ភ្នំពេញ៖ កម្មការនីកាត់ដេរជិត២០នាក់ដែលធ្វើការនៅ រោងចក្រ អេវើហ្គ្រីន អឺភែរីល ខេមបូឌា បានដួលសន្លាប់តៗគ្នាបង្ករអោយមានការភ្ញាក់ផ្អើដល់សមត្ថកិច្ចមូលដ្ឋានហើយបាននាំគ្នាជួយដឹកតាមរថយន្តមកសង្គ្រោះនៅមន្ទីពេទ្យព្រះកុសុមៈ(ពេទ្យលោកសង្ឃ) កាលពីវេលាម៉ោង០៩និង៣០នាទីព្រឹកថ្ងៃទី១២ខែកុម្ភរ ឆ្នាំ២០១៦ ដែលមានទីតាំងតាមបណ្តោយផ្លូវសហព័ន្ធរុស្សី ទល់មុខមណ្ឌលសុខភាពទឹកថ្លា ស្ថិតក្នុងក្រុម៥ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ។
បើតាមការអោយដឹងពីកម្មការនីដែលធ្វើការនៅរោងចក្រខាងលើនេះមានកម្មករកម្មការនីសរុប១៩០៣នាក់។
ប្រភពដដែលបានអោយដឹងថាមុនពេលកើតហេតុគឺកម្មកកម្មការនីទាំងអស់បានចូលធ្វើការដោយអង្គុយដេរជាធម្មតាលុះដល់ម៉ោងកើតហេតុមានកម្មការនីម្នាក់មានអាការធប់ៗដង្ហើមបានដួលសន្លាប់ហើយក៍នាំគ្នាដឹកយកទៅសង្គ្រោះនៅមន្ទីពេទ្យក្រោយមកស្រាប់តែមានក្ម្មការនីផ្សេងៗទៀតបានដួលសន្លាប់តៗគ្នារហូតដល់ទៅ១៩នាក់តែម្តង។
បច្ចុប្បន្នកម្មការនីទាំង១៩នាក់កំពង់សំរាកព្យាបាលនៅមន្ទីពេទ្យលោកសង្ឃ៕