ខេត្តបាត់ដំបង...ផ្លូវក្រាលក្រួសក្រហម ប្រវែង ៩.៤០០ម៉ែត្រទទឺង០៦ម៉ែត្រតភ្ជាប់ពីផ្លូវជាតិលេខ៥៧ក្នុងភូមិសាស្ត្រភូមិភ្នំសំពៅ ឃុំភ្នំសំពៅ ទល់នឹង ផ្លូវខេត្ត លេខ១៥៧១.បេ ចំណុចភូមិស្វាយប្រគាប នៃ ឃុំឈេីទាល ស្រុកបាណន់ ខេត្តបាត់ដំបង ដែលអនុវត្តគំរោងសាងសង់ ដោ យមន្ទីរសាធារណការនិងដឹកជញ្ជូនខេត្តត្រូវបានបេីកការដ្ឋានសាងសង់កែលម្អឡេីងវិញកាលពីព្រឹក ថ្ងៃទី១៣កុម្ភៈ២០១៦ កន្លងទៅក្រោមអធិបតីភាព ឯ.ឧ នាយឧត្តមសេនីយ៍
សុខ ផល ប្រធានក្រុមការងារថ្នាក់ជាតិ ចុះ ជួយស្រុកបាណន់ និងជាតំណាងដ៏ខ្ពង់ខ្ពស់
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ប្រធានក្រុមការ ងារថ្នាក់ជាតិ ចុះជួយខេត្តបាត់ដំបង និងជាអនុប្រធានគណបក្សប្រជាជនកម្ពុជា, ឯ.ឧ អ៊ុយ រី ប្រធានក្រុមប្រឹក្សាខេត្តនិង ឯ.ឧ ច័ន្ទ សុផល អភិបាលខេត្តបាត់ដំបង។
ឯ.ឧ ខាន់ ម៉ាណេរ ទីប្រឹក្សាសម្តេចក្រឡា ហោម និងជាប្រធានមន្ទីរសាធារណការ និង
ដឹកជញ្ជូន ខេត្តបាត់ដំបង បានគូសបញ្ជាក់ ថា: ដោយពិនិត្យឃេីញពីការលំបាករបស់ប្រ
ជាពលរដ្ឋក្នុងឃុំភ្នំសំពៅនិងឃុំឈេីទាលនៃស្រុកបាណន់ ទេីបសម្តេចក្រឡាហោម ស ខេង បានជម្រុញឲ្យមន្ទីរ ខិតខំរិះរកវិធីដោះស្រាយជាបន្ទាន់ទៅក្រសួង តាមរយ:កញ្ចប់ ថវិកាបន្ទាន់ឆ្នាំ២០១៦ ចំនួន២កញ្ចប់ ដេីម្បីជួសជុលផ្លូវនេះជូនប្រជាពលរដ្ឋនៅទីនេះ។
ឯ.ឧ ខាន់ ម៉ាណេរ បានថ្លែងគូសបញ្ជាក់ឲ្យ ដឹងបន្ថែមទៀតថា: ក្នុងឆ្នាំ២០១៦នេះ ប្រជា
ពលរដ្ឋអាចធ្វេីដំណេីរទៅកាន់ផ្លូវជាតិលេខ៥បានតាមរយៈផ្លូវលេខ១៥៧A ដែលចេញ
ពីសាលាស្រុកបាណន់ ខេត្តបាត់ដំបង កាត់តាមឃុំរាំងកេសី ដោយមន្ទីរគ្រោងនិងចាក់ ក្រាលកៅស៊ូក្នុងឆ្នាំ២០១៦នេះ។ ជាមួួយគ្នា នេះ នៅក្នុងឆ្នាំ២០១៦ ផងដែរ ក៏មានគំរោង
បន្តចាក់ក្រាលកៅស៊ូជាតំណាក់ៗមួយទៀតពីឃុំស្នឹង ទៅ ឃុំចែងមានជ័យ ដែលអនុវត្ត
ដោយកងវិស្វកម្មក្រសួងការពារជាតិ ដំណា ក់កាលទី១ ដែលមានប្រវែង៣.៥០០ម៉ែត្រ។
ឯ.ឧ ច័ន្ទ សុផល អភិបាលខេត្តបាត់ដំបងបានមានប្រសាសន៍ក្នុងឱកាសបេីកការដ្ឋានស្ថាបនាផ្លូវក្រាលក្រួសក្រហមប្រវែងជីត១០ គ.ម ដែលអនុវត្ត ដោយមន្ទីរសាធារណការ
ថា នេះជាសមិទ្ធផលថ្មីមយួទៀត របស់ខេត្ត បាត់ដំបង ក្នុងចំណោមសមិទ្ធផល ជាច្រេីន
ដែលបាននឹងកំពុងអភិវឌ្ឍ ហេីយជានិច្ចជា កាលខេត្តបាត់ដំបងតែងតែទទួលបាននូវអា
ទិភាពខ្ពស់ពីប្រមុខរាជរដ្ឋាភិបាលក្នុងវិស័យសាងសង់ហេដ្ឋារចនាសម្ព័ន្ធនូវប្រព័ន្ធគមនា
គមន៍ខ្វាត់ខ្វែងគ្រប់ច្រកល្ហកនៅទូទាំងស្រុកក្នុងខេត្ត ធ្វេីឲ្យប្រជាពលរដ្ឋ មានជីវភាពប្រែ ប្រួលរីកចម្រេីនប្រសេីរឡេីងជាបន្តបន្ទាប់។
នៅក្នុងឱកាសបេីកការដ្ឋាននេះដែរ ឯ.ឧនាយឧត្តមសេនីយ៍ សុខ ផល ប្រធានក្រុម ការងារថ្នាក់ជាតិចុះជួយស្រុកបាណន់បានអំពាវនាវដល់ប្រជាជនគ្រប់ៗរូប ក្មួយៗ ជាយុវ ជន-យុវនារី សិស្សានុសិស្ស ក្មួយៗកាយរិទ្ធិ កាកបាទក្រហម ត្រូវនាំគ្នាគោរពច្បាប់ចរាចរ ណ៍ផ្លូវគោកថ្មី ឲ្យបានម៉ឺងម៉ាត់គ្រប់ៗ គ្នាត្រូវ បេីកបរ ក្នុងល្បឿនដែលច្បាប់ បានកំណត់ និងនាំគ្នាគោរពស្លាកសញ្ញា ភ្លេីងស្តុប និងគំ នូសលេីដងផ្លូវ ដេីម្បីរក្សានូវសុខសុវត្ថិភាព ផ្ទាល់ខ្លួននិងក្រុមគ្រួសារដោយធ្វេីយ៉ាងណាថ្ងៃនេះ និងថ្ងៃស្អែក សូមកុំឲ្យមានគ្រោះថ្នាក់ចរាចរណ៍ដាច់ខាត។នៅក្នុងឱកាសនោះផង ដែរឯ.ឧ សុខ ផល,ឯ.ឧ ច័ន្ទ សុផល ក៏បាន ប្រគល់មួកសុវត្ថិភាពជាង៦០០មួក ក្នុងម្នាក់ ៗ មួក១ សារុង និងថវិកា១ម៉ឺនរៀល…៕