សៀមរាប៖នៅព្រឹកថ្ងៃទី០៣ ខែកុម្ភៈ ឆ្នាំ២០១៦ លោកឧត្តមសេនីយ៍ត្រី ឡាច សាវិន ស្នងការរង ទទួលផែន ធនធានមនុស្ស និងជាតំណាងដ៏ខ្ពង់ខ្ពស់លោកឧត្តមសេនីយ៍ទោ សត ណាឌី ស្នងការនគរបាលខេត្តសៀមរាប អមដំណើរដោយ នាយរងការិយាល័យបុគ្គលិក លោកអធិការ អធិការរង លោក អភិបាលស្រុក នាយប៉ុស្តិ៍នគរបាលរដ្ឋបាល និងមន្ត្រីនគរបាលជាច្រើនរូបទៀត បាននាំយកថវិកា របស់សមាគមមិត្តនគរបាលជាតិកម្ពុជា ចំនួន៤លានរៀល និង អង្ករចំនួន៥០គីឡូក្រាម ទៅប្រគល់ជូនដល់ក្រុមគ្រួសារសពលោកអនុសេនីយ៍ឯក ទួន សាវី នាយប៉ុស្តិ៍នគរបាលរដ្ឋបាលឃុំយាង ដែលបានទទួល មរណៈភាព នៅវេលាម៉ោង១០និង១៥នាទីយប់ថ្ងៃទី០១ខែកម្ភុះឆ្នាំ២០១៦ ក្នុងជន្មាយុ៤៦ឆ្នាំ ដោយរោគាពាធ។ ក្នុងនោះថវិការបស់លោកអភិបាលស្រុក និងប្រជាពលរដ្ឋចំនួន២០ម៉ឺនរៀល និង លោកវរសេនីយ៍ត្រីទេព ពុំសែន អធិការនគរបាលស្រុកពួកព្រមទាំងមន្ត្រីក្រោមឱវាទបាននាំយកនូវថវិការចំនួន១លាន៩០ម៉ឺនរៀល និងអង្ករចំនួន៥០គីឡូក្រាម ទៅជូនដល់គ្រួសារសពផងដែរ សរុបទឹកប្រាក់ចំនួន៦លាន១០ម៉ឺនរៀល និងអង្គរចំនួន១០០គីឡូក្រាម។ សពលោកអនុសេនីយ៍ឯក ទួន សាវី ត្រូវបានក្រុមគ្រួសាររៀបចំធ្វើបុណ្យតាមប្រពៃណី នៅគេហដ្ឋាននៃសព ស្ថិតក្នុងភូមិពង្រថ្មី ឃុំសសរស្តម្ភ ស្រុកពួក ខេត្តសៀមរាប ។
លោកឧត្តមសេនីយ៍ត្រី ឡាច សាវិន ស្នងការរង ជំនួសមុខឲ្យលោកឧត្តមសេនីយ៍ទោ សត ណាឌី ស្នងការនករបាលខេត្ត បានសំដែងនូវការចូលរួមមរណទុក្ខ យ៉ាងក្រៀមក្រំក្រៃលែងជាមួយនិងក្រុមគ្រួសារនៃសព។ ថ្លែងនៅក្នុងឱកាសនោះលោកឧត្តមសេនីយ៍ត្រី ឡាច សាវិន ស្នងការរងបានមានប្រសាសន៍ថានេះជាការបាត់បង់នូវប្តី និងឪពុក ជាទីគោរព និងជាទីស្រឡាញ់ ចំពោះស្នងការនគរដ្ឋាននគរបាលខេត្ត ក៏ដូចជាមន្ដ្រីនគរបាលប៉ុស្ដិ៍រដ្ឋបាល បានបាត់បង់នៅនាយប៉ុស្តិ៍នគរបាលរដ្ឋបាលដ៏ល្អ០១រូប ដែលធ្លាប់បំរើការងារជាកងកម្លាំង
នគរបាលយូរមកហើយ និងមានស្នាដៃល្អជាច្រើនក្នុងកិច្ចការការពាររក្សាសន្តិសុខ សុវត្ថិភាព ជូនជាតិមាតុភូមិ ក៏ដូចជាបងប្អូនប្រជាពលរដ្ឋនៅក្នុងមូលដ្ឋានផងដែរ ហើយជាការបាត់បង់នូវមិត្តភ័ក្តដ៏ល្អដែលធ្លាប់តែប្រាស្រ័យទាក់ទងគ្នា ក្នុងការងារជាមន្ត្រីនគរបាល។ឆ្លៀតក្នុងឱកាសនោះ លោកឧត្តមសេនីយ៍ត្រី ស្នងការរងក៏បានផ្ដាំផ្ញើដល់គ្រួសារសព ត្រូវយកចិត្តទុកដាក់ថែរក្សាអប់រំកូនចៅឲ្យបានល្អ ខិតខំរៀនសូត្រ កុំឲ្យប្រព្រឹត្តសកម្មភាពណាដែលល្មើសនិងច្បាប់ ម្យ៉ាងវិញទៀតត្រូវខិតខំប្រកបរបររកស៊ី ដើម្បីផ្គត់ផ្គង់ជីវភាពក្នុងគ្រួសារឲ្យមានការរីកចំរើន។លោកស្នងការរងបានបញ្ជាក់ថា៖ថវិកាដែល យកមកប្រគល់ជូនដល់គ្រួសារសពនាពេលនេះ គឺជាថវិការបស់សមាគមមិត្តនគរបាលជាតិកម្ពុជា គឺការផ្តួចផ្តើមឡើងពីសំណាក់ឯកឧត្តមនាយ
ឧត្តមសេនីយ៍ នេត សាវឿន អគ្គស្នងការនគរបាលជាតិ ឯកឧត្តមតែងតែគិតគូរអំពីសុខទុក្ខ និងការលំបាករបស់កងកម្លាំងនគរបាលទូទាំងប្រទេស ដូចនេះទើបឯកឧត្តមផ្តួចផ្តើមឲ្យមានសមាគម មិត្តនគរបាលនេះកើតឡើង ក្នុងគោលបំណងជួយដោះស្រាយទុក្ខលំបាកដែលបានកើតមានឡើងដោយប្រការផ្សេងៗ ចំពោះមន្ត្រីនគរបាលជាតិកម្ពុជា តាមលក្ខន្តិកៈរបស់សមាគមនមិត្តនគរបាលជាតិកម្ពុជា មន្ដ្រីនគរបាលដែលទទួលមរណៈភាព សពលោកអនុសេនីយ៍ឯក ទួន សាវី ត្រូវបានក្រុមគ្រួសារដង្ហែរយកទៅបូជា នៅឈាបនដ្ឋានវត្តសសរសត្តម្ភ នៅវេលាម៉ោង០១ និង៣០នាទីរសៀលថ្ងៃទី០៣ខែកម្ភុះ ឆ្នាំ២០១៦នេះ។ ដោយមានកងកម្លាំងនគរបាល និងប្រជាពលរដ្ឋអាជ្ញាធរមូលដ្ឋានចូលរួមផងដែរ៕
