទ ស្រុកបន្ទាយអំពិល ស្រុកចុងកាល់ និងក្រុងសំរោងនិងស្រុកជាប់ព្រំប្រទល់ខេត្តសៀមរាបនិងព្រំប្រទល់ជាប់នឹងខេត្តព្រះវិហារ-រវាងស្រុកត្រពាំងប្រាសាទនិងស្រុកជាំសាន្តនិងស្រុកអន្លង់វែងនិងស្រុកវ៉ារិន ខេត្តសៀមរាប។លោកស ថាវី អភិបាលខេត្តឧត្តរមានជ័យ ក៏បានមានប្រសាសន៍ ដែលថា នៅពេលបច្ចុប្បន្ន មានភាពច្របូកច្របល់ រវាងប្រជាពលរដ្ឋ ដែលរស់នៅជាប់នឹងព្រំប្រទល់ខេត្តនឹងខេត្ត ប្រជាពលរដ្ឋខ្លះ មកនៅក្នុងទឹកដីខេត្តឧត្តរមានជ័យ ក៏ប៉ុន្តែឈ្មោះនៅខាងខេត្តសៀមរាប.ហើយអ្នកខ្លះទៀតទៅរស់នៅទឹកដីខេត្តសៀមរាប ឈ្មោះនៅក្នុងខេត្តឧត្តរមានជ័យ ហើយខាងព្រំប្រទល់ខេត្តព្រះវិហារនឹងខេត្តឧត្តរមានជ័យ ក៏ដូចគ្នាទៅនិងខេត្តសៀមរាប ផងដែរ នៅត្រង់ចំណុននេះ ហើយដែលពិបាកនឹងអាជ្ញាធរភូមិ ឃុំ ស្រុក និងខេត្ត ពិបាកនោះ ទើបនៅថ្ងៃនេះ ឯកឧត្តម លេង វី អនុរដ្ឋលេខាធិការក្រសួងមហាផ្ទៃ បានអញ្ចើញចុះមក ជាមួយក្រុមការងារដែលពាក់ព័ន្ធ ដើម្បីត្រួតពិនិត្យស្រាវជ្រាវ ជាក់ស្តែងដល់ទីកន្លែង កើតហេតុតែម្តង រហូតដល់វេលាម៉ោង៥និង២០នាទីរសៀល ទើបចប់ ការត្រួតពិនិត្យខាងលើនោះ៕