ស្ទឹងត្រែងៈឈើប្រណិតជាង១០០កំណាត់ស្ថិតនៅច្រាំងនៃទន្លេស្តៅត្រូវបានសមត្ថកិច្ចចម្រុះសហការចុះឡោមព័ទ្ធអស់រយៈពេល៣ថ្ងៃរងចាំឆ្លងយោបល់អភិបាលខេត្ត។ឈើទាំងអស់នោះត្រូវបានគេដឹងថាចុះឡោមព័ទ្ធតាំងពីថ្ងៃទី២កុម្ភះមកម្លះរហូតមកទល់ពេលនេះនៅមិនទាន់មានដឹកជញ្ជូនទៅកន្លែងរក្សាទុករបស់ខណ្ឌនៅឡើយទេគឺស្ថិតនៅចំណុច ភូមិស្តៅ ឃុំស្តៅស្រុកសេសានខេត្តស្ទឹងត្រែង។
សេចក្តីរាយការណ៏បានឲ្យដឹងថា ឈើទាំងនោះជាឈើប្រេភេទសុក្រំ មានមុខកាត់ធំៗប្រវែងពីមែត្រទៅ៣មែត្រមានចំនួន១១៦កំណាត់ត្រូវបានក្រុមឈ្មួញដឹកយកមកស្តុកនិងគរទុកចោលអស់រយៈពេលជាយូរមកហើយ ដោយសារតែតម្លៃមិនត្រូវគ្នាទើបទុកចោល រហូតមកទល់និង២កុម្ភះកន្លងទៅនេះទើបកម្លាំងសមត្ថកិច្ចចម្រុះចុះឡោមព័ទ្ធតែម្តង។
លោក ម៉ែន សុខា នាយរងសង្កាត់រដ្ឋបាលព្រៃឈើស្រុកបាននិយាយនៅថ្ងៃ៤កុម្ភះនេះថា លោកថាបានមកដេកយាមឈើនេះជាមួយសមត្ថកិច្ចចម្រុះអស់រយៈពេល៣ថ្ងៃមកហើយ ហើយលោកថាឈើទាំងអស់នេះចាប់ហើយគ្រាន់តែរងចាំយោបល់អភិបាលខេត្តសិនមុននិងដឹកជញ្ជូនយកទៅខណ្ឌរដ្ឋបាលព្រៃឈើលោកថាបើមិនថ្ងៃ៤កុម្ភះនេះគឺថ្ងៃ៥កុម្ភះស្អែក។
