ភ្នំពេញ ៖ ជនសង្ស័យ០៣នាក់បានជិះម៉ូតូធ្វើសកម្មភាពឆក់ការបូបពីនារីម្នាក់បានសម្រេចហើយព្យាយាមគេចខ្លួនប៉ុន្តែត្រូវបានប្រជាពលរដ្ឋឃើញហេតុការណ៏ជិះម៉ូតូដេញតាមចាប់បាន០២នាក់ប្រគល់ឱ្យសមត្ថកិច្ចនិងជនសង្ស័យម្នាក់ទៀតរត់គេចខ្លួនចូលទៅក្នុងអង្គភាពប្រឆាំងអំពើពុករលួយ ក៏ត្រូវសសត្ថកិច្ចចាប់បានម្នាក់ទៀតកាលវេលាម៉ោង៩និង២០នាទីយប់នៅចំណុចផ្លូវលេខ១៤០កែងផ្លូវលេខ៤៩ ស្ថិតនៅក្នុងសង្កាត់ផ្សារថ្មី៣ ខណ្ឌដូនពេញ ។
ប្រភពព័ត៌មានពីអ្នកឃើញហេតុការណ៏បានឱ្យដឹងថា នៅមុនពេលកើតហេតុគេបានឃើញជនសង្ស័យ០៣នាក់បានជិះម៉ូតូមួយគ្រឿងម៉ាក ស្មាសវី ពណ៌ ខ្មៅ ពាក់ស្លាកលេខ កណ្តាល 1F-1909 បានធ្វើសកម្មភាពឆក់ការបូបពីនារីម្នាក់កំពុងជិះម៉ូតូ
មិនស្គាល់ម៉ាកបានសម្រេចរួចជនសង្ស័យក៏ព្យាយាមជិះម៉ូតូគេចខ្លួនពីកន្លែងតើតហេតុ ប៉ុន្តែត្រូវបានប្រជាពលរដ្ឋឃើញហេតុការណ៏នេះជិះម៉ូតូដេញតាមពីក្រោយរហូត ធ្វើឱ្យក្រុមជនសង្ស័យភ័យក៏បានដួលម៉ូតូហើយ ពេលនោះប្រជាពលរដ្ឋចាប់ឃាត់ខ្លួនបាន០២នាក់ចំណែកជនសង្ស័យម្នាក់ទៀតព្យាយាមរត់គេចខ្លួន អង្គភាពប្រឆាំងអំពើពុករលួយក៏ប្រជាពលរដ្ធនិងសមត្ថកិច្ចឡោព័ន្ធដេញចាប់ភ្លាមៗតែម្តង ។
ក្រោយពេលកើតហេតុសមត្ថកិច្ចបាននាំខ្លួនជនសង្ស័យ០៣នាក់ទៅសាកសួរនៅប៉ុស្តិ៍នគរបាលរដ្ឋបាលផ្សារថ្មី៣ និងទទួលពាក្យប្តឹងពីជនរងគ្រោះ តែក្នុងហេតុការណ៏នេះផងដែរអ្នកសារព័ត៌មានបានតាមយកព័ត៌មានទៅតាមវិជ្ជាជីវះ ហើយក៏ត្រូវបានលោក សមត្ថកិច្ចប៉ុស្តិ៍នគរបាលរដ្ឋបាលផ្សារថ្មីទី៣ ថាចាំមួយភ្លេត ចាំគាត់ធ្វើការសិនចាំថតយករូបភាព តែ
រឿងហេតុកើតជិតមួយម៉ោងនៅតែសមត្ថកិច្ចមិព្រមផ្តល់ព័ត៌មានឲ្យឡើយ ហាក់ដូចជាមានអ្វីចង់លាក់បាំងជាមួយអ្នកសារព័ត៌មានចឹង។បើតាមប្រជាពលរដ្ធដែលនិយាយប្រាប់ក្រុមអ្នកយកព័ត៌មានថា រាល់ករណីដែលនគរបាលរដ្ឋបាលផ្សារថ្មីទី៣នេះចាប់ជនសង្ស័យតែងតែមិនចង់ឲ្យមានការផ្សាយព័ត៌មានឡើយ ហើយក៏មិនដឹងថានគរបាលរដ្ឋបាលផ្សារថ្មីទី៣ចង់ធ្វើយ៉ាងណាដែល។
